Boas, familias do Bergantiños!
Como sabedes este ano o Equipo de Convivencia do noso centro fixo unha venda de “marcapáxinas solidarios”. O resultado foi dunha grande magnitude. Recaudáronse 831,39€!!! GRAZAS!
As asociacións sen ánimo de lucro que saíron vencedoras da votación por parte do alumnado foron a protectora “Amiga de los perros de Carballo” e “ASPABER”.
![](/centros/ceipbergantinhos/system/files/u2/MARCAP%C3%81XINAS%20SOLIDARIOS%204_opt.jpg)
Este mércores 16 de xuño viñeron as dúas ó noso centro.
Dado que a nosa idea sempre foi a de adquirir aqueles produtos ou necesidades que nos demandaran, pedímoslles ás gañadoras unha listaxe. Foros as seguintes:
ASPABER solicitounos dúas tablets. Isto axudaralles o seguinte:
- Xerar consolidación de aprendizaxes polo reforzo visual e auditivo implicado no traballo a través de programas adaptados á atención, o razoamento, a memoria e a concentración
- Favorecer a motricidade fina e a coordinación visomotora.
- Mellora da comunicación pola adecuación de entornos gráficos que favorecen a motivación.
- Motivar aprendizaxes a través de programas resposta inmediata permitindo que a práctica repetitiva sea gratificante.
- Favorecer as relacións sociais nos usuarios autistas e con problemas de relación por medio de programas que permiten sincronizar a voz gravada dos rapaces e rapazas coas propias marionetas facilitando deste modo a interacción.
- Traballar a comunicación aumentativa a través de APP’S específicas.
“Amiga de los perros de Carballo” demandounos o seguinte:
- Comida seca para cans adultos maiores con pocos dentes.
- Comida húmida para cans adultos maiores.
- Comida seca para gatos.
- Comida húmida para gatos.
Como podedes ver nas fotografías, os cartos déronnos para moito e mercamos todas as súas peticións!
Para que non quedara nada sen gastar, houbo unha última doación para redondear as contas.
Gustaríame agradecer ás dúas asociacións a súa disponibilidade e amabilidade para coincidir horarios e tamén os seus agasallos. Grazas.
Agradecer tamén a “Mascotare” tenda especializada en produtos para mascotas sita en Rúa Manuel Azaña, No 34, Bajo Izq, 15011 A Coruña que facilitounos toda a mercadoría e o seu trato, dispoñibilidade e esforzo foron exquisitos.
E un saúdo para Roberto, usuario de ASPABER que veu á visita e aportou un gran sorriso e un par de bromas.
![](/centros/ceipbergantinhos/system/files/u2/MARCAP%C3%81XINAS%20SOLIDARIOS%202_opt.jpg)
Estas son algunhas das fotos que sacamos ao longo da visita…
![](/centros/ceipbergantinhos/system/files/u2/MARCAP%C3%81XINAS%20SOLIDARIOS%205_opt.jpg)
![](/centros/ceipbergantinhos/system/files/u2/MARCAP%C3%81XINAS%20SOLIDARIOS%206_opt.jpg)
Moitas grazas Bergantiños pola colaboración! Sodes xeniais!
Javier Martínez Soto
Coordinador do Equipo de Convivencia do CEIP Bergantiños