Ligazóns importantes

Emails do profesorado Horarios de atención a nais e pais

2013/2014

Premio literario

Sáb, 28/06/2014 - 16:56 — admin

Noraboa á nosa alumna de 1º de Bacharelato Lucía Fernández Domínguez polo feito de ser seleccionado o seu poema “Galicia en llamas” polo Centro de Estudios Poéticos (Madrid).

A súa poesía será publicada no libro La vida es verso, que será publicado no mes de setembro deste ano 2014.

Premios do concurso literario “DA REBORAINA 2014”

Jue, 08/05/2014 - 09:22 — admin

Outro ano máis o noso instituto está de noraboa. Nesta ocasión, a alumna de 1º de ESO Claudia Kaulbark Amoedo acadou o 2º premio neste certame literario, co relato titulado “O cambio de Leire” e o alumno de 2º de ESO, Miguel Rancaño Míguez obtivo o 3º premio polo conto “Os fantasmas da consciencia”.

Os nosos parabéns para estes dous alumnos e o noso agradecemento ao Colexio Santo Paio de Abaixo de Reboreda polo seu empeño e entusiasmo, na procura de inquedanzas literarias na fantasía e imaxinación dos rapaces e rapazas do noso concello.

Deixámosvos a referencia desta súa páxina para que poidades comprobar o moito e ben que están a traballar desde este centro público de Reboreda:

http://biblioblogreboreda.blogspot.com.es/

Día mundial do libro

Mar, 29/04/2014 - 18:25 — admin

Marcapáxinas, chapas e unha rifa para participar no sorteo da película “El nombre de la rosa, baseada na novela de Umberto Eco é o que recibiron aqueles rapaces e rapazas que pasaron pola nosa biblioteca a buscar un libro.

24 de outubro: Día das bibliotecas

Dom, 27/10/2013 - 17:39 — admin

Para conmemorarmos o Día internacional das Bibliotecas, este ano participamos nun proxecto común das Bibliotecas Municipais e Escolares do noso concello.

Consistiu nunha lectura realizada por bibliotecarios e bibliotecarias das mesmas de textos literarios que fan referencia ás bibliotecas. Ao longo de todo o día 24 emitíronse estas lecturas na Radio de Redondela, pero se non puidestes escoitalas, velaquí as gravacións emitidas que recollen os textos que leron as nosas profesoras do IES Mendiño: Catalina Míguez, Rosa González, Pilar Cornes e Paula Espinosa.