EduCalidade

Educalidade é unha aplicación corporativa da Consellería de Cultura, Educación, Formación Profesional e Universidades desenvolvida para a xestión documental dos centros educativos.

Foi deseñada durante o curso 2021-2022 polo Servizo de Xestión de Procesos de Calidade da Secretaría Xeral de Educación e Formación Profesional para dotar dunha ferramenta de apoio aos centros na elaboración, xestión e almacenamento da documentación que se regula na normativa e no Sistema de Xestión da Calidade.

A aplicación permite, a través dunha contorna intuitiva de traballo e empregando un sistema de calendarios e roles, a elaboración dos documentos de planificación dos centros, establecendo unha serie de lapelas que atenden á estrutura de cada un dos documentos, e permitindo, unha vez pechada a planificación, o seguimento dos obxectivos e accións programadas así como a obtención da memoria.

Nos meses de decembro de 2022 e xaneiro do 2023 realizouse a pilotaxe do Plan Dixital en Educalidade nos centros que integran a rede DixitalGal. A partir de febreiro de 2023 estenderase o seu uso para a xestión do Plan Dixital en todos os centros educativos sostidos con fondos públicos de Galicia.

Destacar que, grazas ás achegas e suxestións por parte do profesorado dos centros participantes, existe un proceso continuo de incorporación de novas funcionalidades e de mellora das xa existentes.

O acceso á aplicación realízase a través da ligazón: https:// www.edu.xunta.gal/educalidade

A guía de uso e os videotitoriais explicativos das diferentes lapelas que constitúen o Plan Dixital en EduCalidade foron elaborados por un grupo de traballo de persoas mentoras ADIX da rede DixitalGal. Todo ese material de apoio está dispoñible na seguinte ligazón.