As listaxes definitivas de alumnado admitido en ESO e Bacharelato están publicadas no taboleiro de anuncios interior do Instituto, xunto a Secretaría. Todo o alumnado que presentou a súa solicitude dentro do prazo foi admitido.
Acceden ao centro 11 alumnos/as de 1º de ESO, 1 de 3º de ESO e 13 de 1º de Bacharelato.
Solicitudes presentadas fóra de prazo:
As instancias que se reciban entre o 23 de marzo e o 18 de maio, ambos incluídos, serán consideradas fóra de prazo (Artigos 15, 34 e D.A. primeira da Orde do 12 de marzo de 2013) e perderán o seu dereito de prioridade.
Estas solicitudes enviaranse á Xefatura Territorial de Lugo, que adoptará as medidas necesarias para asegurar a escolarización do alumnado afectado nun centro sostido con fondos públicos que dispoña de prazas vacantes.
Máis información na páxina sobre admisión do alumnado en ESO e Bacharelato, no sitio web do IES Perdouro.
