A EDAR, NA RUTA DA AUGA

Xov, 2018-06-21 21:43 — Anónimo

Start: 21/06/2018

Na materia de Bioloxía, as alumnas e os alumnos de 1º de ESO B, investigaron sobre a EDAR que puideron coñecer na Ruta da Auga e queren compartilo con nós.

A auga residual é aquela que procede das nosas casas, despois de usala e consumila. O seu retorno ao medio debe realizarse coas mellores condicións, por iso, ten que ser tratada nas EDAR.

O funcionamento básico dunha EDAR implica unha serie de tratamentos que van en serie:

1.-Filtración, para quitar os fragmentos máis grandes (follas, paus, plásticos,…).

2.-Separación da area, que queda precipitada no fondo, e da graxa, que queda en suspensión

3.-Eliminación da materia orgánica mediante microorganismos, que se alimentan dela.

4.-Desinfección da auga mediante lámpadas de luz ultravioleta, a cal elimina os microorganismos que poidan causar enfermedades ao inxerilos.

Despois de realizar todos estos tratamentos, a auga xa está lista para volver ao medio. Esta auga non é potable, é dicir, non a podemos consumir. De todos os xeitos, ao non ter contaminantes nen físicos, químicos ou biolóxicos, pode resultar útil reutilizándoa para regar antes de vertela ao río ou ao mar.

A eficacia dunha EDAR depende do concello onde esté situada, pero de todos os xeitos, cada un de nos, pode poñer o seu graniño de área para contribuír ao seu mellor funcionamento.

Que podemos facer?

Ducharnos en vez de bañarnos, e que as duchas sexan curtas.
Non esquecer pechar as billas se estamos lavando os dentes ou se estamos enxaboando.
Reparar as goteiras ou perdas de auga.
Encher a lavadora para aproveitar ao máximo a auga utilizada.
Regar o xardín utilizando auga de choiva.
Non tirar ao WC as toalliñas nin bastonciños, nin calquera outro obxecto que non se poida degradar.
Nunca botar polo fregadeiro aceites, xa que contaminan un volume moi grande de auga.
Usar, na medida que se poida, deterxentes ou limpadores ecolóxicos.