CEIP BERGANTIÑOS

Boa tarde.

Acaba de publicarse na páxina da Consellaría de Educación a Instrución 1/2023 sobre a xestión do servizo de transporte de escolares para o curso escolar 2023-2024. Podedes ver, nos documentos adxuntos a esta publicación, a instrución, así como unha circular sobre a mesma.

Así mesmo, anexamos tamén nesta publicación o modelo de solicitude que debedes de presentar no centro educativo para solicitar praza no transporte escolar de cara ao vindeiro curso académico.

Os que xa sodes usuarios/as de transporte actualmente (coa excepción do alumnado que cursa a día de hoxe 6º de EP), as monitoras repartiranvos no día de mañá a solicitude para os que queirades seguir desfrutando deste servizo, xa que se debe renovar con carácter anual.

Os que o solicitedes por 1ª vez, podedes descargar a solicitude do arquivo adxunto a esta publicación, así como pasarvos polo centro a por unha copia.

Un saúdo.

A dirección do centro.

No documento adxunto detállanse os números das paradas de autobús da ruta do IES Isidro Parga Pondal. Son para que as familias do alumnado que comeza no instituto o curso que vén saiban o número de parada que teñen que poñer á hora de cubrir a documentación de matrícula.

Estimadas familias:

Acaba de publicarse, no día de hoxe, no Diario Oficial de Galicia, a participación no fondo solidario de libros de texto e se convocan axudas para adquirir libros de texto e material escolar.

As solicitudes cumplimentaranse mediante formulario, a disposición do centro educativo, ou mediante solicitude telemática, na Sede Electrónica da Xunta de Galicia, https://sede.xunta.gal

O prazo estendarase desde o día de mañá, sábado 20 de maio de 2023, ata o mércores 21 de xuño de 2023, coincidindo co final do presente curso académico.

           As solicitudes serán únicas, no caso de ser presenciais, para todos os fillos/as matriculados no mesmo centro educativo. En caso de facelo, de xeito telemático, será unha solicitude por cada fillo/a.

          As solicitudes presentaranse preferiblemente por vía electrónica a través do formuario normalizado (ED330B-anexos I e II) accesible desde a sede electrónica da Xunta de Galicia, https://sede.xunta.gal

    TEDES COMO DOCUMENTO ADXUNTO A ESTA PUBLICACIÓN O IMPRESO DE SOLICITUDE, QUE INCLÚE O ANEXO I E O ANEXO II.

Deberán cubrirse os ANEXOS I e II, así como achegar copia do Libro de Familia. En caso de separación ou divorcio, requerirase copia da sentenza xudicial ou do convenio regulador, onde se especifique a garda e custodia do menor.

As solicitudes para os niveis de 5º e 6º de EP só se tramitarán as de axuda para a adquisición do material escolar, xa que ao ser cursos E-DIXGAL, non contan con libros de texto.

            Terase en conta para ditas solicitudes a renda do ano 2021, así como os datos da unidade familiar con data do 31/12/2021.

O alumnado que curse a día de hoxe 6º nivel de EP e estea admitido no IES para o vindeiro curso, presentará solicitude no Centro de Educación Secundaria.

Tedes toda a información nos documentos adxuntos a esta publicación, así como tramitalo de xeito online, a través da sede electrónica da Consellaría: https://sede.xunta.gal

Un saúdo cordial.

A dirección do centro.

O pasado 5 de maio o alumnado de 5º de E.P. realizou unha visita ao CEIP Emilia Pardo Bazán (A Coruña). Entre as actividades desenvolvidas previas a esta visita fixeron unha presentación contando como é o noso centro para que a visen os nenos e nenas da Coruña.

Premede AQUÍ para ver a presentación.

Pola súa parte, no blog da biblioteca do CEIP Emilia Pardo Bazán publicaron unha entrada comentando a visita do alumnado do CEIP Bergantiños.

Se premedes AQUÍ podedes entrar no blogue da biblioteca do CEIP Emilia Pardo Bazán.

A Asociación Cultural LUMIEIRA de Carballo organiza un concurso infantil de Debuxo e pintura para o 17 de Maio, dia das Letras Galegas, na praza do Concello de Carballo, dende as 11 h ata as 13 h.