IES Gregorio Fernández

Seguimos co ciclo de actividades organizadas pola Aula de Emprendemento do noso centro educativo.

O pasado xoves 18 de novembro, Rafa Vázquez, economista da Fundación Ronsel, impartiu uns obradoiros de introdución ás competencias emprendedoras. Así, os alumnos e alumnas de 2º curso dos ciclos formativos de Formación Profesional tiveron a oportunidade de seguir avanzando nás súas habilidades de comunicación interactuando mediante a técnica do xogo de roles ou role-playing. Para finalizar, Rafa deulles toda unha serie de consellos útiles.

Esta actividade forma parte do programa organizado pola Aula de Emprendemento do IES Gregorio Fernández,  financiado na súa totalidade polo Ministerio de Educación e Formación Profesional e pola Unión Europea-NextGenerationEU (Repartición 2022) no marco do Mecanismo do Plan de Recuperación, Transformación e Resiliencia. 

Podedes ver máis fotos deste obradoiro na seguinte ligazón.

O pasado mércores 25 de outubro, os alumnos e alumnas de 2º curso dos ciclos formativos de Formación Profesional e 1º de Bacharelato participaron nuns obradoiros nos que traballaron as súas HABILIDADES DE COMUNICACIÓN cun actor profesional en activo, Xaquín Domínguez (Bével Consultoría y Servicios Profesionales S.L.), con moitos anos de experiencia no sector audiovisual.

Esta actividade forma parte do programa organizado pola Aula de Emprendemento do IES Gregorio Fernández,  financiado na súa totalidade polo Ministerio de Educación e Formación Profesional e pola Unión Europea-NextGenerationEU (Repartición 2022) no marco do Mecanismo do Plan de Recuperación, Transformación e Resiliencia. 

Podedes ver máis fotos do obradoiro no seguinte álbum.

O alumnado de ciclos formativos trasladouse a Silleda o xoves 26 de outubro para ver en primeira liña o campionato galego de formación profesional, Galiciaskills. Viron como os participantes mostraban a súa competencia profesional á hora de afrontar as diferentes probas poñendo en valor a calidade e a elevada cualificación coa que conta a nosa formación profesional.

O pasado martes 17 de outubro, os alumnos e alumnas de 2º curso dos ciclos formativos de Formación Profesional contaron coa presenza de Dani Diéguez, da consultora Píldoras Digitales, quen impartiu un obradoiro para identificar os aspectos esenciais dun modelo de negocio a través da ferramenta BUSINESS MODEL CANVAS.

Dáse así continuidade ás actividades organizadas pola Aula de Emprendemento do IES Gregorio Fernández,  financiadas na súa totalidade polo Ministerio de Educación e Formación Profesional e pola Unión Europea-NextGenerationEU (Repartición 2022) no marco do Mecanismo do Plan de Recuperación, Transformación e Resiliencia. Podes acceder ao álbum na seguinte ligazón.

O pasado xoves 28 de setembro, alumnos e alumnas de ciclos de Formación Profesional do IES Gregorio Fernández realizaron unha visita guiada ás instalacións da Fundación CEL da man da súa xerente, Marián Tallón, para coñecer de primeira man como se traballa no viveiro de empresas e que tipo de servizos reciben os emprendedores. Alí brindouselles unha sesión na que o coach Pablo López, de Implicatum Consultoría, mostrou aos alumnos/as os pasos para poñer en marcha un proxecto emprendedor, ademais do ecosistema de apoio a nivel nacional.

A xornada completouse cunha visita organizada pola propia Fundación CEL á fábrica de Innolact – Quescrem, en Castro de Ribeiras de Lea, guiada polo seu director técnico e co-fundador, Jesús Zapico. Trátase unha empresa referente en emprendemento e innovación da industria alimentaria, que, desde as súas orixes, apostou polo apoio á investigación de produtos culinarios innovadores.

Retómanse así as actividades organizadas pola aula de Emprendemento do IES Gregorio Fernández, iniciadas o pasado curso académico e financiadas na súa totalidade polo Ministerio de Educación e Formación Profesional e pola Unión Europea-NextGenerationEU (Repartición 2022) no marco do Mecanismo do Plan de Recuperación, Transformación e Resiliencia. Podedes descargar máis fotos no seguinte álbum.

Hoxe mércores 26 de xullo publícase no taboleiro de anuncios do centro a listaxe definitiva das persoas beneficiarias da gratuidade de libros de texto e dos vales para adquisición de material escolar.

O Ministerio de Educación e Formación Profesional e a Unión Europea- Next Generation EU, convocan Cursos de Capacitación Dixital para persoas adultas que non posúan competencias dixitais básicas.

Para a realización destes cursos creouse a Rede Galega de Educación Dixital, á que pertence o IES GREGORIO FERNÁNDEZ de Sarria.

O primeiro curso comezará o 18 de setembro de 2023 e terá unha duración de 30 horas. Desenvolverase durante 2 horas diarias, de 18:00 a 20:00 horas durante 15 días lectivos nas instalacións do IES GREGORIO FERNÁNDEZ de Sarria e son totalmente gratuítos.

Ao remate do curso os participantes recibirán un diploma acreditativo da asistencia e aproveitamento.

A realización do curso permitirá ao alumnado participante aprender competencias dixitais básicas como as seguintes:

    • Utilización segura de Internet para evitar estafas.

    • Crear e xestionar contas de correo electrónico.

   • Solicitar citas previas nos Centros de Saúde,  Delegacións de Facenda, Seguridade Social, Xunta de Galicia, etc.

    • Solicitar certificados dixitais.

    • Solicitar a chave 365 da Xunta de Galicia.

    • Realizar comunicacións e transaccións seguras en liña coas entidades bancarias.

    • Realizar compras a través de Internet.

    • Realizar videoconferencias con familiares e amigos.

    • Programar viaxes a través de Internet.

Período de matrícula:

Os interesados/as deberán cubrir unha solicitude de inscrición que lles será facilitada na Conserxería do IES Gregorio Fernández de Sarria durante todo o mes de xullo en horario de 9:00 a 13:30 e dos días 1 ao 11 de setembro tamén en horario de 9:00 a 13:30 horas.

Actuación financiada polo Ministerio de Educación de Formación Profesional e pola Unión Europea- Next GenerationEU

Cartel informativo Curso de Capacitación Dixital para persoas adultas

Noticia de El Progreso sobre os Cursos gratuitos de Capacitación dixital no Ies Gregorio Fernández

Proceso de admisión a Ciclos de Formación Profesional para o curso 2023/2024

- Réxime ordinario        - Réxime para as persoas adultas

Presentación de solicitudes: 23 de xuño ás 9:00 ao 5 xullo ás 13:00 horas

Listaxe provisional de solicitudes: 10 xullo

Listaxe definitiva de solicitudes: 19 xullo

Matriculación: 19 de xullo ás 9:00 ao 24 de xullo ás 13:00 horas

Prazos do proceso de admisión a Formación Profesional Básica:

Presentación de solicitudes: 26 de xuño ás 9:00 horas ao 6 de xullo ás 13:00 horas

Publicación da listaxe provisional de solicitudes: 10 de xullo

Publicación da listaxe definitiva de solicitudes: 24 de xullo

Matriculación: desde o 24 de xullo

O luns 12 de xuño o alumnado do Ciclo Medio de Xestión Administrativa e do CS de Administración e Finanzas participou nunha visita cultural en Santiago: subiron ás cubertas da Catedral, foron ata o Parlamento de Galicia e tamén á Cidade da Cultura.