O menú da cafetería inclúe hoxe produtos frescos do noso horto, tentando sempre favorecer a boa alimentación saudable e nutritiva. A pizarra é testemuña.
Mañán, xoves 3 de novembro, o Grupo de Teatro de Profesorado Sánchez Cantón, representará por última vez nos escenarios pontevedreses a obra de Enrique Jardiel Poncela "Cuatro corazones con freno y marcha atrás". Aproveiten a oportunidade para pasar un bo rato e rir coma nenos.
A cafetería do instituto permanecerá aberta entre as 19:00 e 20:00 horas.
Mañán, xoves 3 de novembro, o Grupo de Teatro de Profesorado Sánchez Cantón, representará por última vez nos escenarios pontevedreses a obra de Enrique Jardiel Poncela "Cuatro corazones con freno y marcha atrás". Aproveiten a oportunidade para pasar un bo rato e rir ata perder a respiración. Sairán rexunecidos despois de ver esta comedia que trata da volta á infancia.
O pasado venres 7 de outubro, a cantante e actriz Cora Velasco amadriñou á promoción de 2022. O alumnado de 1º ESO preparou un recibimento digno da súa madriña: elaboraron unha presentación na que reflictiron a súa vida e a súa obra e prepararon preguntas para ela, preguntas que a madriña contestou con moita paciencia e moito agarimo. Este vídeo é unha pequena mostra do que sucedeu no paraninfo do IES Sánchez Cantón, momentos de risas e emoción para todos os que alí estivemos.
Os xornais máis relevantes fixéronse eco desta noticia.
Dende o día de hoxe, 16 de marzo, e ata o martes 22 de marzo, o IES Sánchez Cantón convírtese en lugar de recollida de material sanitario, de higiene e alimentación, para axuda á población de Ucrania. Colaboramos coa Asociación Galucrania afincada en Vilagarcía de Arousa. Haberá uns contenedores no vestíbulo do centro onde se poderán depositar todos os recursos aportados.
O pasado venres 25 de febreiro, celebramos o noso xa tradicional Entroido. Este ano houbo que combinar as actuacións estelares de cada un dos grupos, tanto de ESO como de Bacharelato, cos obradoiros organizados polo alumnado do ciclo de TSEASD, dirixido polos seus profesores.
O noso agradecemento:
A todo o alumnado do centro, pola súa participación e esforzo en días de exames.
Ao alumnado do ciclo de TSEASD, pola preparación dos diferentes obradoiros nos que participou o resto do alumnado e pola coordinación dos diferentes turnos.
Ás conserxes e señoras da limpeza, que estiveron pendentes de que todo fluira con normalidade.
Á ANPA do centro, por ter subvencionado esta actividade e contratar á empresa Master Discotecas Móviles para realizar a animación musical no pavillón.
Ao xurado, composto por profesoras (Lourdes García, Belén Herrero e María Buceta), exalumnas (Laura Somoza e Candela Vega) e polo membro da ANPA, José Bernardo Vázquez (Pepe), membro da ANPA.
Aos titores e demais profesores, que canalizaron e axudaron ao seu alumnado para que a festa se puidese realizar.
A todo o profesorado, que o venres 25, traballou ao unísono para que o alumnado puidera desfrutar dunha mañán de ledicia e lecer.
Noraboa a todos os grupos premiados:1º ESO D, 1º ESO B, 2º ESO A, 3º ESO C, 4º ESO D, 4º ESO A, 1º BACH. E, 1º BACH D, 2º BACH E.
O martes 21 de decembro, despedimos con agarimo ao noso compañeiro de Educación Física, Francisco Pérez Carral: Paco.
A súa homenaxe estivo enmarcada nunha actividade que el coordinou en varias ocasións, sempre con bo ánimo e compromiso: "Tu cara me suena". Pensamos que esa era a mellor homenaxe: facelo partícipe dunha das actividades ás que tanto tempo adicou, pois Paco considera que as actividades extraescolares son parte da formación académica do alumnado.
Desexamos que agora desfrutes da familia e do tempo libre e que poidas facer todas aquelas cousas que quedaron en segundo plano durante a vida laboral. No Sánchez Cantón estará sempre a túa casa.
O pasado 20 de decembro, Jaime comezou unha nova andaina, lonxe das clases e o alumnado, pero perto doutras actividades moi enriquecedoras. Deixamos pegada deses momentos a través deste vídeo.
Hoxe, 21 de decembro, celebramos a gran festa de Tu cara me suena 2021. Os gañadores recibiron os premios acompañados polos compañeiros e compañeiras dos seus grupos, mentres o resto do alumnado seguía o espectáculo dende as súas aulas, onde o profesorado conectou online para que puidesen participar deste festival musical e interpretativo.
Debaixo de cada foto aparece o enlace ás interpretacións dos gañadores.
