Información de interese

Desde o 20 de maio está aberto o prazo para solicitar as axudas para material escolar destinadas a alumnado matriculado en Primaria, ESO e Educación Especial en centros docentes sostidos con fondos públicos para o curso escolar 2023/24 (ao ser o IES Cabo Ortegal un centro Edixgal con libros de texto dixitais, non se solicitan axudas para libros de texto).

O prazo para a realización dos trámites necesarios finaliza  o 21 de xuño, este incluído. A presentación de solicitudes realizarase preferiblemente por vía electrónica a través do formulario normalizado accesible dende a sede electrónica da Xunta de Galicia. Tamén se poderán presentar as solicitudes de xeito presencial no centro educativo ou en calquera dos lugares e rexistros establecidos pola normativa reguladora do procedemento administrativo común cumprimentando o seguinte formulario: ANEXO SOLICITUDE e que deberá ser entregado na administración do centro. 

As convocatorias poden consultarse no Diario Oficial de Galicia e no Portal Educativo. 

Publicada a  ORDE do 27 de decembro de 2022 de modificación da Orde do 20 de maio de 2022 pola que se aproba o calendario escolar para o curso 2022/23 nos centros docentes sostidos con fondos públicos na Comunidade Autónoma de Galicia, na que se indica que a 3ª avaliación e a avaliación final de todos os niveis da ESO deben desenvolverse nas mesmas datas, polo que as sesións da 3ª avaliación e da avaliación final da ESO desenvolveranse conxuntamente a partir do día 22 de xuño.

Pódense consultar as principais directrices no seguinte enlace:

ADENDA PROGRAMACIÓNS DIDÁCTICAS

PRIMEIRA FASE DE RESERVA DE PRAZA EN CENTROS ADSCRITOS

O prazo de solicitudes para realizar a reserva de praza do alumnado que cursará estudos no IES Cabo Ortegal en 1º da ESO no curso académico 2023-2024 abrangue do 16 de xaneiro ao 6 de febreiro de 2023, ambos incluídos. 

Para poder realizar a reserva de praza deberase presentar presencialmente ou a través da aplicación admisionalumnado o formulario normalizado (ED550A) que se publica como anexo I da orde. Este formulario será facilitado gratuitamente nos correspondentes centros docentes e tamén estará dispoñible na sede electrónica da Xunta de Galicia. 

Tanto a presentación das solicitudes como a consulta das listaxes de admitidos, que se publicarán antes do día 28 de febreiro, deberán realizarse no centro no que está matriculado o alumnado no presente curso (CEIP Manuel Fraga Iribarne) ou a través da antedita aplicación. 

As rutas e os horarios do transporte escolar durante o curso 2022-2023 son:

FIGUEIROA - FIGUEIROA FONTE - A COVA - CERCA - FONTAO -CASAS NOVAS:

Entrada mañá 08:00-08:20 horas / Saída mañá 14:10-14:49 horas

Entrada tarde 15:10-15:50 horas / Saída tarde 17:50-18:29 horas

CABANÁN - FEÁS ESTEIRO - SISMUNDI - REBOREDO (2) - A ORTIGUEIRA:

Entrada mañá 07:55-08:20 horas / Saída mañá 14:10-14:35 horas

Entrada tarde 15:25-15:50 horas / Saída tarde 17:50-18:15 horas

CARIÑO DE ARRIBA - PEDRA CHANTADA - A COFRADÍA:

Entrada mañá 08:10-08:20 horas / Saída mañá 14:10-14:20 horas

Entrada tarde 15:40-15:50 horas / Saída tarde 17:50-18:00 horas

O curso académico 2021-2022 comezará para todo o alumnado o vindeiro mércores 15 de setembro no seu horario habitual a partir das 8:30 horas. Dedicaranse os primeiros minutos da primeira sesión para facer entrega ao alumnado do horario, das axendas e para recordar os aspectos máis importantes das Normas de Organización e Funcionamento, en especial todas aquelas relativas ás medidas de organización, de hixiene e de seguridade derivadas do Protocolo COVID do centro.

Seguiranse realizando entradas escalonadas:

• Entrada do alumnado transportado: Entre as 8:15h e as 8:25 h (PORTA TRASEIRA DE ACCESO ÁS PISTAS DEPORTIVAS).
• Entrada do alumnado de 1º, 2º e 3º da ESO: Antes das 8:25 h (PORTA PRINCIPAL).
• Entrada do alumnado de 4º da ESO, 1º e 2º de Bacharelato: Entre as 8:25h e as 8:30 h (PORTA ENFRONTE AO PAVILLÓN DEPORTIVO).
• Entrada do alumnado de Ciclo: Entre as 15:55h e as 16:00 h (PORTA PRINCIPAL).

Ao igual que tamén se continuará coas saídas escalonadas:

• Saída do alumnado de 1º da ESO: Ás 13:50 h (PORTA PRINCIPAL).
• Saída do alumnado de 2º da ESO: Ás 13:52 h (PORTA PRINCIPAL).
• Saída do alumnado de 3º da ESO: Ás 13:54 h (PORTA PRINCIPAL).
• Saída do alumnado de 4º da ESO: Ás 13:56 h (PORTA ENFRONTE AO PAVILLÓN DEPORTIVO).
• Saída do alumnado de 1º BAC: Ás 13:58 h ( (PORTA ENFRONTE AO PAVILLÓN DEPORTIVO).
• Saída do alumnado de 2º BAC: Ás 14:00 h ( (PORTA ENFRONTE AO PAVILLÓN DEPORTIVO).
• Saída do alumnado do CICLO: Ás 20:25 h (PORTA PRINCIPAL).

Agás as reunións coas familias do alumnado de 1º da ESO que terán lugar o martes 14 de setembro ás 17:00 horas, as reunións do resto de familias co profesorado titor prevense realizar algo máis adiante, posiblemente a finais de setembro ou principios de outubro.

Este ano 2021 homenaxeamos a Xela Arias, poeta, tradutora e profesora, sendo a quinta muller que recibe esta homenaxe nos 58 anos de existencia da celebración.

De acordo co establecido no Decreto 8/2015, do 8 de xaneiro, polo que se desenvolve a Lei 4/2011, do 30 de xuño, de convivencia e participación da comunidade educativa en materia de convivencia escolar, constituíuse o Consello para a Convivencia Escolar da Comunidade Autónoma de Galicia e aprobouse a Estratexia Galega de Convivencia Escolar 2015-2020: educonvives.gal.

No marco desta Estratexia realizáronse no 2015 e no 2019 as enquisas de diagnose que permitiron identificar os puntos fortes e febles na xestión da convivencia e na resolución de conflitos nos centros educativos.

Transcorrida esta etapa é necesario elaborar unha nova estratexia de convivencia para o período 2021-2025, polo que faise necesario a realización dunha nova enquisa de diagnose de convivencia.

A recollida de datos farase mediante unha ferramenta informática en liña, de xeito automatizado e totalmente anónimo. Cubrir o cuestionario estímase que leva uns 10-15 minutos.

Ao longo desta semana facilitarase  o código de acceso á recollida de datos, sendo a data límite para cubrir a enquisa o 29 de abril (incluído).

Nas seguintes ligazóns pódese acceder aos diferentes formularios para a recollida de datos de cada sector da comunidade educativa:

• FAMILIAS: https://www.edu.xunta.gal/convfamil
• ALUMNADO ESO: https://www.edu.xunta.gal/convobrig
• ALUMNADO BAC E CICLO: https://www.edu.xunta.gal/convpost
  
• PERSOAL NON DOCENTE: https://www.edu.xunta.gal/convpas
• PROFESORADO: https://www.edu.xunta.gal/convdoce

Agradecémoslle a súa colaboración e participación nesta recollida de datos.

Publicada a Orde do 6 de novembro de 2020 pola que se regulan os criterios e o procedemento de distribución de máscaras entre o alumnado matriculado en educación primaria, educación secundaria obrigatoria e educación especial en centros docentes públicos dependentes desta consellería e en centros privados concertados no curso 2020/21: ENLACE Á ORDE.

Para poder optar a esta axuda haberá que presentar na administración do centro educativo o ANEXO I de solicitude cuberto e que se pode descargar dende o seguinte enlace: ANEXO I

• Non ten que presentar solicitude o alumnado que foi beneficiario da axuda de material escolar no curso 2020-2021, é dicir, aquelas familias á que se lles entregou o cheque para material escolar non é necesario que fagan ningún trámite pois xa estarían admitidos.
• Si terían que presentar solicitude aquelas familias que non están no caso anterior e que ademais cumpran algún deste requisitos: Familia cunha renda per cápita igual ou inferior a 6.000 € - Alumnado matriculado en educación especial - Alumnado suxeito a tutela ou garda da Xunta de Galicia - Alumnado cun grao de discapacidade igual ou superior ao 65%.

PRAZO DE PRESENTACIÓN: do 16 ao 27 de novembro de 2020.