Comunicados
Lémbrase que desde a Consellería de Educación, consideran aos medios electrónicos ferramentas válidas para que os centros educativos se comuniquen coas familias. Neste caso, se o centro opta por unha comunicación de este tipo, a comunicación obrigatoria para algúns procedementos ten que ser o sistema de información Abalar ou a aplicación AbalarMobil.
Polo tanto, solicitamos aos responsables dos alumnos (pais, nais ou titores legais) que descarguen dita aplicación nos seus teléfonos móbiles para, deste xeito, facilitar dita comunicación.
A dirección.
Están publicadas no taboleiro interior de anuncios do centro as LISTAXES PROVISIONAIS de adxudicación de Fondo Libros (3º e 4º ESO) e de axudas para a adquisición de material escolar e / ou libros de texto.
Poden consultarse en horario de 9:00 a 14:00. Non está permitido tomar imaxes das listaxes (ley de protección de datos)
As persoas que fixeron a solicitude telemáticamente poden consultar a resolución a través da aplicación Fondolibros.
Contra estas listaxes provisionais as persoas interesadas poderán reclamar nos dous días seguintes a publicación das mesmas.
Publícase o calendario de xuño coas datas sinaladas e información relevante.
* inclúe información sobre datas de avaliación, devolución de equipos e libros de texto, entrega de notas e reclamacións.
NOTA: A saída as 14:00 h será para alumnado que non fai uso do transporte escolar. O horario do saída do alumnado que sí usa o transporte escolar está a expensas da confirmación da compañía concesionaria.
Publicamos o calendario das probas extraordinarias de final de xuño para alumnado de bacharelato e 1º FPB
Publicada a oferta de ciclos de Formación Profesional en Galicia e prazas dispoñibles para admisión.
Lembra que aquí no IES Xulián Magariños ofertamos un Ciclo Básico de Comercio e na familia de Informática e Comunicacións o ciclo medio de Sistemas microinformáticos e redes e o Ciclo Superior de Administración de sistemas informáticos en rede cunha gran demanda de profesionais.
Se te queres matricular en 1º curso dos nosos ciclos de Formación Profesional de Grao Medio ou Superior ten en conta estes prazos, xa que tes que pasar un proceso de admisión. A presentación de solicitudes de admisión irá do 23 de xuño ao 5 de xullo as 13:00 horas!
TODA A INFORMACIÓN SOBRE O PROCESO DE ADMISIÓN EN https://www.edu.xunta.gal/portal/node/37232
Adxúntanse as modificacións no PEC e as feitas polos departamentos nas súas programacións didácticas para adaptarse á Orde de 25 de xaneiro de 2022 pola que se actualiza a normativa de avaliación nas ensinanzas de ed. primaria, ESO e de Bacharelato.
Honrados de que o noso ximnasio leve o nome de Alba Cuns Iglesias. Onte, nun emotivo acto, Alba procedeu a colocar a placa co seu nome na porta de acceso. Nese acto tamén estreouse un vídeo realizado pola profesora Leticia Riestra no que se recolle a súa traxectoria deportiva e persoal nestes anos.
É unha excelente alumna que se gradúa este ano en Bacharelato con matrícula de honra e como todos vós sabedes, tamén unha excepcional deportista cunha enorme proxección.
Alba é ademáis un exemplo de capacidade de traballo e sacrificio, e de que ese sacrificio ao final da os seus froitos.
Durante estes últimos anos o noso ximnasio foi parte clave dos seus entrenamentos, de ahí que pensemos que ningúen mellor que ela para darlle nome.
O mércores 20 publicouse no BOE o real decreto polo que o uso de máscaras en interiores deixa de ser obrigatorio. Isto inclúe tamén o interior dos centros educativos, polo que a partir dese día o seu uso nas aulas e corredores do instituto será voluntario. Porén, recoméndase realizar un uso responsable da máscara entre a poboación vulnerable en calquera situación na que se teña contacto prolongado con persoas nunha distancia menor de 1,5 metros. Insistimos de forma especial en que aquelas persoas que dean positivo nun test de antíxenos, pero non teñan síntomas de ningún tipo e decidan realizar as súas actividades de forma normal, utilicen sempre a máscara e limiten ao máximo os seus contactos.
En caso de facer uso do transporte escolar as persoas de máis de seis anos de edade están obrigadas ao uso da máscara no interior do vehículo agás nos supostos recollidos na norma.
Moitas grazas pola vosa colaboración. A dirección
Neste apartado publicarase todo o referente ao proceso electoral para a renovación do Consello Escolar do centro. O Consello Escolar é o instrumento de participación na vida escolar de tódolos sectores da Comunidade Educativa.
1. Constitución da Xunta electoral (VER COMUNICADO EN PDF). Sorteo o 28 de outubro.
2. AVISO 2/11/2021 : Atópase publicada no taboleiro de anuncios do centro a seguinte documentación: convocatorias de eleccións ao Consello Escolar nos distintos sectores educativos (profesorado, alumnado e PAS), calendario electoral e censos electorais.
3. O proceso electoral efectuarase para os sectores de profesorado, PAS e alumnado. Aberto o prazo para presentación de candidaturas ata o 12 de novembro.
4. REMATADO o prazo de presentación de candidaturas. Neste PDF adxunto poden consultar as candidaturas aceptadas.
5. ELECCIÓNS: O alumnado, profesorado e P.A.S. efectuará as súas votacións durante o luns 22 de novembro.
6. ACTA FINAL CO RESULTADO DAS VOTACIÓNS (25/11/2021) (PDF Adxunto)
NORMATIVA