Mª ALONSO SEISDEDOS (Premio Nacional de Tradución 2014) no noso centro.

Hai un mes aproximadamente que na entrada da nosa biblioteca figuraba, como libro destacado,  a obra de James Joyce: Ulises traducida á nosa lingua, obra pola que lle concederon a Mª Alonso o Premio Nacional de Tradución.

E o venres, día 5 de decembro, tivemos a oportunidade de termos connosco a esta tradutora, que ten desenvolvido o seu labor non só no mundo literario senón tamén no mundo audiovisual, versionando ao galego películas, series… que tanto nos gustaron e nos gustan a moitos de nós, como o Sinchan, por exemplo.

O noso agradecemento para María Alonso e os nosos parabéns por ese extraordinario premio, que coidamos foi ben merecido.