Skip to Content

Intercambio de estudios co Lycée Germaine Tillion de Montbéliard

Un grupo de 14 das nosas almunas e alumnos de francés de 3º da ESO están a realizar durante estes días un intercambio de estudios co Lycée Germaine Tillion de Montbéliard, no noreste de Francia. Alí son acollidos por familias locais cuxos fillos nos visitarán en Compostela o próximo mes de maio.
Ademais de participar nas aulas e tarefas organizadas polo centro receptor os nosos alumnos están a realizar diversas actividades que lles axudan a comprender a realidade social e cultural do lugar; unha delas foi a visita ao Museo Peugeot, unha das referenciais industriais da rexión do Franco Condado. Tamén puideron visitar a cidade de Besançon, cuxa ciudadela alberga entre outros a o Museo da Resistencia e da Deportación, espazo sobre o que os alumnos teñen que traballar nas clases de francés e de historia.
A viaxe tiña reservada unha sorpresa, a coincidencia co inicio da xira das Tanxugueiras, que arrancou precisamente no Teatro de Montbéliard, concerto ao cal amablemente nos invitou o Liceo Germaine Tillion, e no que dúas das nosas alumnas se converteron en protagonistas ao ser convidadas por Aida, Olaia e Sabela a subir a bailar ao escenario. Despois puidemos falar con elas e sacarnos algunhas fotos.
A piques xa de rematar esta viaxe, que forma parte do programa EduExchanges da Xunta de Galicia, queremos agradecer a colaboración constante das familias das nosas alumnas e alumnos, e por suposto a xenerosidade das familias anfitrioas e do centro receptor, en especial a Charléne, profesora de español que tanto nos facilita as cousas.

Visita a Cerámicas do Castro e ao Museo Carlos Maside

Alumnado de Plástica e Deseño de 4º da ESO e 2º BAC visitaron Cerámicas do Castro e o Museo Carlos Maside, lugares onde puideron descubrir a figura de Isaac Díaz Pardo, un dos grandes artistas, creadores e intelectuais da cultura galega, ademais doutros construtores da nosa identidade colectiva.

 

Visita do alumnado da Nadderud Videregående Skole, Oslo

Alumnas e alumnos da Nadderud Videregående Skole realizaron unha mobilidade Erasmus + en Galicia, visitando o IES Arcebispo Xelmírez I, onde tiveron a oportunidade de compartir cos nosos algúns dos seus costumes e hábitos máis arraigados. Moitas grazas ás profesoras Esther Spøtvold e Lisa Vikane polas sinerxias continuas que xeran co noso centro.

O Grupo Vocal do Xelmírez I participou no V Encontro de Coros Escolares

O Grupo Vocal do Xelmírez I participou no V Encontro de Coros Escolares organizado polo IES Alfonso X de Cambre e celebrado no Auditorio do Conservatorio de Música  Profesional da Coruña; xunto aos nosos participaron tamén unha representación do IES María Casares de Oleiros, do IES Salvador de Madariaga da Coruña e o IES Ortigueira.

O Grupo Solidario do IES Arcebispo Xelmírez I colabora co Banco de Alimentos

 
  
A pasada fin de semana o Grupo Solidario do IES Arcebispo Xelmírez I colaborou na recollida de alimentos do Banco de Alimentos. Fixeron varias quendas nos supermercados Eroski da Sionlla e de Volta do Castro. A súa labor consistía en animar aos clientes de ditos supermercados a colaborar, informar dos produtos mais necesarios, organizar e colocar nas caixas as doazóns.
 
Esta actividade é moi motivadora e satisfactoria para o Grupo Solidario, levamos moitos anos colaborando co Banco de Alimentos nas diferentes recollidas que fan durante o curso, pois consideramos a necesaria e gran labor que fan repartindo alimentos a moitas familias e asociacións da nosa cidade e a sua contorna que están a pasar moitas dificultades nestes momentos.
 

Visita á exposición Fan & Fiction de Helmut Newton

O noso alumnado de Video DiscJockey e Son desprazouse á Fundación Marta Ortega, na Coruña, para visitar a exposición Fan & Fiction de Helmut Newton. Ademais da preceptiva visita guiada, tiveron a oportunidade de realizar un obradoiro baseado nalgúns dos conceptos deste mestre da fotografía de moda.

O equipo do Xelmírez gaña o Torneo Quantum Chess celebrado na Facultade de Física

O equipo do IES Arcebispo Xelmírez I, integrado por Lucas Fernández Escolante (2º ESO); Nicolás Lojo Besada (3º ESO); Manuel López García, Arturo Piñeiro Acevedo e Miguel Palacios González (1º BAC), resultou gañador do I Torneo Quantum Chess celebrado na Facultade de Física.

Neste torneo, promovido polo Centro de Supercomputación de Galicia (CESGA), o Instituto Galego de Física de Altas Enerxías (IGFAE) e a USC, participaron estudantes de centros públicos de ensino secundario de Santiago de Compostela.

Parabéns mozos, moitas grazas polo voso talento, compromiso e implicación.

Intercambio coa escola Nadderud VGS de Oslo

Ane, Betaniya, Eline e Sofie pasaron as tres últimas semanas na nosa cidade visitando a diario o IES Arcebispo Xelmírez I grazas a un intercambio entre o noso centro e a escola Nadderud VGS de Oslo. Candela, Enrique, Lara, Vera e as súas familias exerceron como anfitrións destas rapazas norueguesas que deixaron pegada do seu paso polas nosas aulas. Non é unha despedida, é un até pronto.

Admisión do alumnado para o curso 2024-25

De seguido, ofrécese información e documentación relativa á admisión do alumnado no IES Arcebispo Xelmírez I, para o curso 2024-25:

  1. Prazas vacantes
  2. Prazos de admisión
  3. Baremo de admisión
  4. Criterio complementario do centro
  5. Renda anual per cápita da unidade familiar - IPREM 2022

O decálogo de bo uso da biblioteca en vídeo

Un vídeo elaborado pola profesora María José Nieto Calviño explica dun xeito divertido o decálogo de bo uso da biblioteca.

 

Distribuir contido


by Dr. Radut