CEIP Emilia Pardo Bazán

O vindeiro mércores día 13 de decembro terá lugar a primeira das charlas incluídas no proxecto Escola de Pais e Nais que arranca este curso. Será ás 10:00 horas na aula de informática do centro.

Dita charla titulada "Sobreprotección, a importancia da autonomía nos nenos/as" estará dirixida a pais/nais/avós con rapaces/as de entre 3 e 7 anos e será impartida por Julia, a psicóloga do Servizo de Atención Temperá.

Animádevos a participar!

O pasado venres día 1 de decembro, grandes e pequenos/as, nenos/as e mestres/as, desfrutamos na biblioteca dunha actividade lúdica e de animación á lectura a cargo do mago Le Grand Martin, que co seu espectáculo "A maxia preto de ti" nos fixo pasar unha hora de diversión total.

Os números sucedéronse con enxeño e ocorrencias, cartas, cordas, malabares... a partir dunha imaxinaria viaxe de Marco Polo polo mundo.

(Ver imaxes na galería)

Ó longo dos meses de outubro e novembro, o alumnado de 3º, 4º, 5º e 6º de Educación Primaria participou nun programa de charlas impartidas por membros da Garda Civil da Comandancia de Ourense.

Os temas sobre os que versaron foron: "Acoso escolar" e "Os perigos de Internet" para os/as alumnos/as de 3º a 6º de Primaria, e "Drogas e Alcohol" e "Violencia de Xénero" para os/as nenos/as de 5º e 6º da etapa.

(Ver imaxes na galería)