Desde o vindeiro martes día 1 e ata o 21 de marzo permanecerá aberto o prazo de solicitude de admisión para o vindeiro curso 2022/23, para todo o alumnado que entra por primeira vez no sistema educativo (maioritariamente en 4º curso de Educación Infantil), así como para o alumnado de Educación Infantil e Educación Primaria  que desexa cambiar de centro escolar sempre que haxa prazas dispoñibles.

Poden realizar as súas consultas no teléfono 881880237 ou no correo electrónico ceip.vales.villamarin@edu.xunta.gal

Se vai realizar os trámites presencialmente, deberá solicitar unha cita no mesmo teléfono ou correo electrónico.

Publicación das listaxes provisionais de alumnado admitido: 25 de abril.

Publicación das listaxes definitivas de alumnado admitido: 15 de maio.

Formalización da matrícula: do 20 ao 30 de xuño.

INFORMACIÓN

Información admisión alumnado

Calendario procedemento de admisión

Áreas de Influencia

Postos escolares vacantes

Tríptico PEC (Proxecto Educativo de Centro)

Decreto 13/2022

Orde do 12 de marzo de 2013

IMPRESOS

Solicitude de admisión

Documento de autorización de matrícula

Solicitude de transporte normal (domicilio a máis de 2 km)

Solicitude de transporte excepcional

A comunicación conxunta das Consellerías de Sanidade e Educación sobre a xestión de contactos estreitos covid-19 no ámbito educativo (04/03/2022) sinala que NON se realizará identificación dos contactos estreitos e serán os propios casos os que deben informar aos seus contactos estreitos do diagnóstico de COVID para que extremen as medidas de prevención.

Data implantación en Galicia: luns 7 de marzo de 2022

Actuación ante contactos estreitos identificados antes da implantación deste acordo: suspenderanse as medidas de corentena/vixilancia indicadas previamente e pasaran a aplicarse as medidas recollidas neste documento.

Pode acceder á información completa no seguinte enlace:

https://www.edu.xunta.gal/portal/node/36419

Desde o vindeiro martes día 1 e ata o 21 de marzo permanecerá aberto o prazo de solicitude de admisión nos centros escolares para o vindeiro curso 2022/23, para todo o alumnado que entra por primeira vez no sistema educativo (maioritariamente en 4º curso de Educación Infantil), así como para aqueles alumnos de Educación Infantil, Educación Primaria, ESO e Bacharelato que desexan cambiar de centro escolar sempre que haxa prazas dispoñibles.

Unha vez pechado o prazo de solicitudes, as listas provisionais de admitidos e excluídos publicaranse antes do día 25 de abril, as definitivas antes do 15 de maio e os prazos de formalización de matrícula serán do 20 ao 30 de xuño para os alumnos de Infantil e Primaria e do 25 de xuño ao 10 de xullo para os de ESO e Bacharelato.

Cómpre lembrar que a Consellería de Educación pon á disposición das familias unha ferramenta informática, a aplicación admisionalumnado, que posibilita que os proxenitores cubran a solicitude na aplicación, marquen os criterios do baremo que, chegado o caso, queiran que se lles valoren, e poidan presentala de forma presencial no centro, ou por vía electrónica a través da propia aplicación.

Deste xeito, garántese o dereito da cidadanía ao acceso electrónico aos servizos públicos, mantendo tamén a posibilidade de presentar esta solicitude de forma presencial.

Ademais, as familias poderán consultar o estado de tramitación da solicitude nas distintas fases do procedemento utilizando o código que xera a aplicación ao cumprimentar a solicitude, xunto co DNI do proxenitor ou proxenitora asinante.

Tal como quedou establecido no sorteo público que tivo lugar hoxe mércores na Consellería, en caso de empate de puntos para unha mesma praza, as letras de prioridade establecidas neste sorteo foron “V” e “U” para o primeiro apelido e “A” e “Z” para o segundo.

1. Protocolo de vixilancia e control epidemiolóxico fronte ao virus SARS-CoV-2 (COIVD-19) no ámbito educativo non universitario de Galicia.

2. Protoclo para a detección de infección polo SARS-Cov-2 con test rápido de antíxeno en saliva en centros de Educación Primaria.

3. PREGUNTAS FRECUENTES sobre a adaptación das medidas de prevención da COVID-19 en centros educativos.

Cando a Central de Seguimento de Contactos confirme algún caso positivo de COVID-19 nunha clase de PRIMARIA, E SE CONSIDERE NECESARIO, ofreceráselles aos posibles contactos estreitos a posibilidade de realizar VOLUNTARIAMENTE, NA SÚA CASA, un test rápido de antíxeno en saliva.

terán que cumprir 3 requisitos:

• Non atoparse en situación de illamento por ser caso confirmado de COVID-19.

• Non atoparse en situación de corentena por ser contacto estreito dun caso confirmado.

• Non ter padecido COVID-19 nos 3 meses previos. 

Pode consultar a información sobre a utilización do test, PREMENDO NA IMAXE. Tamén está no propio envase do test.

O Concello de Betanzos publicou a ordenanza reguladora do prezo público do servizo de comedor e mañanceiros, cos prezos actualizados e o regulamento do funcionamento deste servizos; para información das nais e pais das nenas e dos nenos usuarios deste servizo; previo a aprobación polo Pleno da Corporación para a súa aplicación. 

1. Ordenanza reguladora do prezo.

2. Regulamento.

Segundo a Orde do 12 de marzo de 2013 e posteriores modificacións sobre o procedemento de admisión nos centros docentes:

·        O alumnado de 6º de Primariado noso colexio ten prioridade para a admisión no IES Francisco Aguiar ao que estamos adscritos.

·        Se desexa continuar os seus estudos no citado instituto deberá presentar a solicitude (ANEXO I) no CEIP Francisco Vales Villamarín.

·        O prazo para facer a reserva é do 11 de xaneiro ao 8 de febrero.

·       O CEIP Francisco Vales Villamarín remitirá ao IES Francisco Aguiar as solicitudes de reserva de praza do alumnado que faga uso da prioridade de admisión como centro adscrito.

·       O alumnado que desexe continuar os seus estudos NOUTRO CENTRO DIFERENTE ao IES Francisco Aguiar, NON TEN QUE PRESENTAR O ANEXO I e deberá presentar a súa solicitude de admisión (ANEXO II) no centro escollido entre o 1 e o 20 de marzo.

·       O alumnado admitido no IES Francisco Aguiar e nos outros centros escollidos deberá formalizar a matrícula nos citados centros entre o 25 de xuño e o 10 de xullo.

1. Solicitude (ANEXO I)

2. Información para as familias

Vai comezar o reparto de máscaras entre o alumnado de E. Primaria que ten dereito segundo a Orde do 28 de outubro de 2021, publicada no DOG do 12-11-2021.

É necesario pedir cita en Secretaría e terá que recollelas a persoa que solicitou a axuda (de material ou de máscaras) ou autorizar a outra persoa.

O Concello de Betanzos pon en marcha o Campamento de Nadal "Betanzos Concilia".

O prazo de inscrición comeza este venres 3, e finaliza o luns 13 (ambos incluidos). 

As bases do campamento e demais información relevante estará operativa a partir do venres 3, na web municipal e na sede electrónica.

Para realizar as solicitudes de inscrición, o mecanismo é facelo a través da sede electrónica https://sede.betanzos.gal/

As persoas que acrediten que non contan cos medios técnicos necesarios, poden poñerse en contacto cos Servizos Sociais no teléfono 981.77.07.07.

Pode acceder a toda a información no seguinte enlace:

https://novas.betanzos.es/o-concello-de-betanzos-pon-en-marcha-o-campamento-de-nadal-betanzos-concilia/

A medida “Posto educativo no fogar” forma parte do programa “Educa en Dixital Galicia”. Esta medida facilita un equipo informático (portátil) e un servizo de conectividade asociado proporcionado a través dun router MiFi. Según os datos TIC recollidos na enquisa, comunicarase as familias dende as titorías a posibilidade de acceder a este equipamento seguindo os seguintes criterios:

1. Non dispoñer de conectividade por fibra/adsl no fogar.

2. A orde de comunicación comenzará dende os cursos superiores cara os inferiores (O alumnado de cursos E-dixgal empregará os recursos “offline” da maqueta ABALAR, só se atenderán circunstancias excepcionais sobrevidas).

3. Nº de equipos dispoñibles no fogar.

4. Nº de irmáns no Centro

Consideracións:

O reparto realizarase en orde ata chegar a finalizar os kits dispoñibles.

A entrega realizarase mediante a formalización dun acordo temporal de cesión coa familia.

O préstamo non poderá exceder o tempo de duración do curso académico. Así mesmo, o centro tamén poderá solicitar a devolución no caso de que cambien as circunstancias que motivaron a necesidade do préstamo.