Damos comezo ao novo curso escolar cunha exposición de fotografías nas que se poden contemplar as obras de arte da última edición de ARTELIXO, organizada polo colectivo Senghasoil do que forma parte o noso compañeiro Alfonso. Vaian desde aquí os nosos parabéns polo traballo tan ben feito co que, unha vez máis, demostraron que o lixo tamén pode ser arte e que a imaxinación non ten cancelas.
A exposición fotográfica complétase cunha pequena mostra de poemas recitados en rúas de Redondela (PARNALIXO)..
Agradecementos, coma sempre, ao noso compañeiro Euxenio Torres e Alfonso Conde, sen os cales non sería posible esta mostra.
Queremos animar a xente Mendiño a que o ano que vén participe nesta interesante, orixinal e atractiva actividade artística.
Tedes toda a informacion da exposición no facebook de Arte LIxo