COVID 19 

   › Plan de adaptación

   › Plan de continxencia

   › Documentos                          

        PLATAFORMAS E AULAS VIRTUAIS
EDIXGAL MOODLE ABALAR  
          
REDES   VIDEOCONFERENCIA
     
Falemos

 

Novas

Libros de texto e material. Curso 2020-2021

RELACIÓN DE LIBROS DE TEXTO E MATERIAL DIDÁCTICO PARA O CURSO 2020-2021
1.º ESO

 Programa E-DIXGAL. Libros dixitais

Non é necesario adquirir un caderno para cada materia.
O uso de cadernos e a recomendación de contar cun arquivador
ou clasificador de aros será comunicado a comezo do curso.

2.º ESO
3.º ESO

 

 

4.º ESO
 
1.º BAC
2.º BAC

Aledaled, ánimo 2.º bacharelato!

Esta semana o alumnado de 2°Bacharelato comezou o período de exames cunha sorpresa.
Unha representación do alumnado de 2°ESO pasou polo salón de actos para darlles folgos e facerlles entrega dun ALEDALED personalizado para que o tiveran na súa mesa de estudo, e mantiveran a ilusión e o esforzo ata o final.
Que non sabedes o que é un ALEDALED? Pois é unha tarxetiña cunha imaxe máis unha mensaxe de ánimo que contén no seu interior un circuíto que fai que se aluminen os leds que van incrustados na tarxeta.
Antes de realizar os AledaLeds na clase de Tecnoloxía e nas titorías, o alumnado de 2°ESO xurou por Snoopy ante os seus titores/as Diego e Sandra prometendo manter o segredo e non contar a sorpresa ata que rematasen a misión.
Hoxe, o alumnado de 2° Bacharelato agradeceu cun sonoro aplauso a ilusión e detalle que o alumnado de 2°ESO tivo con eles/as. Agardamos que esta pequena gran sorpresa lles faga máis levadeiro este final de curso ou etapa. Ánimo e forza, como xa vos dixemos hoxe sodes Xeniais e podedes con todo!!

Maios, 2021

Tampouco este ano non baixamos ao cantón de Cora cos nosos maios e coplas. Mais iso non foi motivo para que celebrásemos a chegada da primavera Estes son os maios do alumnado de 1.º ESO e FPBásica.

Admisión para o curso 2021-2022

Todo o alumnado que presentou solicitude de admisión para o vindeiro curso 2021-2022, está admitido.

A listaxe de alumnado admitido está publicada na corcheira interior do centro. Tamén podedes consultar a información en www.edu.xunta.es/admisionalumnado.

As listaxes definitivas publicaranse o 12 de maio de 2021.

A formalización da matrícula será do 25 de xuño ao 10 de xullo para a ESO e Bacharelato.

07 Circular caso covid (23 de abril)

 

    

 Comunicamos que desde o día  22 de abril confirmouse 1 caso positivo 
no centro educativo ao que acode o seu fillo ou a súa filla. 

Agradecemos a súa colaboración imprescindible para que ningún membro
da comunidade
educativa asista  ao instituto no caso de manifestar síntomas
compatibles coa covid 19. 


Cómpre manter a máximo rigor nas medidas de protección individual e de
seguridade colectiva.

 

Xubilación de Gabriela

Grazas, Gabriela, por todos estes anos de boa e xenerosa dedicación ao ensino. No IES de Mugardos deixas unha fonda pegada de admiración e afecto. Desexamos que a xubilación che traia unha nova xeira de felicidade.

Reproducimos o emotivo poema escrito por Yoel e o vídeo do alumnado de 4.º ESO lembrando cando a profesora Gabriela lles levaba candies

  

 Xúbilo e saúde, teacher!!!

Semana das Profesións: conversas sobre o futuro

 

PÓDESE EMPRENDER EN MUGARDOS?
IAGO TRIANA. DA COSTA VERDECENTE

Hoxe inauguramos a Semana das Profesións con Iago da empresa de servizos caninos Da Costa Verdecente que ofrece adestramento, perruquería canina, hotel e tenda. https://www.iagotriana.com/
Iago contounos que logo de probar con itinerarios laborais diferentes, pensou na posibilidade de ser emprendedor montando unha empresa relacionada co que lle gustaba e polo que sentía unha gran paixón: os cans.
Imaxinades traballar no que adicades o tempo libre... soa ben, non?. Pero antes de chegar a este punto, a Iago tocoulle traballar no sector dunha maneira diferente que lle permitiu coñecer ben que podía funcionar, donde había mercado. Emprender foi unha idea que foi xurdindo pouco a pouco. Ademáis de traballar no que lle gustaba, animoulle a idea de ser o seu propio xefe e vivir aquí.
Na conversa que mantivemos, fixemos unha pequena enquisa informal e descubrimos que unha parte importante do alumnado de 3°ESO ten a idea de marchar para estudar fóra e vivir experiencias novas. Tamén descubrimos que á hora de buscar emprego, a vosa idea é traballar lonxe de Mugardos e volver nas vacacións porque considerades que aquí hai poucas oportunidades. Algúns tendes emprendedores/as na familia e non descartades emprender, pero en principio descartades facelo aquí. Con todo o marabilloso que hai en Ares- Mugardos... marchar? E se cambiades a realidade como en Texas? Lembrades o que nos dixo Iago?
Hoxe vimos como as oportunidades creanse, e os nosos sitios poden cambiar coas miradas dos emprendedores. Temos a opción de opositor, de ser contratados/as por conta allea pero a opción de emprender, crear empresa e incluso contratar xente pode ser unha realidade tamén interesante.
Na charla tamén falamos sobre como algunhas estratexias de negocio como a diversificación de servizos permiten que unha empresa como a de Iago se manteña ben. Se un servizo frouxea, hai outros que poden ir mellor e compensar.
Tamén falamos de que se pode traballar en Mugardos e levar o seu nome polo mundo adiante coa internalización, realmente podes comerte o mundo emprendendo en Mugardos! Tamén falamos que saír, coñecer experiencias e sitos novos está moi ben e enriquece o que fagamos logo.
Aproveitar as oportunidades e ter en conta as ameazas son claves. Tamén coñecer as debilidades e as fortalezas. En empresa a isto lle chamamos DAFO. Iago ten claro contra quen non pode competir e sabe tamén donde el non atopa competencia. Disto vai emprender.
Espero que esta charla vos permitira valorar outras posibilidades profesionais e darvos conta de que na vida dunha persoa hai etapas, idas e voltas, que un empeza dunha maneira e logo pode continuar doutra. Que as oportunidades se crean. Que o lugar donde un vive pode ser un bo lugar para emprender. Que o noso tamén se defende (que llo digan ao can palleiro).
Moitas grazas Iago, que a costa siga verdecendo!

 

 

 

 

 

 

 

 

 

 

 

 

 

 

 

 

 

 

 

 

Circular sobre a folga feminista do 8M

Preme na imaxe

Comunicación de casos covid 19 (3 de marzo)

 

Comunicamos que hoxe, 3 de mazo, confirmáronse 2casos positivos no centro educativo ao que acode o seu fillo ou a súa filla.

Unha vez máis, agradecémoslles a súa colaboración para que ningún membro da comunidade educativa aisista presencialmente ao instituto no caso de manifestar algún síntoma compatible coa covid19.

 

 

Admisión de alumnado para o curso 2020-2021

 FORMULARIO
Os impresos entregaranse
de balde e tamén se poden descargar para a súa impresión e entrega
na secretaría do centro.

* * * * * * * * * *

NOTA
INFORMATIVA

* * * * * * * * * *

PRAZO:

  • Do 1 ao 22 de marzo, incluídos.

           

PROCEDEMENTO

Opción 1: A través da aplicación en internet admisiónalumnado
                       
 https://www.edu.xunta.es/admisionalumnado/

A aplicación permite crear unha solicitude que se pode imprimir para presentar no centro ou, se dispoñen de certificado dixital, continuar a tramitación electrónica.

Opción 2: Nas oficinas do IES de Mugardos. De luns a venres en horario de mañás de 9:00-14:00 horas, e martes pola tarde de 14:00 a 18:00 horas.

 DOCUMENTACIÓN

-Formulario de solicitude (Anexo II)

-Copia do DNI da persoa solicitante e dos membros computables da unidade familiar, cando no formulario denegue a consulta.

-Documento acreditativo do requisito de idade do/da alumno/a. Pode ser a copia do DNI; copia da folla do libro de Familia onde conste inscrito o/a alumno/a; calquera outro documento oficial que acredite a identidade. 

-Documento acreditativo de estar en disposición de reunir os requisitos académicos esixidos en cada nivel educativo ou etapa. Pode ser o certificado de matrícula expedido polo centro onde estea cursando estudos a/o interesada/o; Boletín de cualificacións (do ano académico no que a/o interesada/o este a cursar no momento de presentar a solicitude); Outro documento que xustifique os requisitos académico.

-Convenio regulador ou resolución xudicial de separación xudicial ou divorcio, se é o caso.

-Xustificación de necesidades educativas especiais, se é o caso.

 

LEXISLACIÓN:

  •  DECRETO 254/2012, do 13 de decembro, polo que se regula a admisión de alumnado en centros docentes sostidos con fondos públicos que imparten as ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

  • ORDE do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

  • ORDE do 18 de decembro de 2020 pola que se modifica a Orde do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (código de procedemento ED550A e ED550B).

- Sede electrónica: Procedemento ED550B

- Consellería de Educación: Portal das Familias - Escolarización

Reservas admitidas e vacantes para o curso 2021-2022

Infórmase que todo o alumnado que reservou praza na fase específica para centros adscritos obtivo praza para o vindeiro curso 2021-2022 . As familias deberan formalizar a matrícula no período correspondente, do 25 de xuño ao 10 de xullo.

VACANTES

1.º ESO.......34
2.º ESO.......23
3.º ESO.......27
4.º ESO.......24

1.º Bacharelato Ciencias Sociais e Humanidades.........8
1.º Bacharelato Ciencias................................................4

2.º Bacharelato Ciencias Sociais e Humanidades.........3
2.º Bacharelato Ciencias................................................4

Búscanse humoristas

      

 Que o venres de entroido sexa entroido. Queremos clases de humor! Lembra anotarte e participar co teu chiste, anécdota graciosa, meme, monólogo, coreografía, mimo, etc. Lembra que a actuación debe durar aproximadamente 2 minutos.

Folla de inscrición en conserxería.
Distribuir contido