Ligazóns importantes

Emails do profesorado Horarios de atención a nais e pais

2013/2014

Xincana literaria

Sáb, 28/06/2014 - 11:56 — admin

O alumnado de 2º de ESO participou nunha interesante e divertida xornada, o 16 de xuño, de xogos literarios sobre da figura homenaxeada este ano no “Día das letras”, Xosé Mª Díaz Castro.

A actividade foi organizada polo Servizo de Normalización Lingüística do concello de Redondela en colaboración co Equipo de Dinamización e Normalización Lingüística do noso IES Mendiño.

O noso agradecemento a ambos os dous equipos normalizadores por levaren adiante esta actividade ben interesante, tanto desde o punto de vista pedagóxico como literario e mesmo de lecer.

Para ver as fotos premede aquí.

Premios Jules Verne de investigación en lingua galega

Sáb, 28/06/2014 - 11:12 — admin

Aproveitamos este espazo para felicitarmos ás nosas alumnas:

- Silvia García Novelle

- Uxía Martínez Lago

- Rocío Toucedo Rodríguez

- Claudia Roza Vidal

e ao noso alumno:

- Nicolás Álvarez Blanco

de 3º de ESO do noso centro por gañaren este 1º Premio, convocado polo Concello de Redondela co traballo cuxo título é “Cesantes e o mar”.

Os nosos parabéns para estes nosos rapaces pola estupenda tarefa realizada e, asemade, o noso agradecemento ao noso concello que, a través da Concellalía de Ensino, o fixo posible.

Un grupo de alumnos e alumnas de 1º de ESO tiveron a oportunidade neste curso de participaren no extraordinario programa “Ponte nas ondas” -que vai xa pola súa XX edición- dentro do programa radiofónico que se emitiu en directo o día 30 de maio, e que aínda se pode escoltar a través da páxina desta organización cultural e pedagóxica que tanto e ben leva traballando a prol da cultura de noso.

Esta foi unha das actividades encadradas no programa de Bibliotecas Escolares e Públicas do noso concello. O tema que nós tratamos foi “A Festa da Coca”.

Deixámosvos aquí unhas fotos do día da gravación e a gravación para que poidades escoitar a participación dos nosos mendiños e das nosas mendiñas máis cativas.

Día das Letras Galegas

Dom, 25/05/2014 - 11:10 — admin

A música e a palabra encheron o salón de Usos Múltiples do noso centro nesta data. Aínda que sabemos que cómpre traballarmos arreo a prol do uso normal da nosa lingua todos e cada un dos días, decidimos celebrar –do mesmo xeito ca en anos anteriores- un recital poético musical no que TODO O ALUMNADO da materia de MÚSICA, dirixido pola súa profesora, Josefa Osorio, interpretou diferentes pezas musicais de distintas épocas e con diferentes estilos. Léronse tamén poemas do autor homenaxeado este ano: Xosé María Díaz Castro.

Temos na cafetería do noso centro unha exposición sobre da vida e obra deste autor

Queremos felicitar á nosa compañeira Josefa por ser quen de conseguir algo tan difícil: que TODO O ALUMNADO interprete algunha peza musical.

Queremos, desde aquí, convidarmos a seguirmos sendo nós. A utlizarmos a nosa fala ceibe, sen prexuízos; co corazón e a normalidade que lle son de xustiza. Pois, como dicía o poeta Manuel Antonio: “A nosa fala é nosa; pospola a calquera outra é unha forma de suicidio”.