Na conquista dos dereitos laborais e no movemento obreiro tiveron un papel moi importante as mulleres, protagonistas de importantes revoltas laborais.

O alumnado de 1ºA CS IDMN do IES procuraron información sobre 9 destes grandes movementos, dos cales posteriormente elaboraron unhas presentacións.

Nunha actividade conxunta coa profesora Leonor Giménez, titular da Materia de Xeografía e Historia de 4º ESO, as persoas que cursan Imaxe para o Diagnóstico (1º curso, grupo A) compartiron a información recollida e expuxeron estes movementos obreiros femininos na aula de 4ºESO. (Actividade publicada na anterior entrada deste blogue)

Agora compartimos o traballo do alumnado, ao cal se pode acceder premendo na seguinte imaxe. Ahí, premendo na imaxe, podedes ver un resumo dos movementos analizados, presentados na ferramenta de Google Earth, ao mesmo tempo que podedes acceder a cada unha das presentacións elaboradas polo alumnado premendo nas ligazóns correspondentes.

PREME NA IMAXE

Na labor de visibiliar o papel da muller no movemento obreiro, alumnado de ciclos formativos (1º CS AF e 1ºA CS IDMN) realizou diversos traballos de investigación sobre algúns dos conflitos laborais nos que as mulleres foron protagonistas. Posterioremente xs alumnxs de 1ºA CS IDMN presentou estes traballos na aula de 4º da ESO, facendo partícipe a o alumnado deste grupo sobre a importancia do papel da muller no movemento obreiro.

Este pasado mércores (19 de maio) estivo no centro Mª Xosé Porteiro, escritora, periodista, política, autora do libro "Covardes", e sobre todo unha destacable referente do feminismo. Tamén nos acompañou Lili, psicóloga de FARAXA, asociación sen ánimo de lucro de asociación social que traballa en pro da abolición da prostitución, a explotación sexual, trata de persoas e violencia contra a muller. 

Mª Xosé falóunos de "Covardes", de como xurdio a idea de escribir este libro e do seu proceso de investigación e recollida da información. Con Lili e Mª Xosé Porteiro falamos longo e tendido sobre prostitución e das súas vítimas.

"Covardes" é a última lectura do Club de Lecturas de Igualdade de este curso, e como remate final entre o Club de Lectura, a Emisora de Radio o Equipo de Dinamización e o Equipo de Igualdade, organizouse este interesantísimo faladoiro no que participou alumnado de 1º de Bacharelato C e H, 1ºA do CS de IDMN e 2º ESO.

 Aquí queda tamén unha pequena entrevista realizada a Porteiro na emisora do centro, que podedes escoitar dende esta  LIGAZÓN. 

O pasado 20 de abril visitou o noso centro Nee Barros, autor do libro "Identidade", unha das obras propostas neste curso para o Club de Lectura de Igualdade. Falamos con Nee de adolescencia, de diversidade afectivo sexual, de transexualidade e de "Identidade". 

Foi un faladoiro moi interesante, que comezou na Emisora de Radio do centro, no que alumnado de 1º BACH-H  fixéronlle unha pequena entrevista, e que continuo despois no Salón de Actos con alumnado da ESO e Bacharelato.

 Escoita a entrevista AQUÍ

Co gaio da semana das culturas, o alumnado de Ciclos Formativos (1ºAF, 1ºA IDMN e 1º STI) elaborou unha serie de traballos nos que se analizan distintas culturas, e o papel da muller en cada unha delas. Aquí quedan os Códigos QR para poder ver de gozar de cada un deles. E parabéns polo alumnado que realizou este fantástico traballo!!!

MÉXICO	IRÁN	POLONIA
AFGANISTÁN	ANGOLA	SIRIA
XORDANIA	UCRAINA	PERÚ, ECUADOR E COLOMBIA
CHINA	ARABIA SAUDÍ	TURQUÍA
SENEGAL