Acreditación CDD

A meirande parte da acreditación que se fará na Comunidade Galega terá lugar a través da formación do profesorado.

As outras vías baséanse en:

• recoñecemento de títulos universitarios
• proba ou exame acreditativa, para a que o Ministerio se comprometeu a proporcionar unha ferramenta, que chegará para o curso 2023-2024
• observación do desenvolvemento profesional e aplicación de rúbricas
• presentación e avaliación de evidencias e méritos a través de convocatorias ad hoc que poderán ser semestrais, anuais ou como se considere

Nesta táboa preséntase a distribución das diferentes vías por niveis e a carga horaria mínima para acreditación por formación nos niveis correspondentes.

O equipo de persoal da Rede de Formación do profesorado levou a cabo os pasos que se describen a seguir e que son fundamentais para o proceso:

• Etiquetado segundo os indicadores de nivel do marco de CDD de actividades relacionadas coa temática dixital e desenvolvidas na Rede nos últimos cinco anos. Este etiquetado permite a acreditación de oficio a profesorado que desenvolvese actividades que atenden ás seis áreas de competencia do marco para os diferentes niveis.
• Etiquetado dos roles e funcións docentes relacionados coa CDD e que facilitará a acreditación en niveis C1 e C2. Este paso está aínda en proceso e non está cargado en fprofe! Próximamente poderás ver recoñecido o teu rol, se procede, en acreditacións/fprofe (ver instrucións)

Para os procedementos relativos a observación e análise de evidencias publicaranse as convocatorias correspondentes, previsiblemente polo menos unha por curso académico en cada modalidade.

A finalidade de todo este procedemento será formar e acreditar en CDD a todo o profesorado, que poderá utilizar a devandita acreditación para todos os procedementos estatais e autonómicos que o requiran.