CALENDARIO DE PARTIDAS       SEMANA DO    10 AO 15 DE NOVEMBRO

Despois de que o curso pasado non se completara o campionato, Polín achégase de novo ao IES Mugardos. 

Xa está todo preparado paradar comezo ao XVII Campionato de Polinomios. 

Estamos recollendo as inscricións pois en novembro comezan as partidas.

Date presa en anotarte e consulta as base pois hai unha nova (a 5ª). 

Parabéns a Verónica, Carlos, Carmen e Sergio de 1.º BAC  que veñen de acadar unha meción especial no concurso Incubadora de Sondaxes e Experimentos organizado por SGAPEIO. 

A entrega dos premios e diplomas realizarase o vindeiro 20 de xuño en Santiago. Pero ademais o seu traballo baseado nunha análise sensorial de varias clases de pans foi seleccionado para representar a Galicia na Fase Nacional deste concurso. 

Estamos moi orgullosos deste resultado. porque sabemos de todo o esforzo e dedicación investido neste proxecto no que ten moito que ver a profesora Covadondga e todo o departamento de Matemáticas.

Mención Especial:  Título: Introdución á análise sensorial. Estudo hedónico do pan no IES Mugardos Autores: Verónica González Regueiro, Carlos Rodeiro Matriz, Carmen María Sanmartín Fero, Sergio Vila Plana Titor: Covadonga Rodríguez-Moldes Rey

Foto La Voz de Galicia - Ferrol

 Métodos Estatísticos e Numéricos é unha materia optativa de 2º de bacharelato que este curso contou cunha matrícula de sete alumnos.

A Estatística é unha rama das matemáticas presente en prácticamente todas as áreas de coñecemento; resulta bastante frecuente escoitar dicir a estudantes dos últimos anos do graduado que Métodos foi a materia que lles resultou máis útil na universidade.

Ademáis de estudos teóricos e prácticos, neste curso abordamos a realización de traballos de diverso tipo como un estudo do consumo na cafetería do centro, un estudo de regresión en plantas ou a construcción de aparellos estatísticos.

A continuación móstrase una presentación que describe a construción de dúas Máquinas de Galton.

A Facultade de Matemáticas da USC seleccionou estes dous vídeos de alumnas do noso centro para participar no concurso Explícoche Matemáticas 2.0.  O mellor xeito de valorar o traballo é cun "Gústame" en Youtube.

A elipse de LAURA e SILVIA (2.º BAC)

A catenaria de BEA e CRISTINA (2.º BAC)

COMPROBA QUE ESTÁS NA LISTA DO CANGURO.

E XA MOI PRONTO ...... O XVI CAMPIONATO DE POLINOMIOS CON MÁIS DE 70  PARTICIPANTES

O sábado 17 de xaneiro, Fátima Díaz Fontenla, Verónica González Regueiro e Laura Ordóñez García, alumnas de 1º de bacharelato, enfrentáronse a os seis difíciles problemas da proba. Máis de cinco horas de traballo intelectual para tratar de achegarse á solución de algún deles.  Neste reto individual consiste a Olimpiada Matemática.  Pero a participación nesta actividade permite ademáis coñecer o ambiente universitario de Santiago: visitar as facultades, comer en comedores universitarios, comprobar o abarrote das bibliotecas en época de exames, pasear por Santiago, coñecer a outra xente....Agora quedamos á espera de resultados.

Fotos na Galería

Xa arrincou o Torneo Aberto de Resolución de Problemas, máis coñecido coma Open matemático. Colle no centro ou solicitalle ao teu profesor de matemáticas as follas de problemas. Atoparás máis información na Aula Virtual. Non perdas as interesantes separatas deste ano dedicadas á óptica.

Materiais

O venres día 21 era o día da presentación da "Caixa dos Números Reais" no Congreso de ENCIGA (Ensinantes de Ciencia de Galicia). Os alumnos de 4º ESO: Inés Díaz, Javier Maceiras e Marta López, acompañados da profesora de Matemáticas, Covadonga, chegaron ao IES Blanco Amor de Ourense despois de dar unhas cantas voltas rúa Peliquín arriba e abaixo  seguindo as ordes, finalmente acertadas, do GPS. Tempo para pasear por Ourense, lavar as mans en auga quente (moi quente) na Fonte das Burgas e disfrutar dun bo xantar ao pé da Catedral.

Ás cinco en punto comezou a comunicación na que presentaban as "Caixas de Números Reais" construidas o curso pasado polos alumnos de 3ºB na clase de Matemáticas. Estas caixas pretenden ser un apoio didáctico para clasificar os distintos tipos de números que forman o conxunto dos números Reais (R):  Naturais (N), Enteiros (Z), Racionais (Q)  e Irracionais (I).

Con moita valentía e coñecemento, Inés, Marta e Javier colocaron no departamento correcto da caixa cada un dos números que escribían en abelás os profesores asistentes ao acto.

Relaxados despois da intervención foi tempo dun paseo ata que chegou a hora de coller o tren de volta a Ferrol.

Unha boa experiencia para os alumnos aos que o Departamento de Matemáticas agradece o esforzo realizado.

Durante o mes de novembro está aberto o prazo de inscrición no Canguro Matemático 2014. Esta é unha proba  na que cada participante ten que tratar de resolver  30  cuestións  lóxico-matemáticas en formato tipo test e na que participaron o ano pasado nada máis e nada menos que 6000000 de estudantes en todo o mundo, si si, seis millóns!!. O IES Mugardos é pioneiro en Galicia neste concurso que, sobre todo, serve para que cada participante teña referencias do seu nivel a través da análise estatística dos resultados  que proporciona a organización. 

Como novidade, podes practicar no Xogo do Canguro na páxina oficial do concurso: www.canguromat.org.es

Anímate a participar !!!

Coa colaboración da ANPA, o departamento de Matemáticas entregou a semana pasada todos os premios dos concursos  que promocionan. A cantidade de diplomas testemuñan o éxito de participación que acadou nesta edición o Concurso de Polinomios ou o Open matemático. 

Imaxes na Galería

O profesor de Bioloxía Edmundo López  quere facer un regalo ao IES Mugardos no seu 25 aniversario: vai doar  a súa impresionante colección de cunchas mariñas ao centro. Mundo, que é un dos profesores do Programa de Mellora, está a traballar coas alumnas de 3º de ESO: Sara, Inés, Marta, Carla, Almudena e Mercedes na clasificación das cunchas e elas xa se están a converter en expertas en malacoloxía.

Á vez que se fan os traballos de catalogación é necesario ir preparando as caixas nas que se mostrarán as cunchas. Despois de moito pensar acordamos que a mellor opción -e a máis barata- era a de construir caixas de papel utilizando a papiroflexia. 

E foi así que pedimos axuda ás ematemáticas e expertas papirofléxicas Teresa Otero e Alicia Pedreira que respondendo á nosa chamada viñeron ao IES Mugardos para mostrarnos como construir as caixas e cales son os cálculos necesarios para adaptalas aos distintos tamaños das cunchas.

Foi unha tarde moi agradable na que  ademáis de aprender a facer caixas de base cadrada practicamos moitas matemáticas.  Grazas Alicia e Teresa!!

Moitos bicos!!!

Fotos na Galería

O luns 21 de xaneiro no primeiro recreo dará comezo o XV Campionato de polinomios coas partidas BRAHMAGUPTA-MORGAN e BOLZANO-HAWKINGS.  Xa todo está preparado e percíbese moita expectación. As parellas formadas entre rapaces de 1º ESO e de 2º de Bacharelato danlle unha nova dimensión ao torneo que xa ten conseguido un obxectivo importante: aumentar as relacións entre o alumnado de distintos cursos para realizar proxectos comúns.

Finalmente temos 30 equipos inscritos e 15 axudantes o que fai un total de 75 alumnos e alumnas participantes nesta actividade coordinada polas profesoras de matemáticas Cristina Montero e Covadonga Rodríguez-Moldes. Tamén estrearemos fichas novas adicadas ao 25 aniversario do instituto.

Nos arquivos adxuntos están os listados de participantes e axudantes e o calendario do torneo.

QUE TEÑAMOS UN BO CAMPIONATO!

Entre os días 22, 23 e 24 de novembro celebrarase en Santiago de Compostela o XXV Congreso de ENCIGA (Asociación de Ensinantes de CIencia de GAlicia) que reunirá no IES Arzebispo Xelmirez I a profesorado de Matemáticas, Bioloxía, Xeoloxía, Física, Química e Tecnoloxía de ensinanza primaria, secundaria e universitaria de toda Galicia. 

O IES Mugardos estará presente neste evento dun xeito moi especial xa que serán rapaces e rapazas do centro, acompañados da profesora de matemáticas, Covadonga Rodríguez-Moldes, quenes presenten ao profesorado asistente ao congreso traballos que resultaron premiados no II Concurso Incubadora de Sondaxes e Experimentos. As comunicacións levan os títulos "Investigación de tamaños na ameixa babosa con alumnado de 3º de ESO" que  será exposta o xoves 22 ás 18:30)  e "O rectángulo de moda fala galego: O Rei Tángulo"  que terá lugar o venres 23 ás 16:30. Desexámollles moita sorte e que fagan un bo traballo.

Programa

Vinte e cinco adolescentes con interese polas matemáticas inician o proxecto Estalmat.

Os días 4 e 5 de xullo desprazouse a Valladolid a expedición do IES Mugados formada polos alumnos de 3º ESO  Blanca Frenández, Verónica González, Pablo Pérez, Sergio Vila e a titora do traballo gañador en Galicia do II Concurso Incubadora de Sondaxes na categoría de ESO, Covadonga Rodríguez-Moldes.

Tratábase de expoñer o traballo: "Un dilema para o consumidor: Cal é o mellor tamaño para mercar ameixas?" que  con outros cinco traballos doutras comunidades optarían ao premio que outorgaba a Sociedade Española de Estatística. A exposición de Blanca e Verónica foi moi boa e o traballo foi extraordinariamente recibido por todos os asistentes. Todo parecía indicar que podería ser o traballo gañador na categoría de ESO. Pero non foi así. O premio otorgouse ao equipo catalán polo traballo "Salida a la luz". 

En bacharelato, o traballo gañador foi o que presentraballo polo equipo de IES Fernando Wirtz de A Coruña liderado polo profesor Enrique Pujales. O excelente traballo titulábase "Existe o cine de autor?".

A expedición do IES Mugardos mostrouse algo decepcionada polo fallo do xurado pero moi feliz pola experiencia vivida.

Ademais das actividades programadas no PM, tamén se levaron a cabo proxectos de investigación para o  II Concurso Incubadora de Sondaxes que organiza a Sociedade Galega de Estatística (SGAPEIO). O pasado luns  os investigadores presentaron os traballos aos seus compañeiros do PM e o día 21 presentaranos aos demais compañeiros do centro.  Moita sorte no concurso!!

A decadencia dun mito estético.  "O rectángulo de moda fala galego" (O Rei Tángulo) (2º ESO) Mercedes Pereira Rodríguez Sara Vázquez Rumbo Rubén González Rodríguez Joâo Pedro Moreira Dos Santos
Unha investigación sobre nais e/ou pais fumadores e rendemento escolar no IES Mugardos (2º ESO)     Raquel Fernández Mesías, Tania García Varela Carla Vila Rañales Marta Pérez Rey
Unha investigación sobre tamaños na ameixa babosa.   Un dilema para o consumidor:  cal é o mellor tamaño para mercar ameixas?(3º ESO)   Pablo Pérez Rey Blanca Fernández Rodríguez Verónica González Regueiro Sergio Vila Plana

No mes de maio remataron as actividades do Programa de Mellora. As últimas sesións foron as seguintes:

Bioética a cargo de Ofelia Lubián e Mundo López quen despois dunha exposición teórica realizaron un debate co alumnado.

Alemán (2) dirixida por Olga Recio e Carmen Bernabeu na que o alumnado aprendeu os números os  saúdos e características deste idioma como que todos os sustantivos escríbense con maiúsculas ou que ten declinacións como en latín.

Obtención de enerxía que incluia unha visita a Reganosa do alumnado acompañado de familiares.

Para rematar unha sesión de presentación de traballos de investigación.

A semana pasada foron entregados na biblioteca os diplomas e premios do Opén Matemático que nesta edición estivo dedicado aos labirintos. No noso centro, como ben sendo habitual, acadou unha ampla representación pola que nos sentimos satisfeitos e queremos transmitir o agradecemento a todos e cada un dos participantes. En canto ás clasificacións, salientamos o magnífico resultado de Alejandra Díaz (1º BAC) e máis Miguel Pereira (1º ESO). Ata a vindeira edición.

Estas foron as tres últimas sesións do Programa de Mellora:

“Este muerto está muy vivo” a cargo de Rafael Lago, profesor de Latín e Begoña Allegue, profesora de Grego quenes achegaron aos rapaces moitas aventuras dos héroes mitolóxicos da cultura clásica. Os alumnos descubriron con sorpresa a orixe de moitos nomes que están presentes no seu arredor.

  "Qué comemos 2” impartida por Edmundo López, profesor de Bioloxía e Ofelia Lubián profesora de Filosofía. Unha sesión no laboratorio de Bioloxía que tiña como obxectivo descubrir aditivos en alimentos.

"Lectura expresiva", a sesión ideal a celebrar o día do libro. Mª Amada Pernas, profesora de Lingua Castelá, e Begoña Allegue, profesora de Grego e excelente lectora de textos prepararon unha sesión na que mostraron como coa voz e coa axuda de xestos pode transmitirse toda a expresividade dun texto, on so o contido senón tamén as emocións e intencións.

Existen rectángulos famosos, moi famosos. Algún deles é considerado o mellor proporcionado e, polo tanto, o máis fermoso, por artistas e sabios dende a antigüidade. Están presentes ao noso arredor pero ás veces non reparamos neles.

Un proxecto de investigación que levan a cabo catro rapaces de 2º de ESO pretende coñecer cal é o rectángulo que resulta ser o elixido entre a poboación de Mugardos pola súa beleza. 

Pedimos que vos unades a esta investigación facéndonos chegar a vosa preferencia, para iso dicídenos cal é o elixido por vós e ademais engadide o voso sexo e a primeira cifra da vosa idade.

GRAZAS. Ah!, non importa se non sodes de Mugardos.

No IES Mugardos estudou o bacharelato un artista, JOB SÁNCHEZ.  Agora pódese ver unha exposición súa na Galería Sargadelos, de Ferrol, e as críticas son estupendas como se pode ver no documento adxunto. A xenerosidade de Job permítenos gozar no noso centro con unha das súas obras que nola deixou para o proxecto Isto faino un neno (Como entender a arte contemporánea) de hai xa tres cursos. Noraboa, Job!!

O pasado xoves no noso instituto celebrouse a xornada de concentación do concurso OPEN MATEMÁTICO. Déronse cita vintecinco rapaces e rapazas de varios centros: IES Monelos, IES Mugardos e do Programa Estalmat Galicia. A proba resultou complicada pois  unha súbita indisposición dunha participante causou  preocupación nos asistentes - todo se resolveu satisfactoriamente-  e os problemas  resultaron moi complicados,  especialmente os dous últimos.

 Finalmente, o Open 2012 rematou e podemos achegar as clasificacións nas que aparecen alumnos e alumnas do IES Mugardos bastante ben colocados.

Noraboa a todos os participantes en especial a Gonzalo Cao, de Estalmat Galicia por ser gañador do Premio de Beleza.

Wie geht´s?. Da man de Olga Recio, profesora de francés e de Carmen Bernabéu, profesora de física e química, o alumnado do programa dixo as súas primeiras palabras en alemán. Non moitas, pero poideron coñecer características deste idioma e descubrir, por exemplo, o parecido que ten co inglés e como ten declinacións como o latín. Haberá unha segunda sesión que promete ser moi interesante. na imaxe a profesora Olga Recio nun momento da sesión.

Tschüss!