Skip to Content

ANPA

ANPA

Estimadas familias:

 

A dirección da ANPA do CEIP Plurilingüe Souto Donas querémosvos dar a benvida neste curso escolar 2022-2023. Estes son os membros da ANPA:

Presidente: Xesús Míguez Clemente

Vicepresidenta: Samanta Torre Diego

Secretaria: Mónica Ramilo Méndez

Tesoureira: Leticia Arias Caride

Vogais: Ana Rouco Gonda, Andrea Estévez Glez., Eva Vázquez Dorado e Noelia Piñeiro Vázquez

Como sabedes, o curso pasado foi o noso primeiro ano como equipo. Para nós o balance foi positivo, pero sempre se pode mellorar. Aquí vai un resumo das actividades feitas e das propostas para o curso que entra:

Dende a ANPA intentamos, dentro das nosas posibilidades , mellorar os servizos e as instalacións do centro para tódolos peques do cole. O curso pasado retomamos a organización de Actividades Extraescolares e seguimos coa xestión da Aula Madruga.

Outras actividades que realizamos foi a entrega de regalos a cada clase no Nadal por parte do Apalpador, a colaboración na chocolatada, a entrega de orellas no Entriodo e de xeados  na festa de Fin de Curso, así como a contratación da empresa Ludiland para levar a cabo esta festa. Así  mesmo, a ANPA fixo unha aportación económica para a excursión de 6º

Tamén se fixeron varias aportacións para, da man do Equipo Directivo e o claustro, mellorar as instalación e o equipamento do cole. Algún exemplos son:

As novas mesas exteriores de madeira

A caseta exterior para a Blibioteca

As novas camisetas de deporte

 

Para este curso que comeza, xa sen as restriccións sanitarias dos tempos da pandemia,  intentaremos celebrar ás festa de Nadal e Fin de curso como se viña facendo anteriormente para o disfrute de toda a Comunidade Educativa.

Ademáis, este ano mantemos a maioría Actividades Extraescolares e facemos alguna proposta nova. Tamén ofertamos un servicio de ludoteca polas tardes para colaborar coa conciliación familiar.

 

Para poder levar a cabo todas estas actividades e outras, consideramos necesaria unha maior implicación por parte das familias, tanto á hora de botar unha man nas propostas da ANPA (xa sabemos que sacar tempo para axudar non sempre resulta doado, pero merece a pena intentalo!) como na aportación económica. É por isto polo que decidimos  que a cota será de 20€ anuais por familia.

 

 O curso pasado o 57% das familias eran socias da ANPA  e agardamos que ese número siga aumentando este curso. Non esquezades que todas as acción da ANPA son en beneficio de todo o alumnado do centro.

 

                A comunicación da ANPA ca dirección do centro é moi fluída e positiva polo que calquera inquedanza, idea ou suxestión que teñades transmitiremola  sen problema. Estaremos moi agradecidos de que vos poñades en contacto con nós a través dos seguintes medios:

 

No buzón da ANPA que se atopa na entrada principal do centro.

Teléfono ou WhatsApp: 675 948 901

Correo electrónico: anpasoutodonas@gmail.com

Facebook: ANPA DONAS

                Para rematar, agradecer a tódalas familias socias que ano tras ano confían na labor da ANPA e  convidar ás que aínda non o son, e ás que inician este ano a súa andaina no colexio.

Feliz Curso 22-23!                                                                                                                                           ANPA SOUTO DONAS

 

Exemplos en imaxes do realizado o curso pasado:

 

 

NO ADXUNTO ESTÁ A FICHA DE INSCRICIÓN PARA SER SOCIOS DA ANPA

NOTA DE BENVIDA, CURSO 21-22

Estimadas familias: A Nova Dirección do ANPA do CEIP Plurilingüe Souto Donas querémosvos dar a benvida neste curso escolar 2021-2022. O primeiro, presentarnos:

• Presidente: Xesús Míguez Clemente

• Vicepresidenta: Samanta Torre Diego

• Secretaria: Mónica Ramilo Méndez

• Tesoureira: Leticia Arias Caride

• Vocais: Eva Vázquez Dorado Ana Rouco Gonda Noelia Piñeiro Vázquez

 

Ante todo e sendo conscientes do traballo que supón, dende esta nova ANPA, queremos dar as GRAZAS polo labor realizado e por estes anos de entrega desinteresada da Directiva da ANPA anterior. Como Directiva aceptamos o reto de comezar dende cero e partimos nesta aventura moi ilusionados e con desexos de seguir mellorando, así como con novos retos para alcanzar unha mellor EDUCACIÓN PARA TODOS E TODAS. Debemos ser conscientes de que as familias somos un membro máis da comunidade educativa, xunto cos propios alumnos e profesores e por este motivo, animámosvos a participar e colaborar facéndovos socios do ANPA, recalcando a importancia desta acción, xa que como asociación sen ánimo de lucro, a nosa principal fonte de ingresos é a cuota de socios e temos moi claro que cantas máis familias sexamos e maior sexa a participación, máis obxectivos poderemos conseguir. Xuntos podemos lograr moitas cousas para os nosos fillos e fillas: un claro exemplo deste traballo foi a renovación do patio coa colocación dos tipis, a parede musical ou a recente aportación económica para a posta do céspede artificial entre outros; a organización e celebración das festas tradicionais e a adquisición de novo material educativo. Unha das intencións deste curso é voltar a ofertar as actividades extraescolares das cales vos iremos informando, xestionar a aula madruga e renovar o carné de desconto para socios en establecementos adheridos do Val Miñor. Entre outras moitas funcións, parécenos fundamental establecer unha comunicación positiva entre familias e colexio, e como mediadores convidámosvos a aportar ideas, suxestións e inquedanzas.

Estaremos moi agradecidos de que vos poñades en contacto con nos a través dos seguintes medios:

✔ No buzón que se atopa na entrada principal do centro

✔ Teléfono: 675 948 901

✔ E-mail: anpasoutodonas@gmail.com

✔ Facebook: ANPA DONAS Para rematar, agradecer a todas as familias socias que ano tras ano confían no labor da ANPA e convidar ás que aínda non o son, e ás que inician este ano a súa andaina no colexio a formar parte desta gran familia.

E ti, a que esperas para ser socio?

AFÍLIATE!

PINCHA NA IMAXE PARA ACCEDER Á CARTA DA ANPA

 

PARA SER SOCIOS, AQUÍ PODEDES DESCARGAR A FICHA DE INSCRIPCIÓN. PINCHA NO ENLACE

SOCIOS/AS

 

CHARLAS PARA FAMILIAS ORGANIZADAS POR FAVALMI.

Durante o mes de abril, dentro do proxecto " Escola de nais e pais", realizaránse varias charlas on line en colaboración coa Federación de Anpas do Valmiñor

(FAVALMI).

* Mércores 14 de abril 2021 19h, DISLEXIA e LATERALIDAD CRUZADA.

* Mércores 21 de abril 2021 19h, TDAH.

* Mércores 28 de abril 2021 19h, AUTISMO E ASPERGER.

 

Tentaremos ir facendo aquelas charlas que teñan interese para as familias. Se tedes algunha proposta agradeceríamos que a fagades chegar ó noso mail:

anpasoutodonas@gmail.com.

Para participar nas charlas é imprecindible anotarse enviando un mail a:

favalmi@gmail.com para enviarvos o enlace. A proposta vai dirixida a toda a comunidade educativa ( familias, educadores, mestres,¿).

Grazas pola vosa colaboración e recibide un cordial saúdo.

 

A Directiva da ANPA.

Nota de benvida

                                                                  anpasoutodonas@gmail.com

                                                                        Teléfono 675 948 901

 

¡Dámosvos a benvida a un novo e diferente curso escolar!

Queremos compartir convosco esta nova e diferente andaina e contarvos como vai ser este curso 2020/21.

Para adquirir a condición de socio do Anpa requírese ser pai, nai ou titor dos alumnos que cursen os seus estudos no C.E.I.P Souto-Donas, aceptar os seus estatutos e abonar a súa cuota. Esta condición perderáse por algunha das seguintes causas: libre vontade do asociado, falta de pagamento das cuotas, incumprimento dos Estatutos ou baixa dos fillos no Centro.

Tradicionalmente, as comunicacións do Anpa transmitíanse aos socios mediante notas a través dos alumnos. Desde o curso pasado o Anpa comprobou a fiabilidade da lista de difusión para evitar a desinformación dos pais.

A lista de difusión do Anpa resulta útil para comunicar algo a moitas persoas á vez.

Para iso solicitamos un número de teléfono con whastapp e, á súa vez, os integrantes da lista deberán memorizar o número 675.94.89.01 nos seus contactos do móbil .

Cando se envíe unha mensaxe a esta lista, recibirédelo todos os contactos por igual pero coma se fose individual. SÓ os socios do Anpa que abonen a cuota

correspondente poden pertencer á lista de difusión. SÓ os socios que teñan o número de teléfono gardado na súa lista de contactos recibirán as mensaxes de difusión.

Debido a excepcional situación sanitaria que vivimos e seguindo o Protocolo

establecido pola Xunta, lamentamos comunicarvos que este curso non haberá

actividades extraescolares e tampouco participaremos na xestión do contrato coa

empresa que organiza o aula matinal.

Sen embargo temos unha nova!!!: faremos entrega dun carné de socio co que teredes interesantes descontos en diferentes establecimientos de Gondomar dos que seredes debidamente informados.

Agradecemos a vosa colaboración e quedamos á vosa disposición.

 

DIRECTIVA ANPA SOUTO DONAS

Ficha de socio 2020

Podedes descargar en adxunto a ficha de socio/a.

USO DO CARNET DE SOCIO E EMPRESAS COLABORADORAS.CURSO 2020-21

Información en dous documentos adxuntos.

NOVA DIRECTIVA. CURSO 2020-21. CONTACTO

A directiva da ANPA está conformada polas seguintes persoas:
 
  • Presidenta: Laura Martínez Sánchez
  • Vicepresidente: Jesús Balboa Luis
  • Secretaria: Rosario Domínguez Petit
  • Tesorera: Sonia Torres Nicolao
  • Vocal 1: Leticia Arias Caride
  • Vocal 2: Lorena Arias Caride
  • Vocal 3: Samanta Torre Diego
  • Vocal 4: Noelia Piñeiro Vázquez
  • Vocal 5: Mónica Ramilo Méndez

 

Teléfono de contacto:  675.948.901 .Atenderase de 10:00 a 20:00h, de luns a venres. Todas as chamadas serán devoltas e as mensaxes contestadas.

Correo electrónico: anpasoutodonas@gmail.com

ACTIVIDADES OFERTADAS PARA ESTE CURSO.

Estas son as actividades que se ofertan

As que queden definitivamente dependerá do número de interesados en cada unha delas.

AUTORIZACIÓN SAÍDA DAS ACTIVIDADES EXTRAESCOLARES

Distribuir contido


by Dr. Radut