Bacharelato nas Illas Cíes

O alumnado de 1º e 2º de Bacharelato rematou o curso cunha saída xa tradicional no noso centro, a visita ás illas Cíes. Aínda que o día abría poallento e anubrado, o sol foi gañando forza e acabou por vencer xa á media mañá. Daquela, todo estaba a favor do disfrute: barco, mar, aire limpo e fresco, sol, conversas, risos, fin de curso… Velaquí algunhas fotos que din que non mentimos.