CEIP BERGANTIÑOS

Bo día.

Adxuntamos a listaxe de libros de texto para o vindeiro curso académico, o 2022-2023.

Debido á entrada en vigor da nova lei educativa nos cursos impares de Educación Primaria (1º, 3º e 5º cursos), debemos cambiar os libros de texto no 1º e 3º niveis de EP. En 5º, ao tratarse de curso E-DIXGAL, non fan uso de libro de texto.

Podedes ver a listaxe no documento adxunto.

Como sempre, recomendamos esperar á reunión de comezos de curso para a súa compra.

Un saúdo,

O equipo directivo.

Durante a pasada semana celebrouse a XV edición da Semana do libro e da lectura de Carballo. Desde o noso centro todas as aulas elaboraron materiais para participar na exposición ubicada na biblioteca municipal Rego da Balsa. Estes materiais están relacionados coa temática do centro, que xira en torno á saúde e ao deporte. Ademais, do 25 ao 29 de abril o alumnado de educación infantil e primaria visitou dita exposición, onde tamén puido coñecer as aportacións feitas polos demais centros do concello de Carballo.

Premendo AQUÍpodedes ver fotos dos murais realizados polo alumnado do CEIP Bergantiños.

Con motivo da conmemoración da Semana da prensa o alumnado está a visitar o quiosco do polbo Tintón, que foi instalado polo equipo de biblioteca na entrada do edificio de Primaria. Alí poden atopar diversos  xornais e revistas, con temáticas variadas e para as diferentes idades.

Se premedes AQUÍ podedes ver algunhas imaxes do ben que o pasaron no quiosco do polbo Tintón.

Ao longo desta semana realizamos  no centro diferentes actividades para conmemorar o Día de Rosalía (recitado de poesía, actividades plásticas, retos con adiviñas, etc.), as cales foron promovidas polos equipos de biblioteca e dinamización da lingua galega.

Premede AQUÍ para poder ver algunhas fotos das mesmas.