Ed. Infantil

APARATO DIXESTIVO

Continuamos inmersos de cheo no proxecto dos cans, e nesta ocasión, fixemos unha parada para seguir investigando sobre os seus órganos vitais e, máis concretamente, sobre o estómago.

Como xa sabemos, o proceso dixestivo comeza na boca, polo que reproducimos a función de cada un dos dentes.

1º. Cortamos cos coitelos o pan como se fosen os dentes incisivos.

2º. Desgarramos coas mans para facer a tarefa dos caninos.

3º Trituramos coma os molares ata conseguir o bolo alimenticio.

A continuación,  misturamos o pan (bolo alimenticio) coa saliva (auga), xa que para pasar polo esófago ten que reblandecerse.

Buscamos, dentro da nosa boca, ese burato polo que se adentra o bolo alimenticio no esófago e que os cans teñen no mesmo lugar que nós.

A continuación, o bolo alimenticio que fixemos triturando o pan con auga (saliva) introducímolo no esófago e observamos como chegaba ao estómago.

IMPORTANTE!!! Temos que masticar ben, xa que senón podémonos atragantar.

 XA CO ESTÓMAGO DO "CANCIÑO" CHEO, NOS TAMÉN PROBAMOS O PAN!!!

APARATO EXCRETOR.

O aparato excretor é o encargado de eliminar os residuos líquidos do corpo dos cans. Nosoutros fixemos os nosos propios residuos a partir de diferentes mezclas. QUÉ SUCIA QUEDOU!!

Logo os riles (filtros) encargados de limpar a sangue fixeron a tarefa máis difícil. 

Finalmente, observamos como todos os líquidos "limpos" das filtracións íanse quedando retidos na vexiga (ese globo rosa que vedes ahí abaixo do tubo).

Finalmente, quixemos vacíar a vexiga para ver como de limpos saían os "ouriños" do noso "can". Igualmente, observamos os residuos nos riles.

LECTO - ESCRITURA.

Non todo van a ser obradoiros científicos, así que tamén realizamos un montón de lecturas para seguir afondando nos nosos coñecementos sobre o mundo dos cans. Velaquí tedes os nosos favoritos, os "libros dos maiores".

Igualmente, utilizamos revistas (algunhas máis científicas que outras) e, as cales, intentamos extraer todo o máximo. Así, realizamos un xogo de lecto - escritura dunha delas, que nos traía de cabeza e non eramos capaces de resolver. Porén, aínda que o fixemos en gran grupo, pouco axuda precisaron.

SODES UNHAS MÁQUINAS!!!

THE END.

Con todo o traballo de investigación realizado, tan só nos queda transcribir toda a información recollida para a sorpresa final.

CONTINUARÁ...

E POR FIN.....XOGAMOS Ó UNOOOOO!!!!

O prometido é deuda e despois de xogar coas cartas do ABN en sesións anteriores, quedábanos ver como era o xogo de verdade. Así que, MANS Á OBRA!!!

Nas primeiras partidas que fixemos, xogamos coas cartas visibles para poder axudalos mellor. Porén, pouca axuda precisaron aínda que se sentían máis seguros con elas á vista, así que...pouco a pouco!!!

E ASÍ ESTAMOS, COMO NO SALÓN DA CASA!!!

REXISTROS DIARIOS.

Dentro das nosas rutinas diarias da asamblea, rexistramos o tempo metereolóxico, pero nós que somos como pequenas esponxas, non nos chega poñer o icono no día correspondente, senón que rexistramos nun gráfico mensual que interpretamos a medida que avanza o curso. CASE NADA!!!!

Así, ó fío desta actividade, sempre estamos intentando colocar o icono da neve nos nosos rexistros, e despois de tanto tempo...

POR FIN NEVOU NA BARQUEIRA!!!!!

E por suposto, saíamos a velo xunto cos nenos/as da clase da profe Araceli....QUÉ BONITO!!!!

XOGOS NOS RECANTOS.

Posto que o ABN é das actividades e xogos que máis nos están gustando este curso, decidimos modificar un pouco un dos nosos recantos que menos éxito tiña, e ubicar diferentes xogos ligado a esta metodoloxía. Así, algúns xa estamos comezando a traballar co cadrante do 100 ubicando os diferentes números nela. 

Continuará!!!