2015/2016

It was such an incredible experience. It was not the first time I had been abroad but it was the first one I’ve felt entirely inside another country: walking around its streets, travelling along London’s heart on the tube, being one of the thousands of people from different cultures who have something in common: loving London and being willing to discover it.

 The place was amazing, breath-taking, and completely indescribable. I loved the fact that you had something to see in each and every corner: all the important places are together! You  just go out of the London Eye, turn round the corner and suddenly you are face to face with the Big Ben.

And, another thing I really loved was that they care about their culture and they try to maintain it. For example, something that shocked me was that you needn’t pay to enter a public museum (which, on the other hand, is how it should be everywhere else) but they had an urn to make donations and it was full of money.

I would repeat this experience without any doubt. I’ve loved London and I’ve loved going with my classmates, so thanks everybody who has made this experience possible to offer us this great opportunity.

Mariana Cabaleiro Lago. 1º BACH A

Foi unha experiencia incrible. Non era a primeira ocasión que viaxaba ao estranxeiro, pero si que foi a primeira vez que me sentín completamente dentro doutro país: camiñando polas súas rúas, atravesando as entrañas de Londres grazas ao metro, sendo unha máis das miles de persoas de diferentes culturas cunha cousa en común: adorar Londres e estar dispostos a descubrilo.

O lugar era impresionante, deixábate literalmente sen respiración… sinxelamente indescritible. Encantoume o feito de ter algo que ver en cada esquina: todos os sitios importantes están xuntos: acabas de saír do London Eye, xiras á esquina e xa te atopas cara a cara co Big Ben.

Outra cousa que me gustou moito foi o moito que se preocupan pola súa cultura e por intentar mantela. Por exemplo, impactoume que non tivemos que pagar para entrar a calquera museo público (o que, en realidade tería que ser o normal en calquera sitio). No seu lugar, tiñan unha urna para facer doazóns. E estaba chea.

Repetiría esta experiencia sen dúbida ningunha. Encantoume Londres e ter ido cos meus compañeiros de clase, así que agradezo a cada unha das persoas que fixeron isto posible que nos ofreceran semellante oportunidade.

Mariana Cabaleiro Lago 1º BACH A

Preme na fotos para velas todas

.

Foi estupendo para os nosos rapaces e rapazas de 3º de ESO poder asistir a unha contada con Paula Carballeira. Achegámonos á literatura a través da oralidade: historias que provocan arrepíos e que teñen como tema central a morte, esa morte que chega ás veces de xeito estraño, inexplicable, sen sentido... e da que moitos soubemos, sobre todo a través dos contos e lendas que os nosos maiores nos relataban.

Os noso parabéns á artista porque foi quen de captar a atención continuada de todo o público asistente ao acto e soubo transmitir, de xeito magnífico, a emoción, o desasosego, o susto e mesmo o riso a través das historias que nos contou. Foi un auténtico pracer vela e escoitala!

Os nosos parabéns tamén para o Servizo de Normalización Lingüística do noso concello por ofrecérmonos a posiblidade de asistir a esta estupenda contada e, asemade, para o Equipo de Dinamización lingüística do noso instituto, capitaneado pola profesora de Lingua Galega, Pilar.

Agardamos impacientes podermos gozar de novo con actividades deste tipo.

.

O pasado xoves, 7 de abril, o alumnado de 3º de ESO e algúns rapaces e rapazas de 4ª do noso centro foron a Vigo, en concreto, aos “Salesianos” a ver unha representación en inglés da obra Pigmalyon.

 Contan os rapaces e rapazas que esta actividade, organizada polo Departamento de Inglés, resultou moi interesante. Recollemos a opinión de Claudia Kaulbak Amoedo de 3º de ESO quen nos explicou que  a obra trataba dunha moza vendedora de flores que traballaba na rúa, inda que o que quería  era triunfar no mundo da música cantando, pero non contaba con recursos. Un día, por casualidade, atopouse con dous profesores de canto aos que, despois de moito insistirlles, os convenceu para que a axudasen. Namorouse dun deles. Triunfou na música pero non no amor, pois o namorado tratábaa moi mal. Como non estaba contenta a pesar do éxito e da fama, colleu as súas cousas e marchou a procurar a vida por ela mesma.

 Cóntanos entusiasmada Claudia que a obra foi moi entretida, malia haber algúns momentos nos que atopou pequenas dificultades de comprensión(a representación fíxose en inglés, loxicamente). Con todo, insiste en que riron moito con escenas cómicas, como por exemplo cando unha das actrices interactou co público. Comenta que todo o alumnado saíu moi contento, pois a obra gustoulles máis do que, nun principio, crían lles ía gustar; e ademais estaban moi satisfeitos porque descubriron con satisfacción que eran quén de entender unha obra nun idioma alleo para eles como é o inglés.

.

O mércores 16 de marzo, o alumnado de 3º de ESO e o alumnado do Obradoiro de Expresión Oral e Escrita de 4º de ESO, acompañados polas profesoras Dolores Míguez Montes, Rosa González Carballás e Catalina Míguez Vilas viaxou a Iria Flavia (Padrón) para coñecer a Casa na que a nosa poeta Rosalía de Castro pasou os seus últimos días. Un percorrido guiado polas diferentes estancias da casa, unha aproximación a certos documentos escritos e fotografías sobre da vida e obra da autora, acompañados do son musicado dalgún dos seus poemas e un paseo pausado no xardín foi a primeira parte da visita a Padrón.

A segunda parte consistiu en ver a Fundación Camilo José Cela, onde puideron comprobar, con abraio,  a inmensa e importantísima obra literaria deste autor. Comprobaron, con asombro, que algunha das súas obras estaba traducida a máis de corenta idiomas diferentes. Viron divertidos coleccións de diferentes obxectos: caricaturas, recortes de prensa sobre da súa obra, cadros, algunha ben simpática como a de penicos, etc.  Todo isto, amais dunha interesantísima e moi amena explicación por parte dos guías do Museo, serviulle aos nosos rapaces e rapazas para coñecere un pouco máis o autor padronense.

Preme na foto para velas todas