SESIÓNS DE AVALIACIÓN: mércores 18 de maio pola tarde
PUBLICACIÓNS DAS CUALIFICACIÓNS: mércores 18 de maio as 19:00h por AbalarMóbil
REVISIÓN DE EXAMES : xoves 19 de maio de 10:00 a 14:00h
En caso de desacordo con algunha cualificación é necesario falar co profesor/a da materia . Unha vez recibidas as aclaracións e de persistir o desacordo pódese presentar escrito de reclamación en secretaría segundo o modelo e prazos seguintes
RECLAMACIÓNS AS CUALIFICACIÓNS DE 2º BAC: 19 e 20 maio ata as 14:00h
COMUNICACIÓN DA RESOLUCIÓN DAS RECLAMACIÓNS AOS INTERESADOS : 23 de maio
MATRÍCULA ORDINARIA ABAU : 19 a 23 de maio
DÍAS DAS PROBAS ABAU: 7,8 e 9 de xuño
O alumnado interesado en presentarse aos premios extraordinarios de bacharelato (prazo de solicitude ata o 25 de maio) ten toda a información aquí.
-----------------------------------------------------
Modelo de reclamación as cualificacións finais de 2º BAC
O IES Xulián Magariños na Galiciencia!! As profesoras Natalia Freire e Josefa Paulos coordinan os dous equipos que presentan os seus proxectos de economía circular na máis importante feira científica escolar de Galicia, un sobre contenedores SMART que fan reconto automático dos envases que teñen e envían un aviso por internet cando están cheos, e outro sobre "upcycling" de refugallo informático. "La Voz de Galicia" tamén menciona os nosos proxectos.
Hoxe inauguramos a exposición de fotografía matemática cunha selección das imaxes presentadas no III Concurso de fotografía "Matemáticas na contorna". Estará todo o mes de maio no vestíbulo do edificio principal.
As láminas están acompañadas duns textos explicativos elaborados polo profesorado do departamento de matemáticas que nos axudarán a interpretar os conceptos matemáticos mostrados nas imaxes. Grazas a todos, alumnado e profesorado participante e a quenes axudaron na montaxe final.
Dadas as constantes deficiencias detectadas no servizo de transporte escolar poñemos á vosa disposición un formulario para que comuniquedes as incidencias e poder facer a denuncia e seguimento das mesmas.
Para mellorar a comunicación co noso alumnado e as súas familias solicitamos encarecidamente que instalen nos seus teléfonos a aplicación ABALAR MÓBIL e permitan as súas notificacións. A través dela poderemos enviar e recibir notificacións dun xeito máis áxil e rápido. E nos impresos de matrícula faciliten os números de teléfono actualizados.
A DIRECCIÓN
Orgullosos do noso alumnado. Hoxe queremos felicitar por partida triple:
1. a Eduardo Cabañas López, alumno de 2º ESO brillantemente clasificado para a final da Olimpiada Galega de Matemáticas a celebrar en Lugo a finais de maio. Moita sorte Eduardo!
(Queredes ver as probas as que se tiveron que enfrontar os participantes? Botade unha ollada a ver que vos parecen! #vivanasmates #matesdivertidas https://www.agapema.org/images/Fase_Zona.pdf)
2. aos gañadores e finalistas do II Concurso de relatos IES Xulián Magariños que tivo o pasado mércores a entrega de premios:
Categoría Bacharelato e ciclos
-1º Premio Paula Rodríguez Pais con "Un último vistazo"
-Accésit Iván Noya con "Mi amiga la luna"
Categoría 2º ciclo de ESO e FPB
-1º Premio Josué Fdo. Martínez Delgado con "La sala"
-Accésit Héctor Lago Esperante con "Vendetta Rossa"
Categoría 1º ciclo de ESO
-1ºpremio Jennifer Andrade Gorgal con "O día que o mundo foi noso"
-Accésit María Castro Andrade con "A protectora"
3. Aos membros do noso equipo do Club de Debate, Peripatéticos, que participaron brillantemente na fase final de competición en Pontevedra malia non poder acadar os postos de honra.
O sábado celebráronse no IES Afonso X O Sabio, de Cambre, os VIII Encontros Galegos de Convivencia Positiva. Foi unha alegría recuperar esta xuntanza despois de dous anos de pandemia. O noso alumnado (Josué, Odris, Antonio e Andrea) presentou a súa experiencia dos “Encontros Emocionais”, que teñen lugar unha vez ao mes coa guía da psicóloga Rocío Búa. Fixérono estupendamente, e coa axuda de Cristina, a nosa orientadora, responderon a un montón de preguntas que xurdiron entre o público.
Onte estivo con nós Roberto Vieito Raña, enxeñeiro informático e exalumno do centro, para falarnos de como podemos evitar perigos no uso de Internet e as redes sociais. As redes poden ser unha ferramenta maravillosa, que ofrecen moitas posibilidades de información, comunicación e ocio, pero tamén poden ser foco de noticias falsas, estafas, abusos etc.
Dentro do programa Navega con Rumbo, Roberto fíxonos un resumo das pautas máis efectivas para evitar a maioría deses efectos indeseados no uso das novas tecnoloxías.
O mércores 20 publicouse no BOE o real decreto polo que o uso de máscaras en interiores deixa de ser obrigatorio. Isto inclúe tamén o interior dos centros educativos, polo que a partir dese día o seu uso nas aulas e corredores do instituto será voluntario. Porén, recoméndase realizar un uso responsable da máscara entre a poboación vulnerable en calquera situación na que se teña contacto prolongado con persoas nunha distancia menor de 1,5 metros. Insistimos de forma especial en que aquelas persoas que dean positivo nun test de antíxenos, pero non teñan síntomas de ningún tipo e decidan realizar as súas actividades de forma normal, utilicen sempre a máscara e limiten ao máximo os seus contactos.
En caso de facer uso do transporte escolar as persoas de máis de seis anos de edade están obrigadas ao uso da máscara no interior do vehículo agás nos supostos recollidos na norma.
Moitas grazas pola vosa colaboración. A dirección
Dende o equipo de biblioteca e o club de lectura nos achegan estas estupendas seleccións de libros.
