Este curso o noso cole foi seleccionado para participar no concurso Ecovoz. 
Está organizado pola Emisora Radio Voz e todas as preguntas teñen que ver coas cousas que aprendemos en Coñecemento do Medio. Bueno todas non, porque hai un tipo de pregunta especial que vale o dobre que é a pregunta SOGAMA e é á que máis voltas lle damos.
No sorteo dos emparellamentos tocounos cun colexio de Cabanas o CEIP Eladia Mariño que concursaron desde Ferrol e nos tivemos que ir a Vigo. Participamos catro (Adhara, Blas, Cristina e Magdalena) e levamos dou suplentes (David e Sergio). Como eramos tan pouquiños e non podiamos ir en autobús leváronnos a nai de Adhara, a nai de Cristina e o pai de David.
Cando chegamos veunos recibir un técnico que se chama Emilio que foi o que nos levou a visitar toda a emisora. Primeiro fomos ao estudio onde iamos gravar para deixar os abrigos e as mochilas e menudo "susto", había un montón de xente sentada mirando a través dun cristal. Resulta que ese día coincidiu que había outro cole de visita, pero marcharon enseguida.
Despois de visitar outro estudio máis pequeno, a discoteca e a "pecera" onde traballan os técnicos que axudan aos locutores dándolles indicacións, Blas tivo que facer as probas de son xa que el é o noso voceiro.
Así que case é mellor que sexa el quen vos conte a aventura do que foi o concurso:
"No concurso, todos estabamos moi nerviosos. Soou unha musiquiña en sinal de que o concurso comezaba, e empezou! Concursabamos co colexio "Eladia Mariño de Ferrol e Iago (o que facía as preguntas) preguntounos o nome.
Un sorteo a cara ou cruz decidiu quen empezaba a concursar... e tocounos a nos.
Primeiro preguntáronnos a nos, pero fallamos e no rebote acertaron os do outro colexio. Despois pasou o mesmo pero a favor noso. logo acertamos os dous equipos eeehh..... Chegou a pregunta que podía cambiar todo, a pregunta SOGAMA!!! Pero nin os de Ferrol nin nos a acertamos. A quinta pregunta contestámola ben e os nenos do Eladia Mariño tamén.
Xa non había máis preguntas excepto a do desempate, e sorteamos quen a respostaba mirando a ver quen dicía o nome do seu colexio máis rápido e.... Gañamos!!! Dixemos Refoxos a mil por hora, pero aínda habia que respostar a pregunta, e Iago formulouna:
- Cales son as fontes de enerxía non renovables?
E nos contestamos:
- O petróleo, o gas natural e o carbón.
E ao final si. GAÑAMOS!!!
Esta rolda claro porque aínda quedan máis días e máis unidades que estudar.
Ao final de todo, todos nos demos un abrazo. Despois merendamos nun parque que estaba alí ao lado, e para casa, moi contentos eso si."
Blas (3ºCiclo)
