Skip to Content

Menús ecolóxicos no mes de maio

 

Para a elaboración destes menús utilizaranse productos ecolóxicos e de proximidade:

LUNS 30: Crema de verduras (cabaza e porro), tortilla de patacas e acelgas acompañada de ensalada, de postre mandarina.

MARTES 31: Caldo (repolo e fabas) , hamburguesa a prancha acompañada de pasta con salsa de cabaza máis ensalada, de postre queixo fresco con kiwi.

 

 

Multiaventura no Galipark

O noso alumnado de 6° de Educación Primaria, acaba de  chegar ao Galipark, instalación de multiaventura na que pasarán os próximos 4 días traballando a súa autonomía persoal e convivencia de grupo. Ademáis terán unha toma de contacto con diferentes actividades deportivas como: a escalada, o kayak, sendeirismo, rutas en BTT, tiro con arco, laser tag entre outros. 

Para que poidades seguir as súas aventuras, no seguinte álbum iremos engadindo instantáneas sobre a súa estancia.

Álbum: PVDA: A Saínza en movemento -> Excursión de 6° o Galipark

"Aula de reptiles"

Hoxe tivemos unha visita moi especial, tivemos a ocasión de ver en directo, e incluso... tocalos! Camaleóns, tartarugas, ras e serpes convertéronse, tras uns primeiros momentos de nerviosismo e temor, nos nosos amigos.

Aprendemos as características fundamentais destes animais: como vivían, como se alimentaban e algunhas curiosidades que fan tan especiais a estes réptiles e anfibios. Pero sobre todo, axudounos a comprender a responsabilidade que supón ter unha mascota nas nosas casas.

Entre os animais que puidemos ver e/ou tocar estaba “tartaruga aligátor o caimán”, cunha das mandíbulas máis potentes do reino animal; ou a “Phyton Molurus”, a verdadeira protagonista da mañá.

Este tipo de actividades supoñen para a ensinanza un punto de partida perfecto que permite afondar en diversos temas. Solo dende este interese que nace da admiración, da curiosidade e da experiencia vivida se pode crear e asentar o coñecemento.

Álbum: Talleres e actividades complementarias -> Aula de reptiles

Día das letras galegas 2022

O autor homenaxeado no Día das Letras Galegas 2022 é un reflexo da cultura galega no século XX. Militante do Partido Galeguista, exiliado en América, colaborador de Castelao, promotor de iniciativas editoriais e radiofónicas. Florencio Delgado Gurriaráné un poeta que escribiu entre dous mundos: a súa terra de Valdeorras e o país de acollida, México. 

Co gaio de reprensentar ambolos dous mundos, o venres 13 de maio, elaboramos este mural simbólico con palabras galegas, esas que o autor  levou con él a cada rincón do mundo no que estivo.

Ademáis entre todos fixemos o noso propio libro de "Parvadas", e para rematar puidemos gozar todos xuntos dunha xornada de "Xogos populares e tradicionais galegos" no patio.

A continuación podedes ver un resumo coas fotos deste día:

Álbum: Celebracións -> Letras Galegas 2022

Actividade interdisciplinar a través do proxecto "Alimentos da biosfera"

 

Este proxecto ten como obxectivo o impulso das marcas propias e a marca Nacional nas Reservas da Biosfera españolas para producións alimentarias e servizos turísticos, como estratexia para a mellora da calidade destas producións, para que contribúan á mitigación do cambio climático mediante o fomento do consumo en circuítos curtos locais.

Dentro do proxecto promoveranse actuacións dirixidas a mellorar a calidade das producións, e actuacións dirixidas a mellorar a visibilidade destes produtos, así como unha última fase de organización do consumo de produtos locais ecolóxicos en comedores escolares.

GDR Limia-Arnoia vai desenvolver este proxecto en colaboración co CEIP Plurlingüe Carlos Cid Arregui, de Rairiz de Veiga, ao longo do ano 2022.

Dentro deste proxecto os nenos e nenas de Educación Infantil ata 4º de Educación Primaria, foron participes dunha actividade interdisciplinar para celebrar o Día da Terra e o Día do Libro a visita dun contacontos que lles deu a coñecer a fauna e flora da zona, neste album podedes ver algunhas das imaxes recollidas durante a actividade.

 

 

Álbum: Talleres e actividades complementarias -> Proxecto "Alimentos da biosfera"

Easter

Este ano dende o Proxecto Plurilingüe de centro, diseñouse o denominado EASTER DAY. Co gaio de crear un ambiente co inglés como lingua vehicular e centrando as actividades deste día na área principal do Proxecto (arts and crafts), o alumnado de sexto traballou arreo para axudar ao diseño dun día que se organizou do seguinte xeito:

✓ PAINTING EGGS :  taller dirixido por alumnado de sexto e adicado a diseñar e pintar ovos de Pascua.

✓ EASTER BUNNY:  taller diseñado por alumnado de sexto e adicado a crear unha manualidade sobre o coello de Pascua.

✓ EASTER GAMES: actividade supervisada por alumnado de sexto na que se realizaron diferentes xogos para repasar vocabulario como: puzzles, domino, memory cards, 3 in a row...

✓EASTER HUNT: actividade na que o alumnado debe seguir as pistas que lle dan os seus teachers para atopar todos os ovos de Pascua escondidos polo centro.

Aquí vos deixamos a galería de imaxes onde podedes ver o ben que o pasamos durante este día.

Álbum: Celebracións -> Easter 2022

21 DE MARZO DÍA DA POESÍA

O 21 de marzo celebrouse "O día mundial da Poesía" e no noso colexio contribuimos a elaboración dun mural conxunto de centro.

Dende o equipo de biblioteca propuxemos días atrás, a elaboración dunha poesía para os alumnos de 6º, 5º e 4º de primaria, para 3º e 2º a elaboración de pareados ou estrofas con rima e para 1º e infantil palabras ou imaxenes con rima.

Así nas aulas os titores dinamizaron e traballaron cos alumnos para aportar o seu gran de area para montar o mural "PINGAS CON RIMA", que ao principio só tiña nubes e un paraugas e finalmente quedou así de fermoso cheo de pingas con poesías. Sorriso

 

 

Talleres na semana do día da muller.

Durante estas semanas tivemos a sorte de contar con varios talleres sobre o 8M:

  • Taller sobre micromachismos levado a cabo pola Cruz Vermella de Xinzo para as nenas e nenos de 3º e 4º de Educación Primaria.
  • Taller sobre a muller liderado polo centro de Desenvolvemento Rural O VISO para as nenas e nenos de 3º a 6º de Educación Primaria.

Como non tivemos a sorte de atopar nada para os máis pequenos, dende o centro propuxose a elaboración dun  taller de contacontos levada a cabo polos cursos superiores aos máis pequenos, deste xeito:

  • O alumnado de 6º preparou durante a semana o conto "Rosa Caramelo" para o alumnado de Educación Infantil.
  • O alumnado de 5º preparou durante a semana o conto "A princesa espadachina" para o alumnado de 3º de Educación Primaria.
  • O alumnado de 4º preparou durante a semana o conto "Maruxa" para o alumnado de 1º e 2º de Educación Primaria. 
Álbum: Talleres e actividades complementarias -> Talleres 8 de Marzo de 2022

Día da muller

Ve de celebrarse o día da muller , e para conmemorar esta data, dende o centro relaizaronse multiples actividades. Entre elas a elaboración conxunta dunhas ás xigantes, cuxo simbolo é incentivar ao noso alumnado tanto nenas coma nenos en dar voz e visibilidade a todas as mulleres de cara a unha convivencia en completa igualdade.

Nesta galería podedes ver o proceso de elaboración das ás, así como as demáis actividades levadas a cabo dende as diferentes áreas (curtametraxes, xogos, arte...)

Álbum: Celebracións -> 8 de marzo

Días de entroido

O entroido este ano estivo cheo de sorpresas! O proxecto da biblioteca deste ano coma xa sabedes está adicado as mulleres, e cada curso tivo que investigar sobre a vida dunha muller con traxectoria reseñable, para darlla a coñecer aos seus compañeiros e compañeiras.

Aproveitando todo o traballo elaborado dende as diferentes áreas curriculares, cada clase escolleu un disfraz relacionado con dito traballo, así:

Educación Infantil disfrazouse de ratiños na honra a un dos poemas da autora traballada Gloria Fuertes

1º e 2º de Educación Primaria disfrazouse en base a cultura de Malala

3º de Educación Primaria disfrazouse da Selección Española Feminina de fútbol na honra da pioneira Verónica Boquete

4º de Educación Primaria disfrazouse das personaxes da famosa obra de Harry Potter na honra da súa autora Joanne Kathleen Rowling

5º de Educación Primaria disfrazouse en base a cultura de Frida Khalo

6º de Educación Primaria disfrazouse da  pioneira en aviación Amelia Earhart

Tras traballar arreo na elaboración dos nosos disfraces chegou a semana do entroido ao cole. O meco comezou coas súas ordes, recibimos a visita sorpresa das pantallas e o máis esperado sacamos a desfilar o noso traballo: disfraces e murais.

Nos aprendimos moito, e vós?  quedouvos claro a importancia das mulleres sobre as que investigamos?

Aqui tendes a galería coas imaxes dos mellores momentos de tanto esforzo! BO ENTROIDO!

 

 

Álbum: Celebracións -> Entroido 2022

"A voar!" visita o noso cole

Hoxe tivemos a sorte de disfrutar doutra das actividades que ofrece Afundación aos centros escolares. Ao son enerxético de Cé Orquestra Pantasma, os nenos e nenas do cole desfrutaron do espectáculo musical: "A Voar!" que conta a historia da pequena Xoana quen, movida pola curiosidade e o desexo de voar, emprenderá unha longa viaxe que fará mudar a súa vida, amosándonos que só a través do coñecemento dos valores universais seremos quen de mellorar.

A Voar! pretende axudar os nenos e nenas a reivindicar a confianza necesaria para satisfacer as súas necesidades de liberdade, movemento e xogo libre, así pois, nenos e nenas… a voar!

Álbum: Talleres e actividades complementarias -> Afundación trae ao cole "A voar"

Celebramos o día de Rosalía de Castro

No día de hoxe 23 de febreiro do 2022 conmemoramos o día de Rosalía, unha celebración que estivemos a preparar con ganas e que foi todo un éxito, para os que non o saibades o programa dito evento foi o seguinte:

1º Kamishibai sobre a vida de Rosalía de Castro (ilustrado polos nenos e nenas de sexto e narrado polos nenos e nenas de quinto) 

2º Intercambio de agasallos sobre Rosalía de Castro (cada aula traballou na creación dun agasallo para este día) 

3º Os pensamentos de Rosalía de Castro (colocamos na nosa horta viaxeira as macetas cos pensamentos que deberemos coidar entre todos a partires de agora) 

Álbum: Celebracións -> Día de Rosalía de Castro

Ampliamos as nosas fronteiras dixitais. Xa segues a nosa conta de Instagram?

Co gaio de dar a coñecer o noso centro e que a comunidade educativa o completo (familias, alumnado, persoal docente e non docente) teña sempre información de primeira man sobre as actividades e proxectos que se levan a cabo no “Carlos Cid Arregui”, estamos ampliando as nosas fronteiras dixitais máis alá nosa web do centro, facendo uso de RRSS, como Instagram que dun xeito moito máis sinxelo e visual permite que a información chegue de xeito moito máis sinxelo e dinámico. Inda non seguides a conta do cole? Escaneade este QR ou buscade o noso nome e comezade a seguirnos!

Debido a esta nova ampliación de fronteiras dixitais, no día de hoxe enviamos un novo modelo de autorización para o tratamento de imaxes que establece o Protocolo de Protección de Datos facilitado pola administración.

  • Porque se solicita autorización de ferramentas dixitais alleas as corporativas?

As ferramentas para as que se solicita consentimento son as estritamente necesarias para o tratamento (almacenamento e transferencia) das imaxes a nivel interno de centro, e nunca fora dos grupos de traballo dos responsables docentes.

  • Publicaranse imaxes nas que saia o meu fillo/filla? 

Si, nas plataformas dixitais corporativas (Web do centro, Galería de Imaxes Coppermine e Aula Virtual Moodle). Pero cabe indicar que as imaxes publicadas nas RRSS serán xeralmente de costas para salvagardar a identidade dos máis cativos, a excepción de que poidan aparecer de vagar durante algunha actividade en streaming (por exemplo nos directos do Instagram) que se leve a cabo durante algún taller, obradoiro ou festival do centro.

 

Aula STEAMM con M de Música.

Aula STEAM (Science, Technology, Engineering, Arts and Maths) é unha estratexia educativa que desperta o interese do alumnado pola ciencia, a tecnoloxía e o arte. A través deste sistema pedagóxico, que inclúe conceptos de programación e robótica, aprenderán a resolver problemas mediante a creatividade e a innovación.

Neste curso escolar 2021-22 AFundación achega aos centros educativos unha nova serie de talleres STEAM en clave SOSTENIBLE. Ao noso centro chegou esta mañá a Aula Steam itinerante: STEAMM con doble M de Música:

INFANTIL gozou dun taller de robótica básica «O instrumento mudo que se fixo un nó.

3º PRIMARIA A 6° PRIMARIA gozou dun taller de programación, robótica, e música «DJ Makey Makey»

Aquí podedes ver algunhas instantáneas dos talleres.

Álbum: Talleres e actividades complementarias -> Aula Steam

Dia da paz 2022

O venres a tarde celebramos o día da paz no cole, o tempo acompañounos para poder reunirnos ao aire libre e así poder presentar aos nosos compañeiros todo o traballado realizado nestas semanas: bailes, cancións, maracas, as pombas de Picasso, etc. Ademáis pegamos por clases as flores que faltaban para finalizar o mural da paz colaborativo. Aqui podedes ver algunhas imaxes da celebración.

Álbum: Celebracións -> Día da Paz 2021

A aula virtual no meu dispositivo

Para facilitarvos a instalación e uso da aula virtual dende distintos dispositivos creamos este videotitorial. Esperamos vos sexa de axuda.

Rematamos o mes con: "Frankestein, treme o misterio..."

O alumnado do centro puido gozar onte dunha experiencia teatral, realizada en streaming para todas as aulas de infantil e primaria, para máis información sobre a obra facede clic aquí. A actividade levouse a cabo nas primeiras horas da mañá, aquí vos deixamos algunhas instantáneas:

Álbum: Talleres e actividades complementarias -> Frankestein, treme o misterio...

Traballamos a importancia do Día Internacional da Eliminación da Violencia contra a Muller (25N)

Son moitas as actividades levadas a cabo nestas semanas dentro da aula para visibilizar a importancia deste día, entre elas está a elaboración conxunta deste mural que quedará na entrada do centro. Podedes clicar na fotografía para ver o album completo:

Álbum: Celebracións -> 25 de Novembro

Artist@s do magosto!

Ola a todos e a todas!

Xa rematou o magosto e xa toca prepararnos para outra troula, non si? Selado

Pero antes diso é hora de ver as vosas creacións… a verdade e que quedamos abraiad@s, sodes verdadeir@s artist@s!!

Para ver as fermosas castañas que creastes premede AQUÍ.

 Os cómics non quedaron atrás... non nos poden gustar máis!

 

 

Se queredes pasar a lelos podedes achegarvos á biblioteca! 

Celebramos o Magosto

Fai clic  na imaxe para ver a galeria completa

Álbum: Celebracións -> Magosto 2021

Criterios e procedemento para a distribución de máscaras entre o alumnado para o curso 2020/21

Adxuntamos información resumida sobre a ORDE do 28 de outubro de 2021 pola que se regulan os criterios e o procedemento de distribución de máscaras entre o alumnado.

Tamén podedes acceder a orde completa  clicando aqui

Instalación e rexistro de abalarMóbil

Coa finalidade de aumentar o acercamento entre o profesorado e as familias, ofrece abalarMóbil. Trátase dunha aplicación que permite ás familias consultar a información dos seus fillos a través do teléfono móbil dende calquera lugar, de forma cómoda e rápida.

As familias que descarguen abalarMóbil van a poder dispoñer das seguintes funcionalidades: 
•Acceder aos datos persoais
•Consultar as cualificacións
•Consultar e xustificar as faltas de asistencia
•Consultar as faltas de conduta
•Solicitar unha cita de titoría
•Consultar os datos do centro educativo
•Consultar os avisos ou notificacións por parte do profesorado ou do centro educativo.
•Consultar as  incidencias creadas polo profesorado
•Modificar o idioma da aplicación
•Acceder á mensaxería de abalarMóbil, que é unha nova funcionalidade que tén como obxectivo facilitar a comunicación entre o centro e os responsables do alumnado, ou entre o profesorado e este.
 
A continuación deixamosvos documentación e un video que vos pode ser de axuda.

GUÍA PARA AS FAMILIAS

 

 

Recordade que clicando enriba das imaxes que podedes ver na barra dereita desta páxina web tendes acceso directo aos diferentes programas dos que somos partícipes, entre elas está o acceso a web oficial de abalarMóbil

É tempo de magosto!

En pleno outono é tempo de Magosto e a mascota da nosa biblioteca quere celébralo con todos vós.

Premede nas imaxes e lede moi atentos a súa invitación!

 

Fotos Samaín - Halloween 2021

Fai clic na imaxe para ver todas as fotos da galería

Álbum: Celebracións -> Samaín- Halloween 2021

Videoconto Samaín 2021

Entre as actividades levadas a cabo para celebrar o Samaín, aquí vos amosamos o conto que grabamos esta mañá.

 

Halloween 2021

O vindeiro venres 29 de outubro celebraremos no noso centro o Samaín e Halloween. Os nenos/nenas poderán acudir disfrazados co seu atuendo máis terrorífico. 

Realizaremos Xogos para todos os niveis e participarán no concurso de cabazas que quedarán expostas na etrada do cole.  

Happy Halloween!!!

Distribuir contido


by Dr. Radut