3º e 4º.

CLUB DE LECTURA CON ÁNXELA LOUREIRO

O venres 4 de xuño as alumnas e alumnos de cuarto de Primaria participamos dun club de lectura con Ánxela Loureiro. Trátase da autora de, entre outros libros, o que leva por título "Choiva de ras". Desfrutamos moito coa súa lectura e máis aínda coa posibilidade de compartir con ela este momento.

Resultounos emocionante descubrir como foi a creación do relato baseado na aventura levada a cabo por RaMona e moi interesante saber cales foron as fontes inspiradoras da autora.

Non deixedes de ler esta trepidante aventura.

 

CLUB DE LECTURA. UNA TERRIBLE PALABRA DE NUEVE LETRAS.

O mércores 28 de abril as alumnas e alumnos de cuarto de Primaria participamos dun club de lectura con Pedro Mañas. Trátase do autor de, entre os libros, o que leva por título "Una terrible palabra de nueve letras". Desfrutamos moito coa súa lectura e máis aínda coa posibilidade de compartir con el este momento.

Resultounos moi útil todo o que nos comentou durante a sesión e abofé que tomamos nota dos seus consellos.

Deixámosvos esta montaxe que resume a actividade, non deixedes de botarlle un ollo.

 

FERVENZA DE RÍO PEQUENO

O martes 16 de marzo as alumnas e alumnos de cuarto de Primaria fixemos unha visita á Fervenza de Río Pequeno. Foi unha andaina de preto de 8 km de ida e volta mais pagou a pena. Alí nos atopamos cun espazo natural precioso que cómpre coidar e respectar. Serviunos para traballar os diferentes cursos dun río e todo o relacionado co tema.

Animámosvos a seguir respectando estes espazos naturais que temos na nosa contorna. Xa que desfrutamos deles cando os visitamos debemos mantelos para que outras persoas poidan ter as mesmas sensacións. E sobre todo descubrimos que son espazos vivos, poboados por diferenes especies que precisan deles para sobrevivir.

Axudádenos a coidalos.

 

 

 

SABER O MAR

O martes 23 de febreiro as alumnas e alumnos de cuarto de Primaria asistimos a un Obradoiro organizado polo Museo do Pobo Galego. Foi impartido por Jose Valtierra e nel puidemos coñecer de primeira man todo o relacionado coa cultura tradicional mariñeira galega. Temos o mar tan preto e cantas cousas descoñecemos!.

Embarcacións como a Dorna, animaliños como a Broma, como se protexían e protexían as súas embarcacións, que función tiña cada quen no barco, como facían un uso responsable dos recursos, técnicas de pesca sustentables e unha morea de vocabulario relacionado co mar foron algunha das cousas máis destacadas da exposición. Para rematar puidemos visitar de xeito virtual a aula do Museo do Pobo Galego na que están representados todos estes oficios, moitas grazas a Carme polo seu acompañamento.

Que afortunadas e afortunados nos sentimos.

Aquí vos poñemos unha montaxe con algunhas das cousas que fixemos. Agardamos que vos gusten.

 

REFORESTACIÓN EN SAN CIBRÁN

O martes 9 de marzo as alumnas e alumnos de cuarto de primaria achegámonos ao merendeiro de San Cibrán para participar dunha actividade de reforestación. Coa colaboración da Comunidade de Montes de Donas puxemos o noso gran de area na labor de conseguir un entorno máis sostible.

Plantamos carballos, acivros, sobreiras, rascacús,... unha morea de árbores autóctonas que axudarán a mellorar unha estupenda área de lecer.

Queremos agradecer moitísimo a dispoñibilidade de Andrea, Lola e Marga que sempre se amosan voluntarias a colaborar conosco nesta tarefa, que alegría atopar a persoas tan preocupadas polo benestar xeral.

 

AGRADECEMENTO Á Dra. SONIA VILLAPOL SALGADO

Logo do desenvolvemento da charla impartida pola Dra. Sonia Villapol Salgado recibimos moitos parabéns e mostras de agradecemento. Supoñía un reto tratar de recoller en poucas palabras todo o que nos foi chegando, polo que decidimos facer a montaxe de vídeo que a continuación vos presentamos. Sen dúbida non están todas as que son mais son ben sentidas todas as que están e son un reflexo da nosa gratitude.

 

 

IMOS ACABAR CO CORONAVIRUS!

Houston, Houston!! Temos unha morea de dúbidas!

  • Que impacto ten a acción do ser humano na aparición das pandemias?
  • Que é a zoonose?
  • Que perigos supón estes virus?
  • Que medidas de prevención debemos adoptar para defendernos do coronavirus?
  • Que efectos provoda o virus a curto e medio prazo?
  • Cando veremos a efectividade das vacinas?
  • Que é a neurociencia?

E quen nos responde a todas estas preguntas? As preguntas respóndenolas a Ciencia. E que é a Ciencia? A Ciencia é unha muller de Bretoña, a Ciencia é Sonia Villapol Salgado.

Sonia Villapol é Profesora e Investigadora Principal no Instituto de Investigación do Hospital Metodista, en Houston (o maior centro médico do mundo). E ao mesmo tempo é Profesora de Neurociencias na Universidade de Cornell en Nova Iorke. 

O venres 18 de decembro estivo connosco Sonia Villapol a través dunha conferencia que compartimos en directo na nosa canle de YouTube  .

Participamos nesta charla alumnas e alumnos do CEIP Rosalía de Castro de Bóveda (Lugo) e do CEIP Plurilingüe Souto Donas (Gondomar).

Premendo na seguinte imaxe accedes á visualización do vídeo promocional da charla.

 

A BUSCA DA SABEDORÍA

As alumnas e alumnos da materia de Valores Sociais e Cívicos de cuarto de Primaria andamos na busca de sabedoría. Sabedoría para cultivar o noso horto. Podes axudarnos?

No seguinte vídeo explicamos en que consiste o noso proxecto. Si estás interesada ou interesado en botarnos unha man podes facelo poñéndote en contacto connosco a través do noso correo da aula.

aula3tres3@gmail.com

Moitas grazas pola vosa colaboración.

NO MONTE

Varias alumnas e alumnos de 4º de Primaria fixeron esta composición musical relacionada co noso Proxecto Anual. Desta volta quixeron facer un brinde polo noso medio natural, en concreto polo noso benquerido monte. A inspiración atopárona nas saídas dos martes a Pedra Moura. Aquí vos deixamos o texto así como unha gravación caseira que agardamos que desfrutedes.

 

NO MONTE

No monte, no monte, no monte, no monte.
Hai plantas que pinchan.
As árbores se moven.
Estou nunha pedra,
mirando ao horizonte.

No monte, no monte, no monte, no monte.
Hai plantas que pegan,
e non se despegan.
Hai moitos bichiños,
algúns pequeniños,
outros son grandes
e outros xigantes.

No monte, no monte, no monte, NO MONTE!!!

 

Adriana, André, Ángel, Martina, Olivia.

CREACIÓNS LITERARIAS DE 4º PRIMARIA

Desta volta o alumnado de CUARTO de PRIMARIA ofrécevos unha selección de MICRORRELATOS que esperamos vos gusten.

E comezan así...

 

 

UN DÍA NORMAL DE ISMA

 

Cando cheguei estaban pondo a mesa para cear, ao mesmo tempo miña nai chegou de

traballar. Eu fun o encargado de alimentar a miña cadela. Estiven dicindo aos meus

pais o que fixen durante o día , porque cando acabamos de cear preparei a miña cama

para deitarme, estiven falando co meu irmán Rubén que xa podía acabar esta

corentena,e ao mesmo tempo xa me quedei durmido.

 

 

                                                            Autor: Ismael Gameiro Guisande

 

A NOITE TERRORÍFICA

Cando cheguei estaban pondo a mesa para cear. Miña nai estaba a facer

hamburguesas con maionesa e para a miña irmá un ovo revolto. Sentámonos a cear ,

a miña irmá atragantouse co seu vaso de auga , miña nai asustouse moito

, levantoulle os brazos para arriba e púxose ben. Cando acabamos de cear fomos ver

unha película de zombis que inundaban o planeta Terra. De repente nunha escena case

o final dos zombis parecían que nos comían e empezamos a gritar. Oíuse un trono

desde moi lonxemoi forte e de repente chamaron a porta e saltamos de medo: era o

veciño.

 

                                                        JOSE ANGEL GOMEZ TRIGO 4º

 

 

UN ESPIRITU NA CASA

Cando cheguei estaban pondo a mesa para cear. Miña nai tiña preparada unha

tortilla de pataca. E o meu pai estaba a traballar no campo. Despois eu fixen

zumo de laranxa ,e puxémonos a cear . Todo estaba moi rico ata que de

repente empezou a chover . Xa non poidemos sair ainda que era de noite ,

pero non pasaba nada porque empezamos a xogar dentro da casa .Un rato

máis tarde apagáronse os plomos da luz , estabamos moi preocupados e

empezamos a ver sombras e voces. Descubrimos que non fora o vento ,que

era o meu padriño ríndose .

 

                                                                NOELIA GOMEZ TRIGO 4º

 

Amar a vida

 

Cando cheguei , estaban pondo a mesa para cear . Cando se rematara o confinamento

,a nosa familia faríamos unha cea. Tiña moitas gañas de mirar a miña familia e falar

con eles. Xogar con eles e xogar cos meus amigos ao futbol,facer surf e coller un

montón de ondas na Praia.

Gustaríame poder xogar màis dunha hora na rúa. Dinme conta,de que voto de menos

as apertas a miña avóa,padriño,madriña,etc…

Estas son as cousas polas que eu quero brindar. Xa queda pouco para poder festexar o

fin do confinamento.

 

                                                                                       YERIK 4º

 

 

O CENTRO TRES ANIVERSARIO DA MIÑA BISAVOA “FEFA”

 

Cando cheguei estaban pondo a mesa para cear. Estaba a miña familia para celebrar o

cento tres aniversario da miña bisavoa. De cea houbo a súa comida preferida que é o

cocido galego. De sobremesa tivemos biscoito que fixemos os bisnetos. Démoslle o

agasallo que era unha cadela pequeniña para que lle faga compañía. Ao día seguinte

ela fixo o noso almorzo, démoslle moitas apertas e falamos con ela sobre cando era

nena, contounos moitas cousas. Dixo que antes non había tanta tecnoloxía

comoagora, que a moeda era a peseta, a televisión non era a cor e non había tantos

coches.

 

                                                                         Yaiza Rodríguez Torres

Distribuir contido