2015/2016

O alumnado de 1º de Bacharelato e 4º de PDC, acompañados polas profesoras Rosa González Carballás e Catalina Míguez Vilas, acudiron o 2 de marzo á representación de La Celestina no cine Salesianos de Vigo. Esta adaptación do texto de Fernando de Rojas, pensada para público escolar, correu a cargo dunha compañía teatral de Madrid que realiza xiras por toda España dentro do programa da sociedade Recursos Educativos.

Logo da función o público asistente disfrutou dun divertido coloquio coa actores e, aproveitando a proximidade entre o teatro e o forte de San Sebastián puidemos disfrutar dunha interesante explicación histórica por parte da profesora Rosa e das impresionantes vistas da ría de Vigo desde esta privilexiada atalaia.

Un ano máis celebramos o Entroido. Durante toda a semana fomos quentando motores e preparando o ambiente, aportando cada día unha idea para írmonos iniciando no disfraz: un día todos con gafas, outro día todos con algo na lapela, outro un lazo vermello, ou algo no pescozo noutra xornada.

E así ata que chegou o venres, e, a partir do recreo, todos e todas cos nosos disfraces participamos na festa.

Houbo concurso de mates e triples no pavillón (os gañadores foron Adán Amoedo Millán no de triples e Pablo Núñez Rodríguez no de mates).

Asemade, no vestíbulo do centro tivo lugar o xa tradicional concurso de doces, que nesta ocasión gañou Nicolás Álvarez Blanco cunha espléndida torta de limón. Tamén obtiveron premio os postres de Adrián Carreira Martínez e Antía Blanco Balado.

E, por fin, chegou o esperado desfile de Entroido, seguido de baile.

Hai que destacar as dúas sorpresas deste ano. Unha foi a “mini-representación” de HESTARGUARS en cafetería, onde descubrimos a faceta de actorazos de Carlos e Fon (impresionantes!!). E grazas a Nadia por facer de apuntadora.

A outra sorpresa foi a “chourizada”, que permitiu que, a golpe de pan con chourizo, todo o mundo puidese matar a fame que se ía acumulando con tanta troula. Ollo! Non quedou nada. Só a grella manchada e as mans dos que facían os bocatas (grazas a todos os que colaboraron) recendendo a chourizo que daba gusto.

Para o ano máis.

Preme na imaxe para ver máis.

 .

O alumnado de 3º de ESO, acompañado polas profesoras do Departamento de Ciencias Naturais,  viaxou a Coruña o 18 de xaneiro para visitar os Museos: o Domus, o Acuario, a Casa das Ciencias e o Planetario. Se ben o tempo non acompañou, alomenos deu tregua para que disfrutasen da xornada, resultando, un ano máis, e coma sempre, moi gratificante e instrutivo para todos/as.

.

O día 17 de decembro o alumnado de 2º de ESO visitou o Edificio Sarmiento e o moderno Sexto Edificio do Museo de Pontevedra. Fixo un pecorrido a través do tempo; desde a Prehistoria até a Historia Antiga de Galicia, do Paleolítico á Romanización: o megalistismo, os castros, os útiles de pedra máis antigos, pezas de ouro e bronce, torques castrexos...

Despois disto, veu un salto no tempo a través das atinadas palabras da guía do Museo que conduciron o alumnado a través da vida e a obra de Castelao e, en certo modo,  a través da vida na Galicia da primeira metade do século XX: a pobreza, a emigración, o caciquismo, a fermosura da paisaxe galega...

Rematamos a visita na sala visualizando as fotografías do famosos fotográfo de Soutelo de Montes, Viéitez, que impactaron aos nosos rapaces e rapazas.

O noso agradecemento ao Museo de Pontevedra e á Deputación que permitiu que esta interesante saída didáctica puidese levarse a cabo.

No IES Mendiño na semana do 23 ao 27 de novembro estivemos realizando actividades nas que participou tanto profesorado como alumnado para reivindicar a erradicación da violencia de xénero. Algunhas das mostras están expostas no centro, e a través delas pódese aprezar o enorme esforzo e a capacidade creativa de todos os participantes.  Por todo isto debemos agradecerlles a súa colaboración.

O luns construíuse un enorme lazo que ocupa parte do porche coas pegadas das mans de todos os membros da nosa comunidade educativa para frear a violencia.

O martes, durante o recreo, léronse publicamente  microrrelatos  sobre “Violencia de xénero”, ao igual que se puideron ver expostas  obras plásticas alusivas ao tema. Tanto uns como as outras elaboráronse para participar no concurso convocado polo centro, que procuraba que se tentase dar unha visión positiva da cuestión, aludindo sempre a que hai saída a esta situación.

O mércores colocamos, tamén no porche, un gran mural con siluetas de mulleres que conteñen lemas a respecto do tema que nos ocupa.

O xoves repartíronse cintas violetas realizadas y decoradas polo alumnado, que todos portamos  como pulseiras.

Por último, o venres deuse lectura aos microrrelatos gañadores e entregáronse os premios correspondentes, tanto deste concurso  como do de obras artísticas.

Concurso de microrrelatos

1º Premio: Manuel Iglesias Otero e Uxía Martínez Lago de 1º BACH A

2º Premio: Aroa López Machado de 1º ESO

3º Premio: Carla Durán Couñago de 4º PDC

Concurso de plástica

1º Premio: Gloria Perrino Raña de 4º PDC

2º Premio exaequo: Inés Pérez Couñago de 1º BACH A e Carla Regueira Iglesias de 3º ESO A.

Preme nas fotos para visualizar todas.