Información de interese a ter en conta como consecuencia da situación creada polo COVID-19.
Información para comunidade educativa do IES Xermán Ancochea Quevedo.
O día 12 de marzo a consellería de educación decidiu a suspensión de clases durante 14 días naturais a partir do día 16 de marzo.
Dende o IES Xermán Ancochea Quevedo queremos trasladar unha mensaxe de tranquilidade, insistindo na necesidade de ser responsables e seguir as instrucións das autoridades competentes, consultando as fontes de información oficial.
A través da páxina web, aulas virtuais, liñas telefónicas e correo electrónico mantemos o contacto entre a comunidade educativa para completar tarefas durante o período de suspensión da actividade docente co alumnado.
A continuación detállase o fío de instruccións e documentos publicados referidos ao ámbito educativo, no contexto do COVID-19:
-
no punto sétimo da RESOLUCIÓN do 15 de marzo de 2020, da Secretaría Xeral Técnica da Consellería de Presidencia, Administracións Públicas e Xustiza, pola que se dá publicidade ao acordo do Centro de Coordinación Operativa (Cecop), mediante o que se adoptan medidas preventivas en lugares de traballo do sector público autonómico como consecuencia da evolución epidemiolóxica do coronavirus COVID-19, suspéndense os termos e interrómpense os prazos para a tramitación dos procedementos das entidades do sector público. O cómputo dos prazos reiniciarase no momento en que perda vixencia o presente acordo ou, se é o caso, as prórrogas deste.
-
Por proposta da Consellería de Educación, Universidade e Formación Profesional, modifícase o punto décimo do Acordo do Centro de Coordinación Operativa, do 15 de marzo de 2020, mediante o que se adoptan medidas preventivas en lugares de traballo do sector público autonómico como consecuencia da evolución epidemiolóxica do coronavirus CO-VID-19, que queda redactado como segue: “Nos centros educativos de todos os niveis de ensino non universitario de máis de seis unidades permanecerá, a partir do luns 23 de marzo, unha persoa do equipo directivo do centro o tempo que considere preciso para atender o alumnado e as familias, así como para a verificación do funcionamento das infraestruturas tecnolóxicas do centro e do estado do propio edificio educativo”.
-
O mércores 24/03/2020 a Consellería de Educación, Universidade e Formación Profesional anuncia o consenso alcanzado entre o Ministerio de Educación e Formación Profesional e as diferentes comunidades autónomas para manter o calendario escolar e aprazar a ABAU.
-
O luns 30/03/2020 a Consellería de Educación e a CIUG acordan que a convocatoria ordinaria da ABAU en Galicia será o 7, 8 e 9 de xullo.
-
O xoves 2/04/2020 anúnciase o aprazamento da celebración da proba de acceso a ciclos formativos de grao superior.
-
O luns 13/04/2020 anúnciase o aprazamento da proba para a obtención do título de bacharelato para maiores de 20 anos, prevista para o 24 de abril.
-
Comunicado do 13 de abril de 2020, dirixido ás direccións dos centros educativos de ensino non universitario sobre as medidas a adoptar en relación co inicio do terceiro trimestre.
-
Anuncio do aprazamento do proceso de admisión ás probas libres para a obtención dos títulos de FP no curso académico 2019/2020.
-
Orientacións provisionais da Consellería de Educación para o desenvolvemento do 3º trimestre do curso.
-
Resolución do 23 de abril de 2020 pola que se adoptan medidas excepcionais no desenvolvemento das ensinanzas de formación profesional do sistema educativo e nas ensinanzas de réxime especial.
-
O martes 28/04/2020 a CIUG publica os modelos de exame para a ABAU 2020.
-
O mércores 6/05/2020 publícase a Resolución do 5 de maio de 2020, da Secretaría Xeral Técnica da Consellería de Presidencia, Administracións Públicas e Xustiza, pola que se dá publicidade a diversos acordos do Centro de Coordinación Operativa da situación de emerxencia sanitaria no territorio da Comunidade Autónoma de Galicia (Cecop), do 5 de maio de 2020. No que afecta ao sistema educativo, establécense os seguintes acordos:
-
restablecemento do procedemento de admisión de alumnado do 2º ciclo de educación infantil, educación primaria, educación secundaria obrigatoria e bacharelato en centros docentes sostidos con fondos públicos para o curso académico 2020/21.
-
Modificación das instrucións de presenza dos equipos directivos e doutro persoal nos centros educativos de ensino non universitario.
-
Levantamento da suspensión da formación en centros de traballo correspondente aos estudos de formación profesional.
-
-
O xoves 14/05/2020 a Consellería de Educación anuncia que o alumnado dos segundos cursos de bacharelato e de ciclos medios e superiores de FP poderá volver ás aulas a partir do 25 de maio.
-
O venres 22/05/2020 a Consellería publica a Resolución do 22-05-2020 pola que se reinicia a actividade lectiva presencial no curso 2019-2020, se determinan as instrucións para o que resta do presente curso e se adoptan medidas de prevención e hixiene para a reapertura parcial.
-
O 24/05/2020 a Consellería de Educación, Universidade e Formación Profesional anuncia novas datas para a celebración das probas de acceso a grao medio e grao superior.
-
Novas datas para o desenvolvemento do proceso de acreditación de competencias. Convocatoria 2020.
Por outra banda, dende o centro queremos informarvos que o Ministerio de Educación e Formación Profesional, deseñou unha web con contido pedagóxico para traballar en entornos virtuais que contempla, entre outras cousas, unha programación nas canles de televisión pública para as próximas semanas, que son unha boa ferramenta para cumprimentar as actividades docentes propostas polo centro durante o período no que se prolonga o estado de alarma. Na seguinte táboa tedes a organización horaria desta programación.
