2014/2015

O alumnado de 1º de Bacharelato fixo unha visita, o 5 de febreiro, a diferentes facultades da Universidade de Santiago. Puideron coñecer aquela na que lles gustaría estudar dentro de pouco. O tempo vai pasando e xa se achega o momento de facer plans. E para iso, nada mellor que ir coñecendo lugares nos que, se cadra, dentro de pouco máis dun aniño poden estar.

Unha vez máis, os nosos parabéns polo seu marabilloso comportamento e a súa especial atención.

O alumnado de 2º de Bacharelato que cursa Relixión, acompañado polas profesoras Almudena Suárez Cerviño e Catalina Míguez Vilas, acaba de regresar da súa  magnífica viaxe cultural a Roma e a Florencia.

Hai tanto que contar, tantas imaxes que amosar, tantas emocións que explicar..., imposible dar conta do que para todos/-as supuxo visitar o Coliseo, os Foros Romanos, as principais basílicas, o Vaticano, as sinxelas igrexas románicas, as espectaculares igrexas barrocas co Il Gesù como “number one”... Aínda que sempre nos acollerá con agarimo Santa Maria sopra Minerva co seu primor gótico ou Santa Maria in Trastevere, cos seus mosaicos espléndidos.

E non esquecemos as fontes porque a auga de Roma, como dicía Rafael Alberti, é “infinita insistencia corredora”...; as prazas, os fermosos mosaicos, o chan de Cosmati, os cadros de Caravaggio, o barrio do Trastevere, a illa Tiberina...

E na cidade de Florencia abraiamos ante o conxunto monumental na piazza del Duomo ou cos cadros da pinacoteca dos Uffizi. Paseamos ás beiras do Arno, cruzamos Ponte Vecchio, deambulamos polas rúas florentinas na procura de Dante e de Beatrice...

Como viaxeiros/-as desexamos voltar a Roma, pois esta cidade eterna é moitas cidades, hai nela infinidade de fermosos recunchos que agardan por nós para darnos sempre sorpresas en cada nova viaxe.

En fin, puidemos corroborar in situ o que afirma Javier Reverte: “son nuestros sentidos quienes nos hacen viajeros [...] el secreto del arte de viajar está en saber abrirse a las sensaciones antes que a la reflexión”.

Ci vediamo, allora, bellisima Roma!

As fotos as tedes na opción "AS NOSAS FOTOS"

Un ano máis o alumnado de Relixión da ESO asistiu, o 2 de febreiro, ao Ciclo de Cine Social de Cáritas. Neste caso a película foi “Diamantes negros”, coa que cuidemos reflexionar sobre a outra cara do mundo do fútbol: o fútbol como engano, negocio, racismo, violencia…

O alumnado, aínda que entristecido polo final realista da historia, saiu engaiolado. Unha película, sen dúbida, para pensar!

Premede na foto para ver as demais.

O Departamento de Lingua castelá levou, o 20 de xaneiro, rapaces e rapazas de 4º de ESO e de 1º de Bacharelato a unha magnífica representación teatral da obra de Valle-Inclán Divinas palabras no cine do colexio Salesianos. Logo pudieron visitar o pazo “Quiñones de León” e pasear polo seu impresionante xardín.

.

O Departamento de Ciencias levou o alumnado de 3º e de 4º de ESO á Coruña. Alí tiveron todo un día “científico”: visitaron o Domus, o Acuario, a Casa das Ciencias e o Planetario. Viron, aprenderon, experimentaron e pasárono ben. Está claro que aprender e divertirse son, moitas veces, termos complementarios.

Premede nesta foto para velas todas.