Skip to Content

FONDO SOLIDARIO DE LIBROS DE TEXTO, AXUDAS PARA LIBROS E AXUDAS PARA MATERIAL ESCOLAR PARA O CURSO 2018/19.

A Consellería ven de publicar a Orde do 9 de maio do 2018 (DOG 21 de maio) pola que se regula o fondo solidario de libros de texto destinado ao alumnado de 3º, 4º, 5º e 6º de Educación Primaria para o curso 2018/19. As axudas serán solicitadas polos pais, nais, titores ou representantes do alumnado. Poderán presentar solicitude o/a proxenitor/a ou representante legal do alumnado matriculado ou que se vaia matricular no curso 2018/19 nos niveis educativos enriba mencionados. Nos arquivos adxuntos atoparase o modelo de solicitude a entregar. Lémbrase que a solicitude é única, independentemente do número de alumnos/as polos que se solicite. No caso de que a solicitude se tramite por vía electrónica empregando a aplicación Fondo libros será necesaria a presentación dunha solicitude por cada alumno/a.O prazo de presentación de solicitudes remata o 22 de xuño.

Asimesmo, a Consellería tamén ven de convocar axudas para a adquisición de libros de texto destinadas ao alumnado matriculado en 1º e 2º de Educación Primaria ou en Educación Especial. Presentarase unha solicitude única no centro docente onde o alumno/a esté matriculado. Os requisitos para ser beneficiario/a, así como a documentación requerida inclúense nos documentos adxuntos. O prazo de presentación de instancias será ata o 22 de xuño de 2018. Lémbrase que as familias con renda per cápita familiar igual ou inferior a 5.400 € poderán acceder ao vale de material escolar (50 €).

Frauta 3ª Avaliación

 

 

 

 

 

 

 

 

PUBLICACIÓN DAS LISTAXES DEFINITIVAS DE ADMITIDOS E NON ADMITIDOS PARA O CURSO 2018/19.

Nos arquivos adxuntos recóllese a relación nominal definitiva de alumnos/as admitidos e non admitidos para o vindeiro curso. Esta listaxe estará exposta ata o inicio do novo ano académico. Calquer reclamación terá que formalizarse como recurso de alzada ante Xefatura Territorial e prazo dun mes contado a partires do día seguinte de hoxe, día da súa publicación.

DÍAS NON LECTIVOS

Tendo en conta o disposto na Orde do 7 de xuño de 2016 pola que se aproba o calendario escolar do presente curso, o vindeiro venres 18 de maio non será lectivo.

PROBAS DE AVALIACIÓN INDIVIDUALIZADA

O 23 e 24 de maio celebraranse as probas de avaliación individualizada dirixidas ao alumnado de 3º nivel de Educación Primaria. Lémbrase que se aplicarán probas de competencia  matemática e lingüística.

PUBLICACIÓN DA RELACIÓN NOMINAL DE ADMITIDOS E NON ADMITIDOS PARA O CURSO 2018/19.

Nos arquivos adxuntos atoparedes a relación nominal de admitidos e non admitidos para o vindeiro curso coa puntuación total. Lémbrase que o prazo de reclamación é de 5 días hábiles a partires do día seguinte á publicación e ante o Consello Escolar (art. 30.3), tendo en conta o especificado na Orde do 12 de marzo do 2013 e na Orde do 25 de xaneiro de 2017, que regulan o procedemento.

Queremos Igualdade

Desde o ENLDG (Equipo de Normalización e

Dinamización Lingúistica) e como parte do Proxeto

de centro para este curso,Mulleres de conto,

elaborouse  un video con título:"Queremos

igualdade"con letra orixinal e tendo como

música o Despacito de Luis Fonsi e Daddy Yankee.

Nel faise unha defensa en prol da igualdade real

de homese mulleres e rexeitando a violencia

de xénero.

Grazas a todo o alumnado e profesorado do centro 

polo voso traballo. 

 
 

 

	                             "Queremos igualdade"
 

INFORMACIÓN SOBRE O PROCESO DE ADMISIÓN PARA O CURSO 2018/19.

Unha vez rematado o prazo de presentación de solicitudes de admisión para o curso 2018/19, expóñense as listas de admitidos e non admitidos por falta de vacantes (ver documentos adxuntos). Asimesmo, infórmase que nos niveis de 4º e 6º de Educación Infantil e 2º, 3º e 5º de Educación Primaria, e dado que o número de solicitudes rexistradas foi inferior ao número de vacantes ofertadas, tódalas solicitudes estarían admitidas. De tódolos xeitos, antes do 25 de abril publicaranse as listaxes provisionais de admitidos/as.

Asimesmo, lémbrase que o proceso de matrícula comeza o 20 de xuño e remata o 30 dese mesmo mes.

PROCESO DE ADMISIÓN DO ALUMNADO PARA O CURSO 2018/2019.

ÁBRESE O PRAZO PARA A PRESENTACIÓN DE SOLICITUDES NOVAS DE MATRÍCULA DENDE O 1 ATA O 20 DE MARZO.

NOS ARQUIVOS ADXUNTOS PODE CONSULTARSE TODA A INFORMACIÓN RELATIVA AO PROCESO ASÍ COMO NO SEGUINTE ENLACE DA CONSELLERÍA DE EDUCACIÓN. Pinchade aquí.

 

Documentación a presentar:

  • Formulario de solicitude de admisión Anexo II (dispoñible na secretaría do centro e na páxina web onde se pode cubrir en liña e imprimir).
  • Fotocopia do libro de familia ou DNI do alumno/a.
  • No caso de que o alumno/a proceda doutro centro, será necesario o certificado de estudos no que conste o curso no que está matriculado no ano 2017/18.
  • No caso de separación legal dos proxenitores, a solicitude de admisión deberá ser asinada polos dous proxenitores e deberase presentar a resolución de separación ou divorcio.

O horario de secretaría é o seguinte:

Luns: de 09:00 h a 10:30 h e de 12:40 h a 14:40h.

Martes: de 09:00 h a 09:40 h e de 12:40 h a 14:40 h.

Mércores: de 09:00 h a 09:40 h e de 13:50 h a 14:40 h.

Xoves: de 09:00 h a 09:40 h e de 12:40 h a 14:40 h.

Venres: de 09:00 h a 11:20 h e de 13:50 h a 14:40 h

 

 

 

LISTAXE DAS SOLICITUDES DE RESERVA

No documento adxunto atoparedes a relación de alumnos/as que fixeron efectiva a reserva de praza no IES Parga Pondal, centro adscrito.

Distribuir contido


by Dr. Radut