Estimadas familias e alumnado de sexto:

Xa están dispoñibles na Aula Virtual de Santillana as novas propostas de actividades de Matemáticas e Lingua Castelá para esta semana.

En canto a Ciencias da Natureza, propóñovos esta actividade titulada Experimentando coa materia, na que atoparedes dous sinxelos experimentos que poderedes facer na casa e actividades relacionadas con eles.

Lémbrovos que os que aínda non o fixestes, podedes enviarme os vosos vídeos coa exposición dos temas 5 e 6 de Naturais ao correo clasesextocentieiras@gmail.com. Queremos vervos!

Para Lingua Galega, propóñovos redactar unha receita de cociña, preferiblemente unha receita que fagades estes días na casa. Máis abaixo atoparedes un documento pdf adxunto cun guión para redactar a receita e un exemplo que podedes usar como modelo. Podedes enviarme as vosas receitas ao correo eléctrónico clasesextocentieiras@gmail.com e publicareinas no blog da nosa clase para que todas e todos poidamos probalas nas nosas casas.

Recordade que se tedes dúbidas de vocabulario ou ortografía durante a redacción da receita, podedes consultar o Dicionario da Real Academia Galega en liña.

Agardo ver pronto os vosos traballos.

Moito ánimo para afrontar esta terceira semana de confinamento!

Apertas 

Isa

Pinchade na imaxe para descargalo.

#FicaNoLar e #Móvete

Queridos alumnos/as e familias!

 Sí, seguro que o estades pensando. Que ocorre coas as clases de Educación Física?  Por que o profe Abel non nos mandou tarefas ao igual que o resto do profesorado? Ben, lamentablemente non todo o mundo dispón do mesmo espazo para vivir. Aqueles que teñan casa e non piso, teñen moitas máis facilidades de poder exercitarse. Aínda así non teño desculpa polo que vouvos dar varias ideas, e se vos apetece e tedes espazo, poñédelas en práctica.

 Comezamos cun xogo da OCA que atopei por Internet para participar en familia, desenvolvido por un mestre de EF dun cole de Murcia. Moi, moi orixinal. Eu xa o puxen en práctica coas miñas pequechas. ATREVÉDESVOS?

Bo día a todas e todos!

En vista de que algúns de vós estades tendo dificultades para atopar as actividades na aula virtual Santillana, déixovolas en pdf nuns documentos adxuntos que atoparedes ao final deste texto. Deixo só as de Matemáticas e Lengua, esquecédevos das de Naturais.

Para enviarme as tarefas podedes esoller o método que mellor se adapte ás vosas circunstancias:

- Podedes imprimir os documentos en pdf e facer as actividades no propio documento. Unha vez feitas, podedes escanear os documentos ou sacarlles fotos e mandarmas ao enderezo clasesextocentieiras@gmail.com

- Podedes facer as tarefas nun papel que teñades na casa, escanealo ou mandarme as fotos ao enderezo clasesextocentieiras@gmail.com

- Podedes facer as tarefas a ordenador nun documento de word en enviarmo en word ou pdf ao enderezo clasesextocentieiras@gmail.com

Un saúdo e boa fin de semana!

Isa

Ola rapaces e rapazas!

Apetécevos novos e diversos enlaces para visionar e practicar? Reforzariamos contidos xa desenvolvidos ao longo do curso. Así pois, depende únicamente de vós. Os enlaces déixovolos eu. Comezaremos polo UNIVERSO.

·         Vídeos

O Universo:       https://www.youtube.com/watch?v=Ok7Vgi8EZzQ

O Sistema Solar:              https://www.youtube.com/watch?v=CVggtqgOcdo

O Sistema Solar para rapaces/as:            https://www.youtube.com/watch?v=pS7p6FfU4bE

·         Tarefas interactivas

O Universo e o Sistema Solar:  http://www.ceipjuanherreraalcausa.es/Recursosdidacticos/QUINTO/datos/02_Cmedio/datos/05rdi/ud06/unidad06.htm

O Universo:

https://cplosangeles.educarex.es/web/edilim/tercer_ciclo/cmedio/el_universo/el_universo/el_universo.html