Bitácora de Orientación 

 Pienso, siento, soy

Orientación

Comezo da convocatoria de bolsas MEC 2024-25

 

 

PARA QUE ESTUDOS PODES SOLICITAR UNHA BOLSA?

 

Para alumnos/a que no curso 24/25 estean matriculados/as en:

  • Bacharelato

  • Cursos de acceso e de preparación para probas de acceso á Formación Profesional e cursos de formación específicos para acceso a ciclos formativos de grao medio e superior, impartidos en centros públicos e privados concertados

  • Formación Profesional de grao medio e de grao superior

  • Ensinos artísticos: profesionais e superiores

  • Ensinos de idiomas en Escolas Oficiais, incluída a modalidade a distancia

  • Ensinos deportivos

  • Estudos relixiosos superiores

  • Formación Profesional de Grao Básico

  • Ensino universitario: Grados, Máster...

 

COMO SOLICITALA?.

 

1. ENTRA NA SEDE ELECTRÓNICAhttps://sede.educacion.gob.es Todo o proceso de solicitude da bolsa realízase a través da sede electrónica do Ministerio de Educación, Formación Profesional e Deportes.

 

2. REXÍSTRATE.

 

  • Para rexistrarte, necesitas un usuario e un contrasinal:

 

  • Se xa te rexistraches previamente para calquera outro trámite, a túa conta segue sendo válida e non fai falta que che volvas a rexistrar.

  • Se nunca te rexistraches, clica en «Rexístrese» e segue os pasos para crear unha conta.

 

  • Para acceder á solicitude de bolsa, podes facelo de dúas formas:

 

  • Çon Cl@ve (claves electrónicas de administracións públicas) ou certificado electrónico, se dispós deles, ou

  • Mediante o mesmo usuario e contrasinal cos que te rexistraches na sede electrónica.

     

3.ENCHE O FORMULARIO. Unha vez dentro, tes que encher o formulario en liña. Neste paso, non che pediremos que achegues documentación porque as unidades encargadas da tramitación de bolsas consultarán todos os datos necesarios para comprobar que reúnes os requisitos para solicitala. Só en determinados supostos pedirémosche que achegas algún documento concreto.

 

4.IMPRIME O XUSTIFICANTE DE PRESENTACION. COMPROBA SE TE ATOPAS NALGUNHA DAS SITUACIÓNS PARA REMITIR DOCUMENTACION:


DIRECCION PARA REMITIR DOCUMENTACION Á UNIDADE DE BOLSAS

XEFATURA TERRITORIAL DÁ CORUÑA. CONSELLERÍA DE CULTURA, EDUCACIÓN, FORMACIÓN PROFESIONAL E UNIVERSIDADES

Servizo de Apoio aos Servizos Educativos . Sección de Bolsas de Estudo
R/ Vicente Ferrer, 2 - 15071 A Coruña

 

  • PRAZO DE PRESENTACION DE SOLICITUDES: do 19 de marzo de 2024 ás 9 h., ata o 10 de maio de 2024 ás 15 h. (horas peninsulares)

     

  • PARA MAIS INFORMACION: https://www.becaseducacion.gob.es

     

  • DURANTE OS MESES DE AGOSTO E SETEMBRO DEBES ESTAR ATENTO AO CORREO ELECTRONICO

  • Non o deixes para o final. Pide a túa bolsa aínda que non saibas o que vas estudar ou mesmo se vas ou non a estudar.

Cinema con perspectiva

Dentro do programa "Cinema con perspectiva", o alumando de 1.º e 2º. ESO asistiu as últimas horas deste venres á proxección de cinco curtametraxes. A base común de todas elas foi fomentar a reflexión sobre o papel da muller na sociedade. a violencia de xénero e as desigualdades. O debate e posta en común das reflexións foi levada a cabo por María.

FP: INSCRICIÓN NAS PROBAS DE ACCESO A GRAO SUPERIOR 2024

                                                                               Pruebas de acceso a FP Madrid 2020 y modelos de exámenes |

 

Se tes dúbidas de se este ano vas superar o Bacharelato ou tes a seguridade de que este ano non vai ser, aínda tes unha opción para acceder a un Ciclo de Grao Superior o curso que ven. Tes a posibilidade de acceder ao 10% das prazas de FP superando unha proba de acceso. 

A continuación tes a información e as ligazóns máis destacadas:

  •  Requisitosé necesario ter cumpridos dezanove anos ou cumprilos no ano natural de celebración da proba.
  • Partes da proba: A proba divídese en dúas partes:

 - Parte común: lingua galega, lingua castelá e matemáticas.

- Parte específica (debes consultar a que ciclos dá acceso cada opción. En cada opción te examinas de dúas materias. Ver instrucións):

   Opción A: economía da empresa, lingua estranxeira (inglés ou francés), e filosofía.
   Opción B: debuxo técnico, tecnoloxía industrial, e física.
   Opción C: ciencias da terra e ambientais, química, e bioloxía.

NOVIDADE NO ACCESO AO GRAO DE CIENCAS DA ACTIVIDADE FISICA E DO DEPORTE

                                                   Imagen pazojpg 2063069294

Para a admisión no Grao en Ciencias da Actividade Física e do Deporte é requisito previo a superación dunha proba física, que recibe cualificación de Apto/Non apto. Ata o de agora, a Universidade de Vigo recoñecía o resultado da proba da Universidade da Coruña, pero non se daba reciprocidade.

Para a admisión do próximo curso, os resultados das probas físicas levadas a cabo por ambas universidades na ABAU 2024 serán recoñecidos en todo o Sistema Universitario Galego (SUG).

Atentas e atentos aos canais de información de orientación para coñecer cales son os prazos de inscrición ás probas e as datas nas que terían lugar. 

 

Cinema con perspectiva (1.º e 2º. ESO)

23/02/2024 12:45
23/02/2024 14:25
Europe/Madrid

Cinema con perspectiva

 Sesión con proxección de curtas e posterior obradoiro

23 de febreiro

12:45 - 14:25

1º. e 2.º ESO

VENRES 26, LATRIBU BUSCA TIPPI

Mañá, LATRIBU terá como misión descifrar o lugar de encontro, o seu tippi, e acudir á chamada do Consello.
Latribu está formada por 16 alumnos e alumnas con moitas ganas de cambialo mundo. Desenvolverán campañas e farán "ruído", axudaranlles máis alumnos/as colaboradores/as porque LATRIBU buscará facer que o centro sexa máis tribu que nunca. Atentos ás novas porque isto non fixo máis que comezar.
Será este o comezo dunha bonita historia?. Temos a seguridade de que así será!
Estos códigos axudaránche a descifrar donde está o tippi de Latribu:
* A
&C
πD
?E
√F
@L
/O
!P
^S
6T
1U

CHARLA USC E ABAU

O mércores 24, o alumnado de 2º Bacharelato puido participar no programa A Ponte da USC para poder coñecer a nova etapa universitaria, a oferta da USC e como se desenvolverán as probas da ABAU. Acompañounos Celso, profesor universitario na Facultade de Matemáticas e colaborador do programa. Moitas grazas Celso pola túa explicación!.

Aviso: Lembrade que na aula virtual atoparedes nuns días as presentacións

PARÁMETROS PONDERACIÓN 2024

Publicados no DOG o 4 de xaneiro de 2024.

es

DISCAPACIDADE, INCLUSIÓN, XUSTIZA SOCIAL E BALONCESTO

 

 

 

 

 

Que estupendo contar con Angel e Jesús, que viñeron acompañados dunha figura do baloncesto feminino como Patri Cabrera, Patri psicóloga e , outra das súas entrenadoras, para repensar a inclusión e a situación das persoas con discapacidade.

Comezamos a sesión visionando o video Querela é creala, un video que como vos dicía hoxe pode facer o mesmo efecto que o petazeta na boca, pode facer estoupar a nosa maneira de ver a inclusión. Ver o capacitismo, a discriminación da persoas polas súas capacidades, no mesmo nivel ca outras discriminacións (xénero, raza, orixe, etc) realmente pode ter o efecto dun estoupido. 

Pero dende logo no IES estamos dispostos a mellorar calquera situación para que todas as persoas poidan participar dos mesmos dereitos e non haxa cidadáns de primeira e terceira. Logo dun tempo de reflexión ao que contribuiu un dos nosos alumnos con NEE, que corroborou as situacións que adoitan vivir as persoas con discapacidade, fixemos unha parada nunha cuestión: por que hai datas que todo o mundo coñece, como o 25 N e o 8 M, e outras que case ninguén coñece como o 3D, día da discapacidade? Será isto unha diferenza que marca o nivel de discriminación e da necesidade de percorrer xuntas e xuntos un camiño de igualdad e xustiza social? 

 A continuación escoitamos a Jesús e Angel, que nos contaron o que representa para eles a oportunidade de ter un entrenamento en baloncesto. Tamén escoitamos todo o que lles aporta ás súas entrenadoras. As persoas con discapacidade adoitan ter escasas oportunidades de ocio, de relación con outras persoas, e iste tipo de iniciativas son realmente importantes nas súas vidas. Vivir nunha cidade é unha grande ventaxa, pero vivir nun sitio pequeno reduce ainda mais estas oportunidades. Lembramos ademáis que unha persoa pode nacer cunha discapacidade ou pode adquirila ao longo da súa vida. Pódenos tocar a todas as persoas, un motivo máis  que xustifica que debemos aprender a incluír e respectar calquera diferenza por discapacidade.

Incluír implica necesariamente compartir metas, dereitos e espazos de convivencia. Os centros educativos son os primeiros espazos logo dos espazos familiares que permiten construír a inclusión. Hoxe celebramos o 3D compartindo historias, e construíndo os pilares da inclusión. Para demostralo fixemos un pequeno partido inclusivo no que creo que demostráchedes valores moi ilusionantes. Ogallá estas pequenas experiencias vos axuden no voso percorrido persoal e profesional. Creo que non me equivoco afirmando que tendes madeira noble e que construiredes un futuro máis xusto!

ACTIVIDADE INTERXENERACIONAL:CALQUERA TEMPO PASADO FOI MELLOR? COMO ERA A VIDA DAS MULLERES HAI DÉCADAS

  

 

Hoxe e onte, Gabriela, Loli, Herminia, Jacinto e Juan, da Asociación Apelón, chegáronse ao centro para falar de igualdade, e descubrirnos se é certo o dito de que todo tempo pasado foi mellor. 

En principio descubrimos que ir á escola era unha experiencia realmente diferente a que é hoxe. Antes, chegar á escola era todo un reto, camiñar 2 kms por lameiros ou ir en barco e non ter como voltar eran realidades frecuentes. A calefacción era un luxo e un privilexio que se gozaba pouco ou nada. As aulas estaban formadas por rapazada de diferentes idades que aprendían xuntos. Nenos e nenas estaban separados, ou ben había escolas de nenos e nenas, ou había aulas de nenos e nenas.  Faciase realidade o dito de "a letra con sangue entra", que permitía que as regras de madeira  aterrizaran nas mans ou nos cús dos rapaces e rapazas. 

Hoxe educamos en igualdade pero antes as aulas educaban para facer sentir a diferencia entre xéneros. As nenas estudaban para as actividades domésticas, e os nenos estudaban para ser profesionais remunerados. Ás rapazas na escola tiñan "materias" de costura, do fogar. Os rapaces, non. 

Fóra das aulas non adoitaba haber pandillas mixtas, e en todo caso, se ían xuntos rapaces e rapazas, o que era inadmisible é que un rapaz e unha rapaza estiveran xuntos a soas. Non había redes sociais telemáticas, pero si redes sociais presenciais que se encargaban de facer chegar a información e xulgar á rapaza. A mala reputación sempre era para elas.

As mulleres nos 60 e 70, cando a dictadura, non podían facer unha chea de cousas ou alomenos sen que un home dera o visto bo: contratar a luz, ter unha nómina, saír coas amigas. Non había divorcio, a lei non recoñecería este dereito ata a década dos oitenta. Cando casabas, casabas ata que a morte separaba, polo que se a vida non era boa co teu home, a vida convertiase nunha mala experiencia sen data de caducidade. Non era so que non houbese opción ao divorcio, é que non ter un traballo remunerado, e uns estudos que facilitaran o emprego, impedían ás mulleres saír desta situación.

Cousa curiosa foi que nas décadas anteriores, na época da República, as mulleres gozaban de maiores libertades. Unha muller podía entrar nun bar sen ser xulgada, podía divorciarse. Vai ser que na nosa historia recente houbo tempos pasados mellores que os que viñeron despois.

Aprendimos que antes as mulleres eran as que vestían de luto, medio luto e alivio. E mesmo se vestían en promesa a un santo durante un ano coa mesma roupa. Ensinar o corpo...pouco o nada, o tempo dos biquinis chegaría máis tarde. Do corpo, da nosa bioloxía non se ensinaba nadiña, non se falaba da regra (á que se nomeaba en clave porque era tabú) nin do sexo, aprendíase coa experiencia propia e a dos demáis.

Os nosos maiores, recoñecen que ser neno naquel entón era unha experiencia moi diferente á de hoxe. Os nenos e nenas traballaban moito. As condicións de vida eran duras, non había nin as comodidades de hoxe nin os servizos de protección ás persoas vulnerables. Loli nos contaba como con sete anos quedou soiña na casa cando detiveron á familia coa que convivía. Imaxinade a situación!

As mulleres tiñan máis fillos que hoxe en día, non era raro ter 18 criaturas. Sobrevivir e manterse era compricado, e ás veces incluso comer da estercoleira era a opción de encher algo o estómago. Ter moitos fillos implicaba moito traballo para as mulleres, este traballo  xunto co traballo na casa, no campo, na granxa, deixaba sen horas de descanso ás mulleres. Eles logo do traballo tiñan o seu tempo, elas sempre traballaban, cansadas e casadas, pola mañá, pola tarde, pola noite.

Jacinto e Juan nos recordan como houbo que loitar polos dereitos que desfrutamos hoxe. Dereito ao divorcio, dereito ao aborto, dereito a manifestarse, dereito á igualdade. Lles debemos moito aos/ás nosos/as maiores. Nada do que temos hoxe foi gratis. Defenderon as nosas libertades e os nosos dereitos. Que grandes! 

Canto aprendimos hoxe, cantas cousas vellas que resultaron tan novas, que sorpresa descubrir como era a vida das mulleres, dos nenos, dos homes, hai varias décadas. Que sorte poder escoitar a historia recente contada polas nosas maiores. Grazas Apelón, sodes un tesouro ben grande!

Entrevista a Mabel Lozano

Entrevista con
Mabel Lozano
Programa de Radio na Biblio
Con "E" de entrevista   

  

ORIENTA 23-24

Tendes á vosa disposición o ORIENTA 23-24 para consultar os estudos de cada comunidade, notas de corte, enlaces, información de cada titulación,etc.

Este programa tamén vos permite facer cuestionarios para axudarvos nesta tarefa de buscar o voso camiño académico e profesional.

Para acceder ao programa, premede na imaxe ou no enlace.

 

https://elorienta.com/movil//?yafxb=56387

TIK TOK TRATA con MABEL LOZANO

Unha cousa quedounos clara esta semana na campaña de TIK TOK Trata de Mabel Lozano: a trata non é un problema, é un delito. Un delito que se exerce contras as mulleres en situación de alta vulnerabilidade. 

A prostitución é un negocio lucrativo que non se aloxa unicamente en burdeles como hai décadas, hoxe en día instálase en pisos máis difíciles de controlar e, sobre todo, nas redes sociais. 

Ningunha muller quere ser prostituída (si, prostituída, non prostituta, a linguaxe sempre é importante). Todas as persoas queremos ser felices. Ise é o noso motor principal. Cada quen procura a felicidade ao seu xeito. Pero incluso as mulleres que escollen nun primeiro momento ser prostituídas, o fan porque teñen unha necesidade urxente e de tipo económico que as empurra a isto. Poden elexir entrar, si, pero non elixen o cárcere de explotación no que se convirte a súa vida e que as destrúe chegando, con moita frecuencia, ao suicidio.

As mulleres prostituídas son silenciadas, non teñen nome, o mundo as xulga sen coñecer o maltrato ao que están expostas. Os seus verdugos son simplemente proxenetas para o resto do mundo, non delicuentes, e consiguen que outras persoas sexan cooperantes necesarios nunha cadea de maltrato.

As violacións, as palizas, o maltrato psicolóxico que as anula, as xornadas agotadoras que so deixan tempo para o descanso mínimo, a situación de soidade e reixeitamento da sociedade, as ameazas a familiares, as débedas, e mesmo o asasinato, fan que as mulleres prostituídas non denuncien nunca. Aprenden a non defenderse, a calar, a non contar. Impactante, non? Urxe cambiar a mirada, urxe actuar. Se somos cómplices de algo que sexa da xustiza social, se somos cómplices de alguén que sexa das mulleres vítimas da trata.

Mabel deunos a coñecer varios documentais entre os que se encontraba o seu premiado documental Biografía do cadáver dunha muller, para contarnos todo esto. Alertou ás rapazas das estratexias moi estudadas dos proxenetas nas redes, dos boots que case seguro recibides unha gran parte, do risco de responder. Lembrade, buscarán namorarvos, prestarvos a atención que igual non tendes, facervos sentir especiais. Fixo conscientes a rapazas e tamén a rapaces de como se move este mundo tan oscuro e cheo de maltrato ás mulleres.

Falamos de Onlyfans, plataforma moi coñecida polos adolescentes e tamén por adultos. Onlyfans é a antesala perfecta da prostitución para normalizar e propiciar a mercadoría dos corpos entre a xente máis nova. Estades máis expostos que xeracións anteriores pero como ben dixeron os compañeiros e compañeiras cando presentaron a Mabel:

Sodes a xeración que pode cambialo todo.

Sodes a xeración que pode parar a trata e a prostitución. 

Sodes a xeración que pode romper o teito de cristal. 

Sodes a xeración que pode recoñecer o camiño percorrido.

Sodes a xeración que pode acompañar ás mulleres vulnerables, olvidadas.

Sodes a xeración que pode actuar de forma responsable e construír un mundo mellor, respectuoso, xusto, equitativo.

Sodes a xeneración de rapaces e rapazas pola igualdade!!.

Rematamos a sesión cunha pequena entrevista na biblio co equipo da radio que se estreará polo 25 N, e cun agasallo floral do alumnado de FP que moito gustou a Mabel. E rematamos tamén cunha promesa, Mabel volverá a Mugardos porque quedou prendada da xente e o pobo.

Ata a seguinte Mabel, grazas por todo o que nos ensinaches. Moita sorte nos próximos Goya para os que volves a estar nominada!

  

REGALA PALABRAS

Cartel 2 Cartel 1

Este ano, Yoli, unha das nosas titoras propúxonos participar na campaña de Regala Palabras de TELAsturias. E  como no programa Contrato Convive imos a traballar as diversidades co obxectivo de contruír un centro aínda moito máis inclusivo, pareceunos unha proposta estupenda.

E así foi como todas as titoras e titores fixeron un gran traballo dando a coñecer o TEL/DEL e impulsaron a iniciativa de regalar unha palabra ás persoas con esta dificultade lingüística. Porque, si, as persoas con DEL adoitan ter dificultade para aprender ou evocar as palabras. Tamén adoitan ter problemas na expresion e comprensión, a pesar, de que o seu nivel intelectual pode ter valores dentro da media ou incluso superiores.

Deixamos imaxes do mural de palabras e engadimos dúas dun gran valor social e educativo: EMPATÍA e INCLUSION.

Vémonos na seguinte acción inclusiva, estade atentas e atentos e mentras practicade inclusión achegándovos ao alumnado que precisa a vosa atención, ofrecendo axuda a compañeiras e compañeiros que o precisan, informando de situacións de vulnerabilidade.

+info: https://piensosientosoy.blogspot.com/2023/09/campana-regala-palabras-conociendo-el.html?m=1

 

                                                                          Mral 2 Mural 3

                                                                          Cartel 4  Cartel 5

Obradoiro sobre trata de persoas (3.º e 4.º ESO; FPB )

10/10/2023 12:45
10/10/2023 14:30
Europe/Madrid

O martes 10 de outubro contaremos con Mabel Lozano para dar unhas charlas de prevención da violencia de xénero e conmemorar o 25 N, dentro do programa Iguála-t.

A actividade vai dirixida para o alumnado de 3º, 4º ESO e toda a FP Básica. Terá luga de 12.45 a 14.25 horas.

AXUDAS FCT E FP DUAL

  • Prazo de solicitude: 31 días a partir da publicación da convocatoria que tivo lugar o 28 agosto.
  • Convocatoria: https://www.edu.xunta.gal/portal/node/40787?fbclid=IwAR0ncvcWPqGlBP7jtDvCfEBghY82Qx2w1MNsaLIfx5oWIRhYTZDVY0_jaAo

XUVENTUDE CREA

 

Si el arte corre por tus venas, tienes que echar un ojo a esta convocatoria.

http://xuventude.xunta.es/xuventude-crea?fbclid=IwAR2jgVwByhug1FVBM7WjJC...

BECAS AMANCIO ORTEGA

Prazo de solicitude ata o 27 de setembro ás 13:00 horas.

 

https://becas.faortega.org/

Ciclos Básicos: Agroxardinería e composicións florais

Sabías que a FP ten máis grados que o medio e o superior? Pois si, temos ademáis os ciclos básicos, e os cursos de especialización (másters de FP).

 

Nesta ocasións imos centrarnos nos Ciclos da Formación Profesional FP Básica. Lonxe do que pensa moita xente,  non son unha medida de atención á diversidade, son un itinerario diferente á ESO que permite conseguir: o título da ESO, un título profesional básico, e o nivel básico de riscos laborais. Se as aulas da ESO non se axustan ás túas necesidades, esta pode ser a túa opción. Para cursala, iso si, precisas ser orientada/o polo equipo docente hacia este itinerario. 

Tes unha oferta variada na comarca que poderás atopar neste enlace:https://www.edu.xunta.gal/fp/webfm_send/10228. No noso centro contamos cun ciclo vinculado coa natureza, con alta empregabilidade e con posibilidades de ampliar estudos: podes cursar un ciclo medio, un superior e incluso un grao univesitario (Paisaxismo). Se non queres continuar nesta familia profesional, non tes problema en solicitar praza noutra familias diferente. Como podes ver as ventaxas son moitas!

Déixovos este folletiño coa información mási destacada, espero que sexa do voso interese: 

Copia de FPB ACCESO A CURSO 22-23 de Piensosiento Soy

FPB + INFANTIL + PRIMARIA= UNHA EXPERIENCIA MARABILLOSA

 
A rolos, así acabou o noso alumnado do ciclo básico de Agroxardinería e composicións florais nas actividades co alumnado máis pequeniño do CEIP Unión Mugardesa e CEIP Santiago Apóstolo. Nestas sesións de convivencia e intercentros, o noso alumnado contou un conto sobre natureza aos/ás máis peques, e logo axudou a prantar aromáticas e sementes de cabaza e chícharos.
Os nosos alumnos e alumnas riron, abrazáronse, ataron zapatos, interviron nos pequenos conflitos, foron invitados ao parque polos pequenos, e acabaron a rolos xogando polo chan. Custounos marchar...pero reconfórtanos saber que o ano que ven as pequenas e pequenos escribiránnos para facernos peticións ou resolver dúbidas dos seus xardíns.
Grazas a Miguel e a Eva, oris que argallaron esta actividade xunto con esta que escribe, a Mario, supertitor do CFPB e a tódalas marabillosas profas de infantil e primaria que tan ben nos recibiron. GRAZAS!

QUE PASA? PASA ALGO? CONDUTAS ADITIVAS

Pasa algo
 En maio contamos nas aulas de 4° ESO e FPB con Raquel de ASFEDRO. Con ela rompimos tópicos e mitos sobre consumos, coñecimos como funciona o noso cerebro así como o sistema de recompensas cando temos unha adición. Tamén coñecimos curiosidades sobre o funcionamento do noso corpo cando consume, e que consecuencias trae o consumo dalgunhas sustancias.
Lembrade o número máxico dos 20 anos. Consumir antes dos 20 anos traerá consecuencias moitísimo máis graves que facelo despois. Por que? Porque o noso cerebro e os nosos órganos estan acabando de formarse. Por favor, coidádevos de sustancias que facilmente profucen adición, tamén do café (non mais de tres tacitas pequenas), do azucre e dos excitantes das bebidas. Máis de tres horas diarias do móbil trae consecuencias nas relacións, no rendemento, na vida. Os videoxogos deixan de ser un xogo se nos afastan de rutinas saudables, da familia, dos amigos, dos estudos. Se precisas axuda, estamos para axudarte.
Grazas ao Concello de Fene e Mugardos e a ASFEDRO por estas sesións!

Oferta FP curso 23-24

 

Por fin temos a oferta do próximo curso. Lembra seleccionar cinco opcións. O luns  26 de xuño comeza o prazo de inscrición. Se precisas axuda, confirma por correo a túa asistencia para que poidas ter un ordenador dispoñible.Teremos dous turnos: 10 e 12 da mañá. 

Documentación que precisas traer escaneada:

-DOI 

-certificado académico escaneado

-certificado de discapacidade ou de deportista de alto rendemento, se é o caso.

https://www.edu.xunta.gal/fp/oferta-fp

Reclamación ABAU

  • Prazo: Do 16 ao 20 de xuño (ata as 14:00 h.)

  •  Solicitude de revisión en Nerta.

  •  Lembrade que a revisión pode levar a baixada de nota se se detecta erro.

ORIENTA 22-23

 Precisas axuda para decidir ou ter máis información sobre os estudos que podes facer en cada comunidade incluída a galega? Que tal se botas un ollo ao que te ofrece o programa ORIENTA 22-23:

https://www.elorienta.com/movil/?yafxb=56387

Residencias e aloxamento na USC: Santiago, Lugo

Se o próximo curso escolles estudar na USC, ben sexa en Santiago ou Lugo, debes saber que a convocatoria para solicitar praza abrese ata o 27 de XUÑO ás 14:00 horas. Para coñecer algo máis da oferta de residencias e o procedemento de solicitude, preme no seguinte enlace: https://www.usc.gal/es/servizos/oiu/aloxest.html

Xornada de portas abertas nas Residencias da UDC: Ferrol e Coruña

Se estás pensando en solicitar praza nalgún campus da Universidade de A Coruña, tes a posibilidade de visitar as residencias na xornada de portas abertas que terá lugar entre o 1 e 10 de xullo.

Para participar debes enviar previamente un correo a:

-A Coruña: residenciauniversitaria.coruna@udc.es 
-Ferrol: residenciauniversitaria.ferrol@udc.es

Máis info en: https://www.udc.es/es/sape/aloxamento/?language=en

 

 

ACOLLIDA DO ALUMNADO DE 6°

 

 

    

 Estreamos xuño cunha mañá estupenda na que tivemos a oportunidade de coñecer ao noso novo alumnado. Que ilusión!

Comezáchedes a visita deixando unha pegada nada mais entrar porque o dire invitouvos a deixar o voso nome impreso na pantalla interactiva na que vos demos a benvida.

Logo tocou pasar ao salón de actos e tomar contacto co alumnado de 1° que xa ten experiencia nisto de transitar dunha etapa a outra. Confirmaron que o que di a ori é certo. Que ides a coñecer xente riquiña, que os maiores non vos miran e se o fan será con cariño como quen mira a un cachorriño pequeno. Tamén que no centro se está ben. E que hai figuras importantes como a de delegada ou de representante de consello escolar que paga a pena ter en conta porque ofrecen unha oportunidade de participar aínda máis no centro.

Siii, temos mais materias ca na Primaria pero tampouco hai tantos cambios, poderedes con eles, vaia que si. 

Nesta presentación da etapa e do centro, tamén vos fixemos entrega dunha cartiña feita polo alumnado de 1°ESO e os seus titores/as explicando como viviron este cambio. 

Logo, tocou parada na cafetaría e tomar un bocatiña e unha bebida antes de descifrar as mensaxes de benvida en código Braille, e facer un xogo no que a estratexia grupal era clave.

Toca marchar xa? Noooon, antes era obrigatorio ver as que serán as vosas aulas o próximo curso, coñecer a aula de plástica, informática, o laboratorio de física e química, a aula de apoio (que ben ule), a aula de Ciclo Básico, a biblio, a sa de profes (logo xa non se poderá entrar...pero hoxe fixemos excepción), a conserxería e administración, os despachos da dirección e o departamento da ori á que espero visitedes moito. 

Algún espazo quedou sen ver pero o tempo non deu para máis... ademais temos que deixar algunha sorpresa para setembro. 

Coñecíchedes a algúns profes: Guillín, Marta, Rita, Barcia, Montse, Micaela, Xulio, Iria, Marga, Fabio e Raquel, e tamén alumnado de ESO, CFPB e Bacharelato.

Agora xa tendes case todo dominado, coñecedes a etapa, o centro, as normas, como será o primeiro día. So nos queda voltar a vernos o 11 de setembro, esta vez para pasar un ratiño das vosas vidas con nós!

Presentación: 

SOLICITUDE NOS CENTROS RESIDENCIAIS DOCENTES (CRD)

As prazas de residencia nestes centros están dirixidas ao alumnado de Bacharelato e Ciclos. A residencia é de luns a venres. En función dq renda hai catro tramos de prezos, hai a posibilidade de que a residencia sexa incluso gratuíta.

Prazo para presentar solicitudes:

1. Para o alumnado matriculado en bacharelato: do 7 de xuño ao 12 de xullo de 2023.

2. Para o alumnado matriculado en ciclos formativos: do 7 de xuño ao 1 de agosto de 2023.

As solicitudes deberán dirixirse ao respectivo centro residencial docente.

Toda a información na seguinte páxina:

https://www.edu.xunta.gal/portal/node/40089

Distribuir contido