Comunicados
Informamos que a aula virtual xa está funcionando. Os titores/as dos grupos proporcionarán ao alumnado o seu usuario e contrasinal para poder acceder ao material das diferentes materias.
A aula virtual do centro tamén se pode seguir dende teléfono móbil coa aplicación oficial MOODLE descargable en Play Store ou App Store de Apple.
AVISO PARA O ALUMNADO DE 1º ASIR e 1º SMR (CAMBIOS: ACTUALIZADO 30/9 ás 17:30)
Debido a que a un día do peche da matrícula en 1º de ASIR o número de inscritos é de 30, e ante a imposibilidade de manter as medidas de seguridade unicamente con mamparas de metacrilato, o alumnado deberá ter as clases en modo semipresencial.
Aquí podedes consultar un resumo do Plan de Adaptación do centro ao contexto da COVID-19. Recomendamos encarecidamente a súa lectura.
O día da presentación acudirán unicamente os grupos convocados, e non haberá transporte escolar. As clases comezarán con normalidade, para todos os grupos, o luns día 28. O horario de mañá varía un pouquiño e será de 8:40 a 14:30 cun único recreo de 50 minutos.
As normas en detalle seranlles explicadas a cada grupo polos seus titores/as no día da presentación, que será no calendario seguinte:
23 de setembro, mércores:
- 10:00 a 11:45 1º ESO
- 11:00 a 12:45 1º BAC, 1º SMR, 1º ASIR
- 12:00 a 13:45 2º ESO
24 de setembro, xoves:
- 10:00 a 11:45 3º ESO
- 12:00 a 13:45 2º BAC, 2º SMR, 2º ASIR
25 de setembro, venres:
- 10:00 a 11:45 4º ESO
- 12:00 a 13:45 1º e 2º FP BÁSICA
O alumnado esperará no patio exterior, mantendo a distancia establecida, a ser chamado polo seu titor/a.
MÁIS INFORMACIÓN
O documento ACTUACIÓNS DE PREVENCIÓN, HIXIENE E PROTECCIÓN - SEGUNDO O ANEXO V: MODELO DE DOCUMENTO “PLAN DE ADAPTACIÓN Á SITUACIÓN COVID 19 NO CURSO 2020-2021 estará colgado na web do centro para que todas as familias podan consultar en detalle as diferentes medidas que se desenvolverán durante este curso.
Xa está dispoñible a listaxe definitiva coa adxudicación dos libros de texto do fondo solidario. Para coñecer os libros adxudicados a cada alumno podedes consultar na web (na aplicación Fondo Libros, aqueles que teñades certificado dixital) ou no taboleiro de anuncios na entrada do instituto. No caso de ter que acudir ao centro por favor sede moi escrupulosos no cumplimento das medidas de seguridade: distancia, desinfección e mascarillas.
Só pode estar unha persoa consultando as listaxes, o resto debe esperar fora.
Non podemos facilitar información telefónica dos libros adxudicados.
O vindeiro luns, día 7 de setembro, haberá unha reunión informativa presencial para as familias de 1º ESO. Debido á limitación de aforo do salón de actos, rogamos que acuda unicamente UNHA PERSOA por familia, e que o alumnado non asista á reunión pois terán unha presentación específica o día 16.
Para facilitar o mantemento das medidas de distancia sanitaria, faremos dúas sesións no seguinte horario:
- 17:00 horas - alumnado con primeiro apelido dende A ata J incluído
- 18:30 horas - alumnado con primeiro apelido dende K ata Z
Para manter ao máximo a seguridade durante as probas extraordinarias que se realizarán os días 1 e 2 de setembro, o alumnado deberá seguir as seguintes instrucións:
NON se poderá acudir ao centro con sintomatoloxía compatible COVID ou se se está en corentena por convivir ou ter contacto estreito con persoas diagnosticadas. Nese caso chamen ao centro.
1. Á chegada ao centro esperar no patio mantendo as distancias e sen aglomeracións ata ser chamados polo profesorado para entrar ao exame. A máscara será obrigatoria tanto no espazo exterior como no interior do centro.
2. Esperar ao aviso do profesorado para entrar pola porta marcada como ENTRADA, hixienizar as mans con xel hidroalcohólico e dirixirse ao salón de actos (ou a aula que indique o profesorado) en fila de un, respectando a distancia de seguridade e seguindo as marcas do chan.
3. Sentarse onde lles sexa indicado e hixienizar o posto.
4. Ao rematar o exame e despois da súa entrega, hixienizar o posto antes de abandonar a aula. Non debe moverse do posto ata que llo permitan.
5. En caso de ter libros do fondo, devolvelos en conserxería.
6. Saír do centro pola porta marcada como SAÍDA.
7. Usar só os servizos da planta baixa (aos lados de conserxería).
O alumnado debe acudir co material necesario para a realización das probas dado que non é posible compartilo.
Publícase o calendario de exames correspondentes á convocatoria extraordinaria de setembro que terán lugar o día 1 e 2 de setembro
Consultar calendario exames setembro (arquivo PDF)
IMPORTANTE: O alumnado que levara libros do fondo solidario de libros de texto para preparar as materias durante o verán procederá a devolución dos mesmos os días 1 e 2 de setembro en conserxería, coincidindo coa asistencia aos exames das materias pendentes.
O ALUMNADO FORMALIZARÁ A SÚA MATRÍCULA OS SEGUINTES DÍAS
- Alumnado que vai cursar
- 1º ESO - Venres 4 de setembro
- 2º ESO - Venres 4 de setembro
- 3º ESO - Venres 4 de setembro
- 4º ESO - Luns 7 de setembro
- 1º BAC - Luns 7 de setembro
- 2º BAC - Luns 7 de setembro
As listaxes definitivas publicaranse en setembro tras a realización das probas extraordinarias e a matriculación dos alumnos restantes (data prevista 14 de setembro).
Aqueles alumnos que reciben 6 libros teñen concedida tamén a axuda de 50€ para adquisición de material didáctico. Se dispoñen de chave 365 ou certificado dixital poderase consultar en intenet a listaxe de adxudicación de libros e axudas de material, na aplicación Fondolibros. Senón sempre poden consultala na conserxería do centro.
A listaxe de libros concretos que lle corresponden a cada alumno coñecerase en setembro cando se devolvan todos os libros prestados durante o verán e estea rematada a matrícula de setembro. En calquera caso, se xa dispoñen de algúns libros de texto poden deixar aviso na conserxería do centro e no reparto de setembro pocurarase telo en conta, pero advertimos que pola dificultade do proceso NON podemos garantir que se lle adxudiquen libros diferentes aos que xa teñen.
A partir de mañá o alumnado a quen lle fose concedida a axuda de material didáctico poderá pasar polo centro a recoller os vales ata o 31 de xullo o durante os primeiros días de setembro.
Fanse públicas as listaxes provisionais de admitidos e excluidos do Fondo Solidario de libros de texto. Para consultalas recomendamos facelo telemáticamente usando a aplicación Fondolibros. De non poder acceder, poden pasar polo centro a consultalas en conserxería.
O prazo de presentación de reclamacións fronte a esta listaxe provisional remata o día 15 de xullo.