Presentación | Horarios | Oferta educativa | Secretaría | Contacto
Actividades do centro
DÍA INTERNACIONAL DA MULLER E DA NENA NA CIENCIA
O venres 11 de febreiro co motivo da conmemoración do Día Internacional da Muller e a Nena na Ciencia, levamos a cabo unha serie de actividades para resaltar o papel da muller na ciencia.
Durante todo o día sonaron nomes polos corredores tales como: Jane Goodall, Marie Curie, Olimpia Valencia...
Non só iso! Todo o alumnado e profesorado fixemos SLIME!! Para iso contamos coa axuda das alumnas de 5º de E.P. que, repartidas polas aulas do cole, mostráronnos as súas cualidades para facelo e todos puidemos levar un anaquiño do mesmo para os nosos fogares.
Un día científicamente fermoso!!
CELEBRAMOS O DÍA DA PAZ
MEU DESEXO TEU DESEXO
Tes ante ti unha instalación artística baseada na obra orixinal de Rivane Newenschwander.
Esta autora rememora una tradición que se practica en San Salvador (Bahía) e que se remonta ao S.XVIII.
Os visitantes toman unha cinta e a atan ao pulso, supostamente unha vez estes se desprenden, o desexo cúmprese.
No burato baleiro, é posible incluír un papeliño, donde habería que escribir un novo desexo.
En Centieiras convidamos tanto a alumnado e as familias a participar nesta actividade.
Estas son as mostras do que aconteceu no noso centro.
DIGICRAFT 21-22
DIGICRAFT EN CENTIEIRAS 21-22
Con Digicraft estamos a aprender e mellorar a nosa competencia dixital ao mesmo tempo que nos estamos a divertir un montón!! Queremos compartir algúns dos nosos mellores momentos: traballando en equipo, cooperando e pasando anacos de tempo ben entretidos
Festival de Nadal Centieiras 2021
Presentámosvos estas cancións, contos e bailes con todo o noso cariño. Felices festas e vémonos á volta!
CIENCIA CON MOITO SENTIDIÑO
Este Luns 29 de Novembro o alumnado de Educación Infantil , 1º , 2º e 3º de Educación Primaria realizaron diferentes talleres nos que puxeron a traballar todos os seus sentidos. Contamos coa colaboración dos amigos do "Comite de Investigación sobre Sentidoloxía Corporal" cos que desenrolamos os nosos sentidos para poder deste xeito axudar á fauna mariña.
Velaquí algunhas imaxes dos talleres.
25N DÍA INTERNACIONAL CONTRA A VIOLENCIA DE XÉNERO
Durante esta semana celebramos o Día Internacional Contra a violencia de xénero. Entre algunhas das actividades que fixemos están as propostas pola FANPA Ferrolterra entre elas un flash mob e unhas tarxetas con mensaxes contra a violencia de xénero; tamén traballamos o conto Artur e Clementina e fixemos unhas chapas.
CRÓNICAS DE CENTIEIRAS
Un curso máis o programa de radio "Crónicas de Centieiras" comeza a súa andaina.
Estamos moi emocionados pois, despois dun ano sen poder acudir aos estudos de Radio Fene por mor da pandemia, este curso volvemos gravar alí.
Este primeiro programa foi desenvolvido polo alumnado de 4ºEP que contou coa colabración dos nenos e das nenas de 1ºEP.
Fíxolles moita ilusión entrar no estudo de gravación, ter diante os micrófonos... Estaban algo nerviosos, pero, aínda así, fixéronno xenial!!!
Esperamos que vos guste.
CRÓNICAS DE CENTIEIRAS Novembro 2021
Ata o próximo programa!!!
- « primeira
- ‹ anterior
- …
- 6
- 7
- 8
- 9
- 10
- 11
- 12
- 13
- 14
- seguinte ›
- última »
![Actividades do centro Distribuir contido](/centros/ceipcentieiras/misc/feed.png)