Documentos de interese
AXUDAS PARA ALUMNADO CON NECESIDADE ESPECÍFICA DE APOIO EDUCATIVO
Convócanse, para o curso 2024-2025, axudas individualizadas para alumnado con Necesidade Específica de Apoio Educativo.
Asociada a discapacidade, trastornos graves de conduta ou trastornos graves da comunicación e da linguaxe, incluíndo ao alumnado con TDAH (Trastorno por déficit de atención por hiperactividade) o alumnado con TEA (Trastorno do espectro autista). Así como axudas para programas específicos complementarios á educación regrada para alumnado con necesidade específica de apoio educativo asociado a altas capacidades intelectuais.
>> Prazo de presentación de solicitudes: desde o día 30 de abril de 2024 ata o día 13 de setembro de 2024.
>> Publicación no BOE: https://www.boe.es/diario_boe/txt.php?id=BOE-B-2024-14197
>> Acceso á solicitude on line: https://www.educacionfpydeportes.gob.es/servicios-al-ciudadano/catalogo/general/05/050140/ficha/050140-2024.html
>> Como solicitala: https://www.becaseducacion.gob.es/becas-y-ayudas/ayudas-apoyo-educativo/como-solicitarla.html
CARREIRA SOLIDARIA "VALES VILLAMARÍN" 2024
O VINDEIRO VENRES 10 DE MAIO CELEBRAREMOS A CARREIRA SOLIDARIA DESTE ANO, ONDE TODA A COMUNIDADE EDUCATIVA DE BETANZOS ESTÁ INVITADA (ALUMNADO, FAMILIAS E TRABALLADORES DOS DISTINTOS CENTROS). TODA A INFORMACIÓN DA MESMA NO ARQUIVO ADXUNTO (PREMA NA IMAXE).
INVITACIÓN Á PROMOCIÓN QUE REMATOU EN 2020
Todo o alumnado da promoción 2011-2020 interesado en participar na festa de despedida o venres 21 de xuño de 2024 no noso colexio anotádevos PREMENDO NA IMAXE ou a través deste enlace.
https://docs.google.com/forms/d/1qhKYE9tQa7K03kBAUbXxnZeEQrPtWYLOOmkofZGb5Cs/edit?pli=1
Data límite 31 de maio.
WATER-POLO
Esta semana, o alumnado de 4º, 5º e 6º de E. Primaria do centro asistiu a unha sesión de wáter-polo impartida por un entrenador profesional deste deporte. Esta é unha actividade promocionada polo Concello de Betanzos para ver a acollida que ten no noso alumnado con vistas a realizar a actividade nun futuro próximo. Para isto, necesitan que cubran a breve enquisa que leva o díptico que levaron para a casa (tamén poden descargala PREMENDO NA IMAXE) e lla entreguen ao profesorado de Educación Física.
XORNADA DE PORTAS ABERTAS PARA AS FAMILIAS DO NOVO ALUMNADO
As familias do novo alumnado do CEIP Francisco Vales Villamarín para o curso 2024/2025 que naceron no ano 2021 e non coñezan o colexio, poden pasar a visitar o edificio de infantil o próximo martes, día 27 de febreiro de 2024, ás 16:30 h., e recibir información sobre o colexio e a etapa educativa que van comezar.
MANDADOS DO MECO
"Pinchando" na imaxe, poden acceder a un PDF cos MANDADOS DO MECO para cada día da semana.
DESFILE DE ENTROIDO
O vindeiro VENRES, 9 DE FEBREIRO, celebraremos o ENTROIDO no parque do Pasatempo. O alumnado sairá do centro a partir das 10:30 h. e o desfile dará comezo ás 11:00 h.
Na entrada ao Pasatempo, o alumnado realizará un pequeno e breve desfile que consistirá en dar unha volta ao patio central do parque e se colocará na súa zona.
A orde de entrada será: 6º / 5º / 4º / 3º / 2º / 1º de Educación Primaria – 6º / 5º / 4º de Educación Infantil.
Ao finalizar, volverán a saír na mesma orde.
As familias que queiran presencialo terán que colocarse nas gradas do parque. Se non é posible por falta de mobilidade poderán situarse detrás das cintas de balizaxe nos laterais do recinto.
BONO DEPORTE XUNTA
A Xunta de Galicia lanzou unha campaña anunciando un "bonodeporte" para nenos e nenas de 6 a 16 anos que estén federados nalgún deporte ou dentro do programa escolar Xogade (como é o caso dalgún alumnado do noso centro, que recibirá, a través dunha mensaxe abalar, o identificador correspondente para poder solicitalo). Os bonos poden solicitarse dende o luns día 8 de Xaneiro. Teñen toda a información na páxina web: bonodeporte.gal
