No edificio Arquivo (Liceo), do 6 ao 28 de xuño, permanecerá aberta ao público a Exposición do 50º Aniversario do CEIP Francisco Vales Villamarín.

O horario de visitas é:

De martes a venres: de 10:00 a 14:00 e de 19:00 a 21:00.

Sábados: de 11:30 a 14:00 e de 19:00 a 21:00.

Dentro do Proxecto Documental Integrado estamos a aprender un montón de cousas sobre os distintos países. Aquí vos deixamos unha mostra dos receitarios dagúns dos países que estamos a traballar, por se queredes probar algún novo prato!

Premede nas portadas!

O prazo para presentar as solicitudes será do 20 de maio ao 21 de xuño.

Para ver o resumo da información, prema AQUÍ.

Para consultar a Orde do DOG, prema AQUÍ.

Se quere descargar o modelo de solicitude, prema AQUÍ.

Os nenos e as nenas "maiores" de Infantil visitaron o cole de Coirós para coñecer aos seus futuros compañeiros e compañeiras en Primaria. Pasárono xenial!

CLICADE NA IMAXE!

MIRADE COMO O CELEBRARON EN INFANTIL!

VISITADE O BLOG DE MERO!

Esta información vai dirixida ás familias do alumnado de 6º de primaria do CEIP Vales Villamarín, que durante este curso 2022/23 foron socias da Anpa Brigantium e que para o vindeiro curso, teñen pensado seguir estudando no IES Francisco Aguiar.

A Anpa O Carregal (Anpa do IES Francisco Aguiar) xestiona un Banco de libros propio, se estades interesados en participar no mesmo para o curso 2023/24 deberedes facer o seguinte:

• Cubrir a ficha de inscrición que atoparedes no seguinte enlace da nosa páxina web Asóciate | Anpa O Carregal (sistemas6871.wixsite.com) (é moi importante que cubrades os datos do correo electrónico e do teléfono porque será a forma de comunicarnos con vos)
• Ter pagada a cota de socia da Anpa Brigantium do curso 2022/23.
• Facer o pago da Anpa O Carregal para o curso 2023/24.
• Enviar a ficha de inscrición cuberta e os 2 xustificantes de pago por correo electrónico a info@anpaocarregal.org antes do 9 de xullo do 2023.

Despois dese día debedes estar atentos/as porque PRONTO vos enviaremos a ficha para que solicitedes os libros que precisedes, xa que o reparto dos mesmos farase a finais de xullo.  

Para calquera dúbida, podedes poñervos en contacto con nós a través do mesmo correo electrónico ou do teléfono 604 03 98 67.

Os nenos e nenas de 4ºC estiveron a investigar sobre as Comunidades Autónomas para preparar unhas vacacións por España. Imos con eles de viaxe?

PREMEDE NA IMAXE!

A rapazada de 2º, 4º e 6º de Primaria asistiu a varias xornadas de Educación Viaria. As sesións foron impartidas pola Policía Local de Betanzos. As primeiras xornadas consistiron en clases "teóricas" e as segundas sesións foron prácticas, onde as nenas e os nenos demostraron todo o que aprenderan. Botádelle unha ollada ao vídeo!

O Servizo de Comedor Escolar do CEIP Francisco Vales Villamarín  acaba de pasar unha auditoría interna cunha puntuación de sobresaliente (97,79 sobre 100) o que o sitúa na parte máis alta da clasificación en comedores escolares ( comedor azul).

PARABÉNS

Dentro da programación das Letras Galegas, os nenos e as nenas de 1º de Primaria asistiron a un contacontos da man de Caxoto, da compañía A Trastenda dos Contos, para coñececer un pouco máis a vida e a obra de Francisco Fernández del Riego.