Skip to Content

PROBAS DE ACREDITACIÓN LINGÜÍSTICA

O pasado sábado tivemos no Otero Pedrayo as probas para certificar nivel de linguas, tanto en Inglés como en Francés. Foron, en total, 40 alumnos e alumnas de 2º BAC os que se presentaron e agora esperan ansiosos por ver o nivel acadado. Será un B1? B2? Será un C1?
 
IES OTERO PEDRAYO. ENSINO PÚBLICO. ENSINO DE CALIDADE.

8M, VIOLENCIA DE XÉNERO NAS RELACIÓNS DE PARELLA

O pasado luns, dentro da programación polo Día da Muller e no marco do Plan Proxecta+ 2023-2024 "Por 365 días de respecto e igualdade" da Secretaría Xeral da Igualdade, o alumnado de 3º ESO asistíu a unha charla sobre a violencia machista nas relacións de parella na mocidade, impartida por María Angélica Mercado Torres. A relatora é especialista universitaria en estudos de xénero e políticas de igualdade e leva varios anos colaborando coa Secretaria Xeral de Igualdade en varias accións dirixidas a loita contra a violencia de xénero.
Angélica Mercado falou de como identificar sinais e comportamentos que acaban derivando en relacións tóxicas. Fixo reflexionar ao alumnado sobre a autoestima, o amor, o papel das amizades á hora de apoiar as persoas que se atopan nunha relación deste tipo e de como intentar axudar a saír dela.
IES OTERO PEDRAYO. ENSINO PÚBLICO. ENSINO DE CALIDADE

OLIMPÍADA DE QUÍMICA

Xoel Cid Mojón e Iago Gómez Basalo, alumnos de 2º BAC D, participaron o pasado venres na Olimpíada de Química organizada pola Asociación de Químicos de Galicia, en colaboración co Colexio Oficial de Químicos de Galicia, celebrada na UVigo, Campus de Ourense.
Acadando Xoel Cid un segundo posto, e pasando polo tanto á fase nacional, e Iago Goméz un quinto. Noraboa aos dous.
A Olimpíada de Química pretende fomentar vocacións e desenvolver o espírito emprendedor entre a xente moza.

 

IES OTERO PEDRAYO. ENSINO PÚBLICO. ENSINO DE CALIDADE.

OFRENDA FLORAL NACEMENTO OTERO PEDRAYO

Foi ben bonita a homenaxe floral que a semana pasada, co gallo dos 136 anos do nacemento de Otero Pedrayo (5. marzo. 1888), o noso alumnado de 4º ESO fixo diante da súa figura, na praza do Correxidor. O levar o nome de don Ramón fainos, a profesorado e alumnado, cada día un pouquichiño máis oterianos. Que honra para nós!
A actividade enmarcouse nunha máis ampla, o roteiro do Grupo Nós, elaborado polo mesmo alumnado e dirixido pola profesora Elvira Moroño. Traballazo dos nosos rapaces e rapazaS que deu como resultado esta chulada de actividade!

 

IES OTERO PEDRAYO. ENSINO PÚBLICO. ENSINO DE CALIDADE

PRAZO PRESENTACIÓN DOCUMENTACIÓN ADMISIÓN (AQUELAS FAMILIAS QUE NON O FIXERAN PREVIAMENTE)

Ao abeiro do art. 30 da ORDE do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado  comunicamos que hoxe 21 de marzo comeza o prazo de dez días hábiles para para que as persoas interesadas, que non o tivesen feito previamente, presenten de forma presencial a documentación xustificativa dos criterios de baremo alegados.

 

DÍA DA MULLER E DA NENA NA CIENCIA

Desde o 11 de febreiro, día que conmemoramos o papel das mulleres e as nenas na ciencia, foron moitas as actividades ligadas a esta efeméride: táboa periódica na que cada elemento está ligado cunha muller científica, cos logros que esta acadou (Proxecta "Donas de si"); presentación do proxecto "A Minúscula" polas nosas "científicas" Noa Vilas e Noa Pedrero; obradoiros de papiroflexia dirixidos pola nosa "matemática" Ana Cascón; exposición nos corredores do edificio histórico... Picade no blog da nosa biblioteca e botádelle unha ollada.
 
 
IES OTERO PEDRAYO. ENSINO PÚBLICO. ENSINO DE CALIDADE

SEN CANCELAS, no IES Otero Pedrayo!

A exposición sen Cancelas, organizada polo Consello da Cultura Galega, chegou á biblioteca do Otero Pedrayo, como prólogo das Xornadas pola diversidade e coincidindo coas actividades do Día da Muller. Un gran traballo co que aprenderemos todas! Este é o menú que nos ofrecen:

 

1. A humanidade, unha especie diversa 

2. Da diferenza á disidencia 

3. As que saíron do curro

4. Camiños de ida e volta 

5. Chanzos cara á emancipación 

6. Achegas na igualdade de dereitos 

7. Referentes galegas de onte e de hoxe

8M, SCAPE ROOM POLAS MULLERES

Actividade ben bonita a que tivo esta semana o noso alumnado de 2º ESO co gallo do Día Internacional da muller: un scape room centrado nelas. Isabel Zendal, Agatha Christie, Valentina Tereshkova… foron protagonistas neste xogo de pistas (auditivas, musicais, matemáticas, de lóxica…) que lle permitiron á nosa rapazada ir abrindo cofres, “críptex”, figuras… ata chegar ao final. Xogo divertido, á vez que moi didáctico e pedagóxico. Grazas á Concellaría de Educación por ofrecérnolo.
 
 
IES OTERO PEDRAYO. ENSINO PÚBLICO. ENSINO DE CALIDADE

8M, DÍA INTERNACIONAL DA MULLER

VI XORNADAS "NO OTERO, POLA IGUALDADE"
Scape room, charlas, dinámicas de xénero, teatro, exposición sobre linguaxe sexista, traballos sobre as nosas mulleres-referente, manifesto... Todo isto, é máis, conforma a programación arredor do 8 de marzo. Porque todos os esforzos son poucos na loita pola igualdade!

 

IES OTERO PEDRAYO. ENSINO PÚBLICO. ENSINO DE CALIDADE.

CLUB DE LECTURA AFOUTEZA

 

Os clubs de lectura seguen no Otero Pedrayo; nesta ocasión, para familias, profes e persoal non docente. Stoner, de John Willians, non deixou a ninguén indeferente. Pica no blog da nosa biblio e tenta responder as moitas cuestións que xurdiron no noso club.

Distribuir contido


by Dr. Radut