Skip to Content

Obradoiro con Paco Cascón: "Educar en e para o conflito"

Mér, 02/02/2022 - 22:08 — crblanco

A pasada semana visitou o noso centro Paco Cascón, profesor da Licenciatura de Cultura en Paz da Universidade Autónoma de Barcelona. O profesorado asistiu a un obradoiro que impartiu durante as tardes da semana sobre resolución de conflitos, tema no que leva traballando máis de 30 anos a nivel internacional participando en casos tan graves como o das mulleres asasinadas en Ciudad Juárez, México, un dos países nos que reside e traballa durante varios meses do ano.

O venres 28, tamén o alumnado que participa dos equipos de axuda e o que está formándose en mediación, recibiu unha sesión de traballo con Paco Cascón.

 

Pincha sobre a imaxe inferior para ver as fotos do álbum

Álbum: Actividades -> Obradoiro de convivencia

Conferencia de María Loureiro (investigadora honorífica da UVigo) sobre o cambio climático e consumo responsable

Mér, 02/02/2022 - 13:48 — diazcandan

Como sabedes, onte tivemos unha charla que se insire no marco das actividades programadas para celebrar o día da  Nena na Ciencia (11 de febreiro), organizada polo Club de Ciencia e o Comite de Iguladade. A conferencia titulouse  "Cambio Climático e consumo responsábel" e estivo a cargo de María Loureiro, investigadora honorífica da UVigo, alén de directora CIENTÍFICA dO GRUPO ECOBAS (Economics and Business Administration for Society). 

María falounos do proxecto ECOBAS e da intrínseca relación entre o consumo e o clima, ou mellor dito, como o noso consumo responsábel podería influir positivamente no cambio climático. Alén disto, tamén incidiu nas dificultades das investigadoras para acceder a postos elevados ou da complexidade na conciliación familiar a tan alto nivel académico.

Foi un pracer tela connosco e temos pendente unha visita ao centro de investigación que están creando.

          

                

 

PREMIOS CIDADE DE PONTEVEDRA: D. ANXO GONZÁLEZ GUERRA

Dom, 01/30/2022 - 23:43 — veromar

O pasado 20 de xaneiro entregáronse os Premios Cidade de Pontevedra, e o noso compañeiro e amigo, Anxo González Guerra, foi merecidamente homenaxeado. Longa é a lista de alumnos e alumnas do profesor durante os 35 anos de docencia no Sánchez Cantón. Hoxe, moitos deles desenvolven postos de relevancia na sociedade, pero todos gardan unha lembranza para o seu mestre, para aquelas marabillosas clases dun home comprometido coa lingua, co alumnado  e co ensino. Home que compartiu a súa vida con outra das homenaxeadas, Vitoria Ogando, que desenvolveu a súa carreira no veciño IES Valle-Inclán.

Xuntos, poden presumir de ser unha parella que deixou pegada en moitos pontevedreses e pontevedresas. Era de xustiza por tanto, que a cidade correspondera a tantos anos de xenerosa función pública docente.

 

XUBILACIÓN DE PACO CARRAL

Lun, 01/24/2022 - 14:28 — veromar

O martes 21 de decembro, despedimos con agarimo ao noso compañeiro de Educación Física, Francisco Pérez Carral: Paco.

A súa homenaxe estivo enmarcada nunha actividade que el coordinou en varias ocasións, sempre con bo ánimo e compromiso: "Tu cara me suena". Pensamos que esa era a mellor homenaxe: facelo partícipe dunha das actividades ás que tanto tempo adicou, pois Paco considera que as actividades extraescolares son parte da formación académica do alumnado.

Desexamos que agora desfrutes da familia e do tempo libre e que poidas facer todas aquelas cousas que quedaron en segundo plano durante a vida laboral. No Sánchez Cantón estará sempre a túa casa. 

TEATRO EN FRANCÉS

Ven, 01/21/2022 - 13:02 — veromar

O pasado martes 18 de xaneiro, o alumnado de Francés de 4º ESO, desfrutou da representación "Une amitié intouchable" no Teatro Salesianos de Vigo. Ata compartiron foto e risas cos actores!

 

HOMENAXE A JAIME RODRÍGUEZ ABILLEIRA

Lun, 01/17/2022 - 12:58 — veromar

O pasado 20 de decembro, Jaime comezou unha nova andaina, lonxe das clases e o alumnado, pero perto doutras actividades moi enriquecedoras. Deixamos pegada deses momentos a través deste vídeo.

Esta será sempre a túa casa, Jaime.

 

Felices Festas

Mar, 12/21/2021 - 22:32 — Anónimo

A comunidade educativa do IES Sánchez Cantón deséxalles unhas FELICES FESTAS DE NADAL

TU CARA ME SUENA 2021

Mar, 12/21/2021 - 20:16 — veromar

Hoxe, 21 de decembro, celebramos a gran festa de Tu cara me suena 2021. Os gañadores recibiron os premios acompañados polos compañeiros e compañeiras dos seus grupos, mentres o resto do alumnado seguía o espectáculo dende as súas aulas, onde o profesorado conectou online para que puidesen participar deste festival musical e interpretativo.

Debaixo de cada foto aparece o enlace ás interpretacións dos gañadores.

1º PREMIO: Luis Fernández Sineiro

MY WAY - FRANK SINATRA

2º PREMIO: Ana Dios Casás

UN BESO Y UNA FLOR - NINO BRAVO

 

3º PREMIO: Javier Hermida Hermida                   José Luis y Alicia Penide Martínez

 

BARBIE GIRL - AQUA

  

 

CAN'T HELP FALLING IN LOVE -  ELVIS PRESLEY

ENTREGA DE DIPLOMAS DELF

Dom, 12/19/2021 - 13:51 — veromar

Este venres 17 de decembro, foron entregados os diplomas DELF aos

75 alumnos e alumnas que obtiveron este título o curso pasado.

 

 

 

 

FÍSICA RE-CREATIVA: LUZ E COR

Sáb, 12/18/2021 - 20:21 — veromar

 O xoves 16 de decembro, visitou o noso centro D. José Benito Vázquez Dorrío, catedrático de Física Aplicada da Universidade de Vigo, onde imparte docencia na Escola de Enxeñaría de Minas e Enerxía.

Os 87 alumnos e alumnas de 1º Bacharelato que escoitaron a charla de Física Re-Creativa titulada: "Física Re-creativa: Luz e Cor", participaron de boa gana nos experimentos plantexados polo ponente. 

 

           

 

     

             

Distribuir contido


by Dr. Radut