Unha das cousas que máis medo lle da aos nenos que chegan novos á nosa escola (e ás familias tamén para que negalo) é a volta a casa no autobús escolar. No CEP Carlos Casares temos todo previsto e para que vaian máis tranquilos o alumnado de sexto nivel, que xa son expertos, acompañanos os primeiros días para ensinarlles cal é a parada na que teñen que baixar. 

Este curso aproveitamos o obradoiro de cociña para practicar o inglés. A mestra Belén ensinounos a facer unha deliciosa sobremesa. Ademais de practicar a lingua inglesa, tamén traballamos contidos propios das matemáticas: masas, volumes, tempos, capacidade, temperatura. Ata tivemos que desafiar algunha lei física: como escachar un ovo sen tirar con todo, nin romper nada?.

Mesmo practicamos o ritmo fóra das clases de música... Quen dixo que bater ovos fora doado?