Información de interese

Nos seguintes enlaces aparecen a relación dos libros de texto de Bacharelato para o vindeiro curso académico. Os libros que non figuren nas diferentes listas non haberá que compralos.

• 1º de Bacharelato
  
• 2º de Bacharelato

No caso dos libros de 3º da ESO non será necesario comprar ningún libro, xa que o centro dispón de libros suficientes para repartir a todo alumnado.

No caso dos libros de 4º da ESO non será necesario comprar ningún libro, xa que o centro dispón de libros suficientes para repartir a todo alumnado.

Recordar tamén que o IES é centro Edixgal, polo que tanto en 1º da ESO como en 2º da ESO, os libros serán dixitais e non se necesitará comprar ningún. Calquera libro que o profesorado destes cursos utilice como apoio será facilitado polo centro.

O alumnado de 1º ESO terá que comprar o libro de actividades de Educación Plástica, xa que nel ser farán os distintos exercicios do curso. No seguinte enlace figura o ISBN de dito libro:

• Libro de actividades

No seguinte enlace pódese consultar o calendario definitivo da Avaliación de Bacharelato para o Acceso á Universidade deste curso 2016/2017: CALENDARIO.

Para máis información a cerca da proba recoméndase consultar a páxina da CiUG.

O pasado xoves 1 de decembro o alumnado de 1º de Bacharelato do IES Cabo Ortegal realizou una ruta xeolóxica por Loiba, guiada por Francisco Canosa e organizada pola biblioteca do centro. Colaboraron na organización da viaxe didáctica os departamentos de Educación Física e Bioloxía.

O pasado 16 de novembro celebramos, como xa vén sendo habitual nos últimos anos, o Magosto no IES Cabo Ortegal. Houbo degustación de castañas, xogos populares e actividades deportivas.

Tendo en conta o Decreto 92/1988, do 28 de abril modificado polo Decreto 279/1990, do 27 de abril e a resolución do 26 de setembro de 2016 (DOG do 4 de outubro) pola que se establece o calendario para a realización de eleccións de membros do Consello Escolar, o martes 8 de novembro constituíuse a Xunta Electoral que regula o proceso de eleccións para a renovación parcial do Consello Escolar 2016, quedando aprobado o calendario do mesmo.

O prazo de presentación de candidaturas está aberto dende o mércores 9 de novembro ata as 14:00 horas do xoves 17 de novembro, quedando proclamadas as diferentes candidaturas o venres 18 de novembro ás 12:20 horas.

No seguinte enlace pódese consultar o calendario electoral: CALENDARIO.

O luns 17 de maio vense de publicar a ORDE do 27 de abril de 2016 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2016/17.

Para poder optar ás axudas será necesario devolver os libros de texto e o material reutilizable adquirido coas axudas para libros de texto ou recibido do fondo solidario no curso 2015/16.

Os libros correspondentes ao curso 2015/2016 deberanse devolver con data límite do 23 de xuño, agás o alumnado con algunha materia pendente que poderá quedarse co libro correspondente ata que se examine en setembro.

Compre destacar que:

• Ao Fondo solidario de libros (alumnado que se vaia a matricular en 1º e 3º da ESO o próximo curso) poderá optar calquera familia independentemente da renda.

• Ás axudas para adquirir libros de texto (alumnado que se vaia a matricular en 2º e 4º da ESO o próximo curso) poderán optar aquelas familias con rendas per cápita iguais ou inferiores a 9000€.
  

• Ás axudas para adquirir material escolar (alumnado que se vaia a matricular en calquera dos cursos da ESO o próximo curso) poderán optar aquelas familias con rendas per cápita iguais ou inferiores a 5400€.

O prazo remata o 23 de xuño. Excepcionalmente, para aquel alumnado que repita 4º de ESO que non tivese presentado solicitude de axuda para adquirir libros de texto e material escolar no prazo indicado, poderá presentala no prazo dun mes desde a formalización da matrícula. 

As solicitudes faranas os pais/nais ou titores/as legais do alumnado cubrindo o ANEXO I da convocatoria que entregarán na administración do centro, sendo este o encargado de tramitar as solicitudes a través das distintas aplicacións.

O citado ANEXO I pódese solicitar na administración do IES Cabo Ortegal ou ben descargalo dende o seguinte enlace: ANEXO I.

Xunto co ANEXO I deberase entregar:

• Unha copia do libro de familia no que figuren os membros computables da unidade familiar.
• Copia dos DNI (NON É NECESARIO se autoriza a consulta telemática)
• Copia da declaración da renda do exercicio 2014 (NON É NECESARIO se autoriza a consulta telemática).
• De selo caso, copia de sentenza xudicial de separación ou divorcio, certificado de discapacidade

Pódese acceder a todo o relativo á ORDE no seguinte enlace: ORDE axudas libros e material escolar.

O pasado día 10 de novembro publicouse no DOG una nova ORDE pola que se convocan axudas para a adquisición de material escolar destinadas ao alumnado matriculado en educación primaria, educación secundaria obrigatoria ou educación especial en centros sostidos con fondos públicos para o curso escolar 2015/16.

Esta nova convocatoria vai dirixida a todas aquelas familias que non se puideron acoller ás axudas reguladas pola Orde do 25 de agosto de 2015, e a aquelas que, tendo solicitada a dita axuda, resultasen excluídas por unha causa emendable. Non poderá solicitar novamente esta axuda o alumnado que se acollese ás axudas para a adquisición de material escolar reguladas pola Orde do 25 de agosto de 2015 e reunise os requisitos establecidos nela, por ser válida a anterior solicitude.

O prazo para presentar as solicitudes é de 10 días hábiles contados a partir do día seguinte ao da publicación desta orde no Diario Oficial de Galicia (do 11 de novembro ao 21 de novembro).

No seguinte enlace pódese consultar a ORDE.

Nesta sección podedes atopar información de interese para os pais/nais/titores legais do alumnado co centro:

• Os horarios e profesorado dos grupos que ten o centro

• As horas de atención a pais/nais/titores legais que ten asignado o profesorado
  

• Información sobre as titorias de cada grupo