Skip to Content

Blogues

Actividades 13ª Semana Corentena 2ºA 2019/20

 ACTIVIDADES 13ª SEMANA DE CORENTENA 2ºA

8/6/2020

Bo día, nen@s! Como estades? Xa estamos na 2ª semana de xuño... Xa falta pouco para que remate o curso! O tema de Sociais de hoxe é un moi interesante, e estou segura de que a máis de un lle tería gustado moito dalo na clase: A Historia!

Que tedes que facer?

1º) Ver o seguinte vídeo que fai un pequeno resumo das etapas da historia da Humanidade.

2º) Clicar na imaxe de abaixo para abrir o libro de Vicens Vives. Xa vos vai abrir no tema correspondente. Podedes pasar as páxinas dándolle ás frechas da esquerda e da dereita.

3º) Ler o tema con atención, ata a páxina 121. Non fai falla que fagades ningunha actividade. Só ler e intentar comprender o que no tema se explica. 

4º) Escoller unha época da historia que vos guste (Prehistoria, Idade Antiga, Idade Media, Idade Moderna, Idade Contemporánea...) ou unha civilización: o Antigo Exipto, Imperio Romano, Os maias... e facer un esquema con debuxos sobre ela. Tedes que contar resumidamente, en poucas palabras, as cousas máis importantes desa civilización ou época da historia: como se chama a época ou civilización, como vivía a xente, cando aconteceu...

Recoméndovos moito botarlle unha ollada a estas dúas listas de reprodución de Happy Learning e de Smile & Learn: teñen un montón de vídeos sobre Historia. Vede algún para informarvos.

 Por certo, déixovos por aquí os resultados do reto da semana pasada das palabras con ZA, CE, CI, ZO e ZU. Teño que dicir que algúns me mandastes algunhas palabras con "ze" e "zi" e as contei, porque estaban ben escritas, eran desas poucas palabras que levan o z diante de e ou i. Mais lembrade que son excepcións! A maioría de palabras que teñen o sonido "ce" ou "ci" escríbense con C.

 Como actividade extra hoxe propóñovos seguir practicando as táboas de multiplicar do 2, 3, 4 e 5, podedes practicalas con estes xogos que xa vos ensinei hai dúas semanas:

 

  9/6/2020

Bo día! Hoxe continuamos con un tema de Sociais: os museos. Os museos son lugares onde podemos aprender un montón de moitos temas diferentes: arte, ciencia, historia... Na cidade de A Coruña temos os museos científicos coruñeses: a Casa das Ciencias, a Domus (que a visitamos este curso), o Aquarium Finisterrae ou o MUNCYT (que o visitamos o ano pasado). Ademais, temos museos como o de Belas Artes, por exemplo.

Que tedes que facer hoxe?

1º) Ler a páxina 124.

 

2º) Facer unha visita virtual a algún destes museos que hai en Madrid. Se facedes clic no nome do museo vos leva á páxina web principal, mais eu vos recomendo mirar os enlaces que vos deixo abaixo, que son os apartados da páxina web máis enfocados a nen@s e a visitas virtuais.

Museo del Prado de Madrid  

Este é de obras artísticas moi importantes, ten sobre todo pintura e escultura.

Se ides a esta enlace podedes ver un apartado de algunhas das súas obras de arte explicadas a nen@s: https://www.museodelprado.es/busqueda-multimedia?search=audiogu%C3%ADa%20infantil&gnoss:type=efrbrer:Video

Museo Arqueológico Nacional  (MAN)

Este é para aprender de historia.

Aquí tedes a visita virtual do MAM para Primariahttps://manaulavirtual.es/

Museo Nacional de Ciencias Naturales

Con este aprenderedes moito dos seres vivos e da natureza en xeral.

Aquí podedes facer a visita virtual movéndoos polo museohttps://artsandculture.google.com/exhibit/yAISzR1n3bdnLw

E aquí xa vos leva a algúns dos seus elementos máis importantes

https://artsandculture.google.com/exhibit/gwIS8EWZmdKZLw

3º) Elixir a obra do museo que visitastes que máis vos gustou e facer un debuxo dela e unha pequena descrición ao lado do debuxo: como se chama, que é, a súa data, quen o fixo (se é unha obra de arte, por exemplo), e en que museo se atopa. Mañá na videochamada das 17h podemos compartir impresións sobre os diferentes museos.

Como actividade extra, podedes facer as páxinas 44 e 45 do libro de Competencias Básicas

 10/6/2020

Bo día, nenas e nenos! Hoxe vos propoño unha actividade de Lingua Castelá. Que tedes que facer?

1º) Ler a seguinte noticiahttps://www.laopinioncoruna.es/television/2020/05/25/nina-fuerte-mundo-cumple-75/1504627.html

En la noticia hay palabras que quizás os serán un poco complicadas.

Una de ellas es "homónimo", la noticia dice:  "Pippi Calzaslargas recuerda el día en que fue publicado en Suecia el libro homónimo". Homónimo significa que tiene el mismo nombre, en este caso se refiere a que el título del libro es el nombre del personaje creado por la autora.

Otra es "anhelo", la noticia dice: "una visión menos autoritaria de la educación y un anhelo de libertad".  Anhelo significa "deseo muy fuerte". 

2º) Responder as seguintes preguntas:

A) ¿Cómo se llama el periódico en que fue publicada?

B) ¿En qué fecha se publicó la noticia?

C) ¿De qué se cumplen 75 años?

D) ¿Cómo se llama la autora de Pippi Calzaslargas? 

F) ¿De qué país es la autora de Pippi?

G) ¿Para quién escribió la autora el libro?

H) ¿Cuántos años tenía la persona para quien lo escribió cuando le regaló el manuscrito?

I) ¿En qué año se publicó el primer libro de Pippi?

J) ¿En qué año se estrenó la serie de televisión?

Como actividade extra hoxe vos propoño facer este dictado para practicar las letras C y Z. Lembrade que hoxe nos vemos ás 17h en Cisco Webex!


 11/6/2020

Bo día, rapazada! Hoxe unhas manualidades de Plástica relacionadas coa Historia. Elixide a que máis vos guste, ou podedes facer varias se queredes!

Prehistoria: Pinturas rupestres.

Buscade en internet imaxes de arte rupestre real, para saber que motivos pintaban as mulleres e homes prehistóricos.  Para esta manualidade precisaredes... café!

 Idade Antiga: Pirámide exipcia.

Podedes decorar a pirámide pintándoa por fora os ladrillos ou poñéndolle motivos exipcios como os xeroglíficos.

Idade Media: Coroa de rei.

A coroa representaba todo o poder que tiña o monarca na Idade Media... Aquí déixovos dous modelos de coroa mais se buscades en internet hai moitos outros modelos con diferentes materiais.

      

Idade Moderna: Carabela.

Unha carabela é un barco de vela con 3 mastros (os paus onde se colocan as velas) como as que levaron a Colón a descubrirlle o continente americano a Europa.

Nas imaxes tedes unhas ideas para construilas, mais teredes que facer modificacións. Para que sexan carabelas tedes que poñerlles 3 velas e para que se parezan as da Idade Moderna pintalas coas cores que de verdade tiñan: a cuberta marrón e as velas brancas. Ademais, as velas das carabelas de Colón tiñan unha cruz vermella no centro, buscade imaxes en internet.

como hacer un barco o avion de papel chulo

 

  

Pirate Ship Craft Barco pirata hecho con materiales reciclados 

Para a Idade Contemporánea podedes facer unha manualidade sobre calquera invento desta época: o ordenador, a televisión, os helicópteros, os teléfonos móbiles... vía libre!

Por último, como actividade extra propóñovos facer as páxinas 6 e 7 do caderno número 5 de Mates.

12/6/2020

Bo día, nenas e nenos! Hoxe xa é venres! Lembrade que nos vemos ás 12h con 2ºB en Cisco Webex.

Hoxe quero que lle botedes un ollo á táboa de multiplicar do 6. Déixovos unha canción e algunhas fichas para traballala. Lembrade que tedes moitos xogos que vos puxen o luns para practicar as táboas que queirades. Podedes marcarlle traballar unha ou varias, así os xogos só vos poñerán aquelas táboas que dominades ben. 

Crucigrama multiplicativo - Imagenes Educativas

Esta só se queredes imprimila e coloreala, xa que ten moito que ver co tema desta semana que vimos en Sociais. Tamén poderíades tentar coloreala no ordenador con un programa de debuxo dixital tipo Paint.

Tablas demultiplicar

Como actividade extra vos propoño facer esta ficha para repasar as táboas que xa vimos: a do 2, 3, 4, 5 e 6.

 

Actividades 12ª Semana Corentena 2ºA 2019/20

ACTIVIDADES 12ª SEMANA DE CORENTENA 2ºA

1/6/2020

Bo día, rapazada! Como estades? Hoxe comezamos un mes novo: xuño! É o último mes deste curso... Xa falta pouco para que comecen as vosas vacacións, só unhas semanas... Parece mentira como pasa o tempo, non? E falando de tempo... Hoxe tráiovos un tema moi chulo: O paso do tempo!

Que tedes que facer?

1º)  Clicar na imaxe de abaixo para abrir o libro de Vicens Vives, xa vos vai abrir no tema do paso do tempo. Podedes pasar as páxinas dándolle as frechas da esquerda e dereita.

2º) Ler con atención, sobre todo, os parágrafos que teñen o título en laranxa e o texto en rosa e vermello, ata a páxina 109.

3º) Facer as seguintes actividades: páxina 104: 6; páxina 105: 8; páxina 107: todas; páxina 108: 10; páxina 109: todas.

Como actividade extra quero propoñervos unha relacionada coa actividade anterior: escribir sobre como era algo ou alguén no pasado, como é no presente e como credes que será no futuro. Podedes facelo sobre vós mesm@s, sobre a vosa mascota, sobre unha cidade...o que vos apeteza!  Como tedes que facelo? Por escrito, en calquera formato (ordenador, a man...), construir algunhas oracións describindo esa cousa o persoa en cada unha das etapas. Ademais, podedes acompañalo de fotografías e debuxos (para o futuro, por exemplo). Póñovos un exemplo: 

O MEU GATO SANTI

PASADO: En xullo do 2018 coñecín ao meu gato Santi, era un cachorro de un mes. Camiñaba torpemente e era moi pequeniño, ademais, estábanlle a sair os dentes e aínda non podía comer comida de gato adulto.

PRESENTE: Agora no 2020 Santi ten case dous anos e pesa 5kg. Gústalle moito xogar e durmir. É moi medoso e cando chega alguén que non coñece á casa, escóndese rapidamente na cama e non sae de aí ata que se vai a visita.

FUTURO: No futuro penso que vai ter que aprender a convivir con outro gato, pois algún día traereille un compañeiro da súa especie. Non sei se lle gustará ao principio, mais penso que despois faralle moita compañía e se divertirán moito xuntos.

 2/6/2020

 Bo día, rapazada! Este venres 5 de xuño é o Día Mundial do Medio Ambiente. Cada ano, este día adícaselle a unha cousa concreta relacionada co medio ambiente, e no 2020 o tema elixido foi a biodiversidade. Para celebralo, este venres publicarei un vídeo cos vosos traballos deste curso por protexer o medio ambiente.

Que tedes que facer hoxe? Moi sinxelo:

1) Ver os seguintes vídeos nos que se explica o que é a biodiversidade e como coidar o medio ambiente e así protexela.

2) Mandarme unha fotografía ou un vídeo voso en galego exemplificando como coidar o medioambiente e así axudar a manter a biodiversidade, por exemplo, Iker mandou unha onte de como este finde recolleu lixo no campo. Tamén podedes mandarme un debuxo, por exemplo, de como evitar que desaparezan especies de animais ou plantas: diminuindo a explotación forestal, os incendios ou a caza de especies en perigo de extinción.

Como o vídeo teño que telo feito o venres, preciso que me mandedes as fotos, vídeos ou debuxos entre hoxe martes e o mércores, para que me dea tempo de montalo!

 

Como actividade extra vos propoño facer a páxina 3 do caderno de Mates Números y Operaciones 5. 

3/6/2020

Bo día, nenas e nenos! Como estades? Hoxe quero lembrarvos que tamén fagades as actividades dos especialistas das diferentes áreas: os retos de Música, as actividades do blogue de English, as de Educación Física, as de Relixión Católica...

Que tedes que facer hoxe? Repasar un pouquiño de ortografía

1º) Tedes que ver o seguinte vídeo:

2º) Facer o seguinte reto: escribir todas as palabras en castelán que se vos ocurran con ZA, CE, CI, ZO, ZU. Só contarei as que están ben escritas! Non me vale se poñedes "zigüeña", por exemplo! Tedes ata o venres pola noite para entregarmas, a semana que vén publicarei o podio coas 3 persoas que me mandaron máis palabras. O importante deste exercicio é que vos sirva para lembrar que o Z case nunca vai con E nin con I (só nunhas poucas palabras como zinc, zigzag, Nova Zelanda...), porque estou a ver nas tarefas que me mandades que algúns e algunhas aínda ás veces me poñedes algunha palabra con "zi" ou "ze".

Como actividade extra propóñovos facer as páxinas 4 e 5 do caderno Números y Operaciones 5 de Mates.

Lembrade que hoxe nos vemos ás 17h en Cisco Webex e imos xogar a adiviñar quen é quen polas autodescricións!!

4/6/2020

Bo día, nen@s! Como estades? Onte paseino moi ben convosco na videochamada! Mirade, hoxe vos propoño actividades de Plástica relacionadas co proxecto do cole deste ano: o cine. Douvos dúas ideas e facede a que máis vos guste, ou as dúas! Xa vos aviso que ides precisar tempo e algo de axuda da familia para facelas. Non hai presa, enviádemas cando poidades, facédeas con calma.

A primeira proposta é construir un proxector de cine para o móbil. Ides precisar, entre outros materiais, unha caixa de zapatos e dúas lupas de diferentes tamaños.

A segunda proposta é facer un flipbook. Que ten que ver co cine? Pois que o seu funcionamento é similar ao das películas de cine, nas que o que vemos é unha sucesión de moitas imaxes por segundo, e é o que da a sensación de movemento. De feito, así é como se facían as películas de animación (as de debuxos) cando aínda non había programas de debuxo dixital nos ordenadores.

Para esta actividade precisaredes moito papel mais en en trozos non moi grandes, para deslizar comodamente as follas. Déixovos varios vídeos de exemplos e uns consellos moi importantes.

1) Recoméndovos escoller unha idea moi, moi sinxela (unha pelota que bota, unha nube que bota auga, unha planta que medra...) pois o debuxo tedes que repetilo moitas veces moi similar para que dea a sensación de ser o mesmo que se está a mover.

2) En cada folla o movemento respecto da anterior ten que ser moi, moi sutil. Se a pelota está na esquina superior dereita, non podedes facela na folla seguinte na esquina inferior esquerda, tedes que que ir baixándoa pouco a pouco, en cada debuxo un pouquiño, para que dea a sensación de moverse.

3) Utilizade primeiramente un lapis suave, e cando esteades seguros dos vosos trazos podedes repasar con un rotulador.

4) Podedes calcar unha imaxe (dunha revista ou dun libro podedes facelo no cristal da fiestra, se está nun móbil podedes facelo na pantalla mesmo).

Entenderédelo mellor con estes exemplos en vídeo que vos deixo aquí:

                       

Como actividade extra hoxe pídovos que vexades os capítulos 14 e 15 de Pippi e me fagades un pequeno resumo en castelán do que acontece en cada un. Mañá ás 12h comentaremos os capítulos cos compis de 2ºB!! 

 5/6/2020

Bo día, rapazada! Hoxe é o Día Mundial do Medio Ambiente. Aquí tedes o vídeo que fixen con todas as vosas aportacións. Lembrade, o máis importante non é "saber como coidar o medio ambiente" senón facelo todos os días!! 

Hoxe vouvos deixar só unha actividade: resolver os problemas de Matemáticas que deseñaron @s vos@s compis. Os tres que deseñastes vos mesm@s, non os fagades de novo.

Lembrade, vémonos ás 12h con 2ºB en Cisco Webex!! E comentaremos os capítulos 14 e 15 de Pippi!!

 

Actividades 11ª Semana Corentena 2ºA 2019/20

ACTIVIDADES 11ª SEMANA DE CORENTENA 2ºA

25/5/2020

Ola, nenas e nenos! Hoxe comezamos a semana con un repasiño dun tema de Sociais que vimos o ano pasado e tamén neste curso: a seguridade viaria

Que tedes que facer?

1º) Clicar na imaxe de abaixo para abrir o libro de Vicens Vives, xa vos vai abrir no apartado da seguridade viaria.

2º) Ler con atención as páxinas 60 e 61 e facer as actividades. Fixádevos no vocabulario en galego:  rúa (calle), beirarrúa (acera), calzada ou estrada (carretera). 

3º) Responder tamén as seguintes preguntas

  • Que normas de seguridade debemos cumprir cando montamos en bicicleta?
  • Que normas de seguridade debemos cumprir cando imos en coche?
  • Como debemos comportarnos no autobús urbano?

Como actividade extra, vos propoño facer o seguinte ditado para practicar G e GU

 

Aproveito tamén para dicirvos cal foi o TOP 3 do reto da semana pasada de escribir palabras en castelán con H.

 

26/5/2020 

Bo día, rapazada! Como estades? Antes de nada, quero lembrarvos que me gustaría que me mandasedes chistes en galego contados por vós nun vídeo ou audio, para montar un vídeo similar ao dos trabalinguas!

Dito isto, hoxe vos propoño ver un tema de Natus que non nos deu tempo a velo moi ben na aula, mais que seguro que controlades un montón: As máquinas.

Que tedes que facer?

1º Clicar na imaxe de abaixo para abrir o libro de Vicens Vives, xa vos vai abrir no tema das máquinas.  Podedes pasar as páxinas do libro dándolle ás frechas da esquerda e da dereita.

 

2º Ler con atención, sobre todo, os parágrafos que teñen o título en laranxa e o texto en verde e vermello. Ata rematar o tema, na páxina 92. 

3º Facer as actividades 1, 2 da páxina 82, 3 da 83, 5 da 86 e 7 e 8 da 87 e todas as da páxina 92. No encrucillado do exercicio 2, a palabra 4 dígovola eu porque é un pouco difícil: TRADE.

Como actividade extra hoxe vos propoño escribir 20 parellas de palabras antónimas en castelán. Lembrades o que eran os antónimos? Se queredes repasar un pouco o que eran os antónimos, déixovos por aquí un vídeo dunha nena que o explica moi ben. Ela explica os sinónimos e os antónimos, mais eu só vos pido 20 parellas de ANTÓNIMOS.

 27/5/2020

Bo día, rapazada! Hoxe vos propoño unha actividade de Mates chulísima: un Break Out. Que é iso? Pois é un xogo no que tedes que resolver probas para cumplir unha misión.

Neste caso, o Break Out consiste en axudar a Dori a rescatar ao seu amigo Crush. Para iso tedes que facer unhas probas por orde respondendo correctamente as preguntas de cada unha, podedes axudarvos de lapis e papel se o precisades, non fai falla que fagades todo con cálculo mental. Ao rematar cada proba daranvos un número que forma parte dun código de 4 cifras que teredes que introducir ao final para salvar a Crush. Apuntade esas cifras por orde!

Ao final de todo, se o conseguides vos dará un novo código. Ese non fai falta que o mandedes a ningún lado. A mestra que deseñou ese Break Out o puxo para o seu alumnado, mais a vos non vos fai falla.

Facede click na imaxe de abaixo para abrir o Break Out:

 Como actividade extra hoxe propóñovos facer a páxina 2 do Caderno "Números y Operaciones 5" de Matemáticas, que onte recolleron as vosas familias.

28/5/2020

Bo día! Que tal estades? Hoxe vouvos propoñer un traballo de Plástica moi chulo: construir unha máquina! Vai ser unha máquina sinxela, que funcionará coa enerxía cinética (de movemento) que lle proporcionaremos nós.

Aquí déixovos varias opcións:

Un arrandeadoiro ou un balancín:

Esta podedes facela con tesoiras, un cachiño de cartón para a parte onde se sentan @s nen@s, palliñas de plástico para as estruturas, un pouco de limpiapipas para algúns detalles, plastilina para as unións das palliñas e cinta adhesiva para unir as estruturas á base e unir algunhas das súas pezas. Se non tedes plastilina para a unión das palliñas podedes facela tamén coa cinta adhesiva. Tamén podedes utilizar papel para facer @s nen@s que montan no columpio ou no balancín. 

Unha catapulta:

Para isto só precisaredes 10 paliños de madeira, 5 gomas elásticas, unha culler de plástico e rotuladores de cores para decorar os paliños. Se non tedes a culler de plástico, hai outros exemplos de catapultas nas que utilizan outro paliño de madeira e lle pegan un tapón grande de botella nun extremo, para colocar aí o proxectil que lanzaremos coa catapulta.

Aquí tedes un tutorial dunha rapaza que o explica moi ben: 

Estou desexando ver as vosas máquinas, así que pasádeme foto para colgalas no blogue e, se queredes, tamén algún vídeo delas funcionando.

Como actividade extra de hoxe propóñovos inventar tres problemas matemáticos que se resolvan con unha multiplicación. Se o facedes tedes que enviarme os enunciados e todo o problema resolto, con datos, operación e resposta.

  29/5/2020

Bo día, rapazada! Xa é venres! Lembrade que hoxe vémonos ás 12h con 2ºB en Cisco Webex. Neste día quero propoñervos uns xogos para repasar as táboas de multiplicar.

Lembrade que vimos a do 2, 3, 4 e 5. Recoméndovos moito as cancións de Miliki para aprender as táboas dun xeito máis ameno. A miña favorita é a canción da táboa do 3, porque ten un tema que é "a comida" e fai rima de todas as multiplicacións con alimentos. Tamén utilizade a táboa que construistedes tan chula algúns coas instrucións que vos mandei.

Ides alucinar cos xogos. Hainos moi variados: de carreiras de cabalos, de carreiras de coches, de fotografiar animais, ou de atender clientes nunha hamburguesería! Todos son de repasar as táboas de multiplicar, e ademais podedes elixir a táboa ou as táboas que queredes practicar.

Como actividade extra hoxe propóñovos que fagades a vosa propia descrición en galego. Tedes que explicar quen sodes: como sodes físicamente e tamén a vosa forma de ser: como é a vosa personalidade, que vos gusta facer... Se participades moitos, na videochamada de 2ºA do mércores ás 17h podemos xogar a adiviñar quen é cada un lendo a súa descrición sen dicir o nome!

Por certo, como levades o bote das emocións? Xa o enchestedes?

Actividades 10ª Semana Corentena 2ºA 2019/20

ACTIVIDADES 10ª SEMANA DE CORENTENA 2ºA

18/5/2020

Ola, nenas e nenos! Hoxe comezamos a semana e quero que repasemos un tema de Sociais que vimos moi ben o ano pasado: os estados da auga e o ciclo da auga. Vos lembrades daquel experimento que fixeramos en grupos cunhas bolsiñas de plástico con auga que pegamos nas fiestras da aula? E neste curso tamén vimos todos os usos que lle podemos dar a auga: cociñar, lavar, xogar, beber, regar as plantas... e mesmo crear enerxía!!

Que tedes que facer?

1º) Ver estes dous vídeos:

 

 

 

2º) Clicar na imaxe de abaixo para abrir o libro de Vicens Vives, xa vos vai abrir no tema da auga. Podedes pasar as páxinas dándolle as frechas da esquerda e dereita.

3º) Ler con atención o tema ata a páxina 23 e facer as seguintes actividades: Páxina 19: 1, 2. Páxina 20: 4, Páxina 21: 7, Páxina 23: 9, 10, 11. Se queredes podedes facer as outras actividades a maiores, hai algún experimento moi chulo! 

Como actividade extra hoxe propóñovos inventar e escribir 10 oracións interrogativas en castelán. Lembrade como facer correctamente os signos de interrogación: O do principio é como un garfo cara abaixo e o do final como un garfo cara arriba. 

 

 19/5/2020

Bo día! Como estades? Hoxe vos propoño unha actividade de Natus moi interesante: Comparar o ser humano cun animal, podedes facer o traballo nun pequeno texto escrito a man, ou nun procesador de textos no ordenador, ou nunha presentación dixital tamén no ordenador... Como o faredes?

1) Buscades un animal que vos guste, pode ser vertebrado ou invertebrado. Buscades fotografías del, textos... para informarvos. Mirade ben, pois en Google ou en enciclopedias que teñades de animais hai imaxes ata dos esqueletos dos animais!

2) Escribides de maneira resumida as semellanzas e diferenzas deste animal co ser humano. Déixovos un exemplo nunha táboa, podedes engadirlle outras categorías que vos parezan interesantes, por exemplo: como se despraza cada un (nadando, camiñando, reptando, voando e camiñando...) Podedes darlle un código de cor, por exemplo, subliñar ou escribir de vermello as diferenzas e de azul as semellanzas. 

 Como actividade extra propóñovos este ditado, que está moi ben para practicar a Z e C:

 

20/5/2020

Bo día, nenas e nenos! Hoxe quero propoñervos traballar os céntimos. Que son os céntimos? Son tamén moedas, mais son moedas que teñen menos valor que 1€. Para xuntar un euro temos que xuntar 100 céntimos, é como si os céntimos foran as unidades e con cen de elas fixésemos unha centena que chamamos euro! Só temos moedas de 1, 2, 5 (moedas marróns) e 10, 20, e 50 céntimos (moedas amarelas).

IMPORTANTE: Cando queremos escribir unha cantidade en euros e tamén céntimos, podemos facelo de dúas maneiras: "2 euros e 50 céntimos" ou poñer "2,50€". A coma se coloca entre a cifra dos euros e a dos céntimos, e o símbolo que poñemos é o do euro. 

Déixovos aquí unhas actividades para facer. Tedes que contar canto diñeiro hai (para iso primeiro sumade as moedas de euro e logo as de céntimos) e despois escribilo con unha coma que separe os euros dos céntimos. O símbolo do euro xa vos vén escrito na ficha. 

 Como actividade extra e reto para esta semana vos propoño mandarme palabras en castelán con H (pode ser ao principio ou no medio, mais se non a poñedes no lugar que é e me poñedes, por exemplo "haora" en lugar de "ahora", non computará). Tedes ata o domingo para mandarmas se queredes que conten para facer o TOP 3. Déixovos por aquí o podio do "TOP 3" dos participantes do reto da semana pasada:

 21/5/2020

Bo día, rapazada! Antes de explicarvos o que quero que fagades hoxe, me gustaría recordarlles ás vosas familias que na páxina web do cole tedes toda a información para pedir a axuda do fondo de libros para o ano que ven, que o prazo abriu onte e remata o 19 de xuño!!

Agora si, imos coa tarefa de Plástica de hoxe, que penso que é moi divertida: Construir un circuito para unha pelotiña ou canica!

Que precisades para facelo?

  • Unha caixa ou a tapa dunha caixa de cartón, de zapatos por exemplo.
  • Unha canica ou unha pelotiña pequena que rode ben.
  • Varios rolos de cartón de papel hixiénico ou de cociña (se non tedes podedes facelos con cartolina ou utilizar outros tubiños que teñades na casa, como os do fío de coser.).
  • Tesoiras por se queredes recortar un rolo de papel para facer dous tubos.
  • Pegamento, cinta adhesiva ou encadernadores (o que vos funcione mellor para pegar os vosos rolos á caixa).
  • Pintura para decorar o circuito. 

Aquí vos deixo uns exemplos diferentes. 

Como vedes, podedes poñerlle números aos diferentes tubiños de xeito que indiquen a orde na que ten que pasar a pelotiña polos tubos, un frechas que indiquen por onde ten que sair a pelotiña, ou tamén cores, e facer un código de orde de cores diferente cada vez que queirades xogar. 

Tamén vos deixo un vídeo con unha alternativa moi sinxela por se non tedes todo o material, que se faría con un plato de cartón, un pouco de papel, un rotulador, pegamento e unha canica.

 

Make a Ball Maze Hand-Eye Coordination Game - Frugal Fun For Boys and Girls

Como actividade extra vos propoño facer un vídeo (se non queredes vídeo vale audio) contando un chiste EN GALEGO. Estou rematando de montar o vídeo cos vosos trabalinguas, espero que en breves poidades velo! 

  22/5/2020

Bo día, nenas e nenos! Hoxe xa é venres! Que tal levades o voso bote das emocións? Que emoción é a que se repite máis veces no voso bote? Hoxe quero propoñervos a seguinte actividade: aprender a táboa de multiplicar do 5Veredes que a táboa do 5 é super sinxela, porque os produtos das multiplicacións só poden rematar en 0 ou 5. Déixovos unha canción de Miliki e unhas actividades para facer. 

 

Creamos las Tablas de Multiplicar con estas fichas listas para imprimir

Como actividade extra de hoxe vos propoño escribir unha historia en castelán na que aparezan os tres elementos das imaxes. Tedes dúas opcións, a ficha de arriba ou a de abaixo, para escribir a vosa historia. 

  

Actividades 9ª Semana Corentena 2ºA 2019/20

ACTIVIDADES 9ª SEMANA DE CORENTENA 2ºA

11/5/2020

Ola de novo, rapazada! Sabedes que esta é a Semana das Letras Galegas? Todos os anos o 17 de maio (este ano cadra a domingo) homenaxéase a escritoras ou escritores galegos que foron importantes para a defensa da nosa lingua. Sabedes por que é o 17 de maio cando se celebra? Porque ese ano publicouse por primeira vez a obra "Cantares Gallegos" da nosa querida Rosalía de Castro! Lembrádesvos do importante que foi que ela escribira en galego para devolverlle a este idioma o seu uso na literatura?

E sabedes a quen vai adicado este ano o Día das Letras Galegas? Non? Pois esta é a tarefa que quero que fagades e recollades nun folio (ou nunha presentación de diapositivas dixital ou nun documento de texto...) Dame igual o formato, o importante é que busquedes e recollades a información:

1º) Averiguar a quen se lle adica o Día das Letras Galegas este ano.

2º) Averiguar onde naceu esta persoa.

3º) Ler o seu conto infantil "As pitas baixo a choiva" que o tedes aquí abaixo (se baixades coa barriña do lateral dereito, na esquina inferior dereita veredes un icono para poñer en pantalla completa o conto e así velo mellor).

4º) Facer un resumo do conto (4 ou 5 liñas) explicando a historia.

Como actividade extra, para quen queira traballo a maiores, hoxe vos propoño facer o papel de profes corrixindo os erros das seguintes oracións en galego. Poñede moito ollo, fixádevos na ortografía: maiúscula, punto, letras que no galego non se utilizan...)  e tamén no vocabulario: que palabras non se din así en galego. 

 

  12/5/2020

 Ola, nen@s! Hoxe vos propoño que repasedes un tema de Sociais que xa vimos abondo durante o curso (Lembrades cando nos manifestamos polo cambio climático? E cando lle cantamos aos nosos compis de Infantil a canción dos 3R?), mais que considero que é moi importante: o coidado da natureza.

Que tedes que facer?

1) Clicar na imaxe de abaixo para abrir o libro de Vicens Vives, xa vos vai abrir no tema. Podedes pasar as páxinas dándolle as frechas da esquerda e dereita.

2) Ler con atención o tema, sobre todo os parágrafos que teñen o título en laranxa e o texto en rosa e vermello, ata a páxina 42. Podedes facer algunhas das actividades se queredes. 

3) Facer un cartel en galego explicando medidas para coidar a natureza. No cartel a técnica pode ser a que queirades (podedes facelo no ordenador, a man en papel, en cartolina... Con rotus, con lapis e ceras, recortando letras de papel de xornal e revistas...) As condicións que deben cumplir os carteis son:

  • Ter un título, por exemplo: "Coidamos a natureza", "Como podemos coidar a Terra?" ou outro que se vos ocurra.
  • Explicar varias cousas que podemos facer para coidar o medio ambiente. 
  • Ter debuxos ou fotografías que axuden á comprensión do texto.

Colgarei os vosos traballos no blogue de aula!

Por certo, o máis importante deste tema non é saber as medidas para coidar a natureza, senón levalas á práctica. De nada vale dicir: Hai que aforrar enerxía e logo no día a día deixar as luces acendidas cando saímos da aula ou do noso cuarto!!

Como actividade extra de hoxe propóñovos que repasedes a norma de ortografía seguinte: "Antes de p e b se escribe m." Como a ides repasar? Moi sinxelo: Quero que fagades unha lista con todas as palabras en castelán que se vos ocorran que teñan mp ou mb: 30? 50? 100? A ver quen da clase consigue a lista de palabras máis longa! O venres vos direi quen conseguiu atopar máis palabras!

   13/5/2020

Bo día, rapazada! Como estades? Antes de nada, quero lembrarvos que non esquezades que os especialistas (Inglés, Música, Educación Física e Relixión) mandan tarefas tamén, mirade na páxina web do centro, aquí mesmo á dereita. A profe de Música púxovos un reto moi chulo esta semana! E botádelle tamén unha ollada ao blogue da nosa biblio! Tamén quero lembrarvos que non deixedes de utilizar o voso bote das emocións! 

Hoxe vouvos deixar unha tarefa de repaso de Mates ben sinxela. É sobre o euro e os céntimos. Xa este ano traballastes con el a través de problemas matemáticos e o ano pasado tamén o vimos. Que tedes que facer?

1) Ver o seguinte vídeo:

2) Facer esta ficha:

3) Xogar a estos xogos.(Se vos aparece un anuncio agardade ata que saia unha etiqueta abaixo á dereita que pon "Skip Ad", lle dades e xa vos quita o anuncio.)

Como actividade extra quero que me mandedes un vídeo ou un audio recitando un trabalinguas en galego! Se queredes podo montar un vídeo con todos os vosos trabalinguas e subilo á canle de Youtube do cole! Aquí vos deixo algúns lugares onde podedes atopar trabalinguas en galego:

https://issuu.com/margari123/docs/trabalinguas_galegos_45d150cf1096be

https://orellapendella.gal/category/trabalinguas/ 

 14/5/2020

Bo día! Como estades? Hoxe quero propoñervos unha tarefa de Plástica proposta polo Equipo de Dinamización da Lingua Galega: facer unha nova portada ben bonita para o conto das Pitas baixo a choiva, de Carvalho Calero. O luns púxenvos o conto orixinal e o certo é que é un pouco complexo, sobre todo as dúas primeiras páxinas: está escrito nun galego máis antigo que tiña normas diferentes ao que falamos e escribimos hoxe en día e tamén no libro hai moitas palabras difíciles (ao final do libro hai un glosario, un pequeno dicionario do vocabulario do libro, aí podíades consultar.). 

Hoxe déixovos o conto en vídeo, veredes que aquí é máis sinxelo:

 

 Como actividade extra vos propoño facer estas actividades de repaso de cando se escribe R e RR, pois vexo que aínda lle custa a algúns e non está de máis repasalo.

 15/5/2020

 Bo día, nen@s! Hoxe xa é venres! Onte chegáronme unhas portadas chulísimas de As pitas baixo a choiva e fixen un Genially para expoñer os vosos traballos de Plástica deste trimestre de xeito máis cómodo: https://view.genial.ly/5ebaed9ec2ecf10d6a54b4ea/presentation-plastica-3o-trimestre-2oa-201920-salgado-torres 

Tamén me chegaron vídeos e audios recitando trabalinguas en galego! Seguide enviando tanto trabalinguas como portadas de As pitas baixo a choiva, que aínda estades a tempo!

Hoxe como sabedes temos a videochamada cos de 2ºB tamén e imos comentar, entre outras cousas, o capítulo 13 de Pippi Mediaslongas, como xa vos dixen onte polo HangOuts. Así que, vede o capítulo para poder comentalo xuntos! Aquí volo deixo: https://www.youtube.com/watch?v=TNGtNmTRBw0

Que tarefa vos propoño hoxe? Ir botándolle unha ollada á táboa de multiplicar do 4 e seguir repasando a do 2 e o 3!

Déixovos esta canción que penso que vos vai axudar moito a ir aprendéndoa porque podedes asociar unha rima ao resultado:

 

Como actividade extra vos propoño facer este ditado que xa é de un nivel máis que os que vos mandei estes días mais que veredes que é moi sinxelo:

 

Actividades 8ª Semana Corentena 2ºA 2019/20

ACTIVIDADES 8ª SEMANA DE CORENTENA 2ºA

5/5/2020

Ola, nen@s! Xa estamos de volta da ponte. Ben, hoxe toca ver un tema de Natus: as plantas. É só un repasiño do que xa vimos o curso pasado, lembradesvos que o ano pasado cada un de vós plantou unha alfábega nun bote de iogur? E na horta do cole plantamos cabazas!

Pois ben, que tedes que facer?

1º) Ver o seguinte vídeo sobre as plantas:

2º) Clicar na imaxe de abaixo para abrir o libro de Vicens Vives, xa vos vai abrir no tema das plantas. Podedes pasar as páxinas dándolle as frechas da esquerda e dereita.

3º) Ler con atención o tema, sobre todo os parágrafos co título en laranxa e o texto en verde e vermello, ata a páxina 64. A maiores da lectura, podedes facer as actividades que vos apeteza do tema.

4º) Facer as seguintes actividades:

A) Buscar e anotar o nome de todas as plantas que tedes na casa. Lembrade que poden estar nunha maceta ou mesmo na neveira se é que as ides comer en breves! 

B) Facer un esquema sobre as plantas que inclúa as seguintes ramificacións: que precisan as plantas para vivir, que partes teñen as plantas, que tipos de planta hai segundo a súa folla ou segundo como medraron. Toda esta información está no libro dixital ou no vídeo, ou mesmo na vosa memoria, pois algunhas cousas xa as vimos o ano pasado!

C) Esta actividade é opcional, invítovos a que plantedes algunha semente na casa e que enviedes fotografías do proceso dende que a plantastes ata que comezastes a ver o talo asomar, medrar, as flores, etc. A vosa compi Marta plantou unha tomateira xa hai días:


actividade extra de hoxe é un ditado, lembrade que as actividades extra son para aquel alumnado que queira facelas porque lle apetece máis traballo: 

 

 6/5/2020

Ola, nen@s! Antes de explicarvos a actividade de hoxe, quería lembrarvos que tedes actividades das áreas dos outros especialistas (Música, Inglés, Educación Física e Relixión) na páxina web do cole. Se facedes as súas actividades, non dubidedes en facérllelas chegar a estes profes e, se non sabedes como, preguntádeme a min. De feito, na columna que hai na dereita deste blogue, podedes acceder a elas. 

Dito isto, agora si, explícovos o que hai que facer hoxe:

1º) Clicar na imaxe de abaixo para abrir o libro de Vicens Vives, xa vos vai abrir na lectura que quero que fagades. Podedes pasar as páxinas dándolle as frechas da esquerda e dereita.

2º) Ler con atención o texto das páxinas 84 e 85

3º) Facer as actividades da páxina 86, que son sobre a lectura, e da páxina 90, que son sobre o B e o V. 

 

A actividade extra de hoxe é facer os seguintes exercicios de Matemáticas:

 7/5/2020

Bo día, nen@s! Hoxe traiovos unha actividade de Plástica con diferentes opcións, escollede a que mellor se adapte aos materiais que tedes na casa, a que máis vos guste ou varias se o preferides. Como estamos coa temática das plantas en Naturais, gustaríame que representedes algunha planta: unha planta con flor, unha árbore... E mañá, os que queirades, podédela ensinar aos vosos compis de 2ºB e 2ºA pola videochamada.

Déixovos aquí as opcións:

Nesta precisaríades:

  • Un soporte algo resistente (cartón por exemplo)
  • Bastonciños de limpar os oídos
  • Tesoiras
  • Plastilina de cor verde (se non tedes na casa, sabíades que se pode fabricar plastilina caseira con fariña, colorante e uns poucos ingredientes máis? En internet tedes a receita)
  • Pegamento (para que a bola de plastilina non se mova)
  • Pincel
  • Pintura

 

Para esta precisaríades:

  • Un rolo de cartón do papel hixiénico
  • Tesoiras
  • Pintura
  • Pincel
  • Cartolina ou papel.

No vídeo vos explican dous xeitos de pintar flores con estes materiais. Penso que a máis sinxela para vós é a 1ª, que é ata o minuto 1:17.

 

Outra opción é facer un debuxo seguindo algún destes titoriais, paso a paso. Lembrade comezar co lapis suave, por se vos equivocades e tedes que rectificar algún trazo. 

Aquí só precisaredes:

  • Lapis
  • Rotulador (opcional, para repasar as liñas de lapis se queredes)
  • Ceras de cores ou rotuladores (depende co que queirades darlle cor)
  • Papel

Estou desexando ver como vos quedou!

Como actividade extra, propóñovos seguir repasando as táboas de multiplicar do 2 e do 3. E, se pensades que xa as sabedes moi ben, podedes mandarme algún vídeo dicíndoas por orde ou salteadas, ou das dúas formas. Hai un compi que xa me mandou vídeos recitándoas por orde e salteadas.

Déixovos aquí dous enlaces onde tedes moitos xogos para practicar a multiplicación, facedes clic na imaxe e xa vos leva aos xogos:

Para a táboa do 2:

Para a táboa do 3:

 8/5/2020

 Bo día, chic@s! Hoxe xa é venres e quero deixarvos con un tema de Mates moi sinxelo: os polígonos. Este ano non nos deu tempo de velo moi ben na clase, mais... lembrades aquelas páxinas do libro de Lengua que fixéramos sobre o tangram? Nela falamos dalgúns polígonos como o triángulo e o cuadrilátero.

Pois ben, que tedes que facer hoxe?

1º) Ver este vídeo:

2º) Fotografiar! Tedes que fotografiar polígonos que vedes na vosa casa ou na rúa, e nomealos segundo o seu número de lados (triángulo, cuadrilátero, pentágono, hexágono, heptágono, etc.) e se son regulares (todos os seus lados miden o mesmo) ou irregulares (non todos os seus lados miden o mesmo) . Podédes poñerlle o nome no título da fotografía ou escribir nela con un programa de debuxo dixital (por exemplo, co Paint). 

Póñovos un exemplo: as baldosas do meu salón son cuadriláteros irregulares, cuadriláteros porque teñen 4 lados e irregulares porque non todos miden o mesmo:

Se non vos é posible facelo con fotografías, podedes facer debuxos e unha lista de varios polígonos que atopedes pola casa ou pola rúa, sempre nomeando que tipo de polígono son. Por exemplo: "Os azulexos do meu baño son hexágonos regulares." Por suposto, mandádeme o voso traballo por correo!

A actividade extra de hoxe é resolver os seguintes problemas. Pensade ben na operación que estivemos vendo dende hai unhas semanas, a ver se vos pode ser de axuda para resolvelos. Por certo, espero que continuedes a ver a serie de Pippi, por que capítulo ides?

Por certo, aproveito para deixarvos este aviso de parte do centro, por se sabedes de alguén novo que queira matricularse no noso cole:

 

 

 

ENTROIDO 2ºA 2019/20

ENTROIDO 2019/20

Como este ano o proxecto do cole é o cine inspirado en literatura, as nenas e nenos de 2º disfrazámonos da serie que estamos a ver na aula: Pippi Mediaslongas.

Así, fomos disfrazados de diferentes personaxes da serie: Pippi, Tommy, Señorita Pastelius, o Señor Nilsson, o pai de Pippi... 

 

 

Actividades 7ª Semana Corentena 2ºA 2019/20

ACTIVIDADES DA 7ª SEMANA DA CORENTENA PARA 2ºA 

 27/4/2020

Ola, chic@s! Hoxe imos repasar o tema de Sociais da paisaxe con este libro. É importante que saibades que neste libro explican un pouco diferente a paisaxe a como nós a vimos na clase: Nós estudamos a paisaxe de costa e a de interior, mais aquí, dentro da paisaxe de interior diferencian dous tipos: a paisaxe de montaña e de chaira (nós vimos a chaira como un elemento da paisaxe de interior). Non vos preocupedes, o importante deste tema é ir coñecendo o vocabulario da paisaxe e recoñecer o que é unha montaña, unha serra, unha cordilleira, un val, unha chaira, un río, un cabo, un golfo, un cantil, unha illa, un arquipélago... E distinguir o que son elementos naturais dos artificiais ou humanizados.

Que tedes que facer? 

1º Clicar na imaxe de abaixo para abrir o libro de Vicens Vives, xa vos vai abrir no tema da paisaxe. Podedes pasar as páxinas do libro dándolle ás frechas da esquerda e da dereita.

2º Ler con atención, sobre todo, os parágrafos que teñen o título en laranxa e o texto en rosa e vermello. Só quero que leades o tema ata a páxina 9.

 3º Facer, con axuda, un documento de texto no ordenador con imaxes de diferentes elementos naturais da paisaxe de interior (montaña, serra, cordilleira, val, chaira, río, etc)  e outro cos elementos da paisaxe de costa (praia, cabo, golfo, cantil, península, illa, arquipélago, etc). É importante que poñades o nome dos elementos en galego xunto ás imaxes. Se non podedes facelo no ordenador ou non queredes, podedes facelo en papel, debuxando os elementos e nomeándoos. Ademais, podedes facer algunhas actividades das páxinas 5, 7 e 9 se queredes.

A actividade extra de hoxe é un ditado para practicar o R inicial das palabras, que soa forte.

28/4/2020

Ola, chic@s! Hoxe imos repasar o tema de Natus dos animais vertebrados (os que teñen esqueleto interno). Este tema o vistes moi ben na clase (cada un fixo un lapbook dun vertebrado que lle gustaba) e sabedes que se clasifican en peixes, anfibios, réptiles, aves e mamíferos. Pois ben, que vos propoño?

1º) Ver os dous vídeos que vos deixo aquí e escoitar e ler con atención.

2º) Responder por escrito ás preguntas sobre os vídeos.

Vídeo 1:

 

  • Segundo as imaxes do vídeo, que animais se achegaron aos lugares onde viven os seres humanos? Fai unha lista deles agrupándoos en diferentes columnas segundo sexan: mamíferos, aves, réptiles, anfibios ou peixes.

  • Estes animais son domésticos ou salvaxes?

  • Por que cres que se achegaron os animais?

Vídeo 2

  • Despois de ver o vídeo, por que cres que o confinamento para evitar contaxios axudou a reducir a contaminación no planeta? Explica e pon exemplos.

 A actividade extra de hoxe é a seguinte: 

Escribe en galego 10 palabras en masculino singular, 10 en masculino plural, 10 en feminino singular e 10 en feminino plural. Lembra que as palabras en masculino son aquelas que poden levar o diante: “o neno”, “o lapis”, “o can”. As palabras en feminino son aquelas que poden levar a diante: “a nena”, “a mesa”, “a cadela”. Lembra que as palabras en singular designan un só ser ou obxecto: “o can”, “a cadela”. As palabras en plural designan varios: “os cans”, “as cadelas”.

 29/4/2020

Ola, chic@s! A tarefa de hoxe é repasar a táboa de multiplicar do 2 e comezar a ver a táboa do 3. Déixovos aquí unha canción para repasar a táboa do 3 e unhas actividades para practicar a multiplicación, os que fixestes a táboa de multiplicar que vos ensinei o venres podedes axudarvos dela para resolver as actividades:

 

A actividade extra de hoxe, que me gustaría que a fixerades tod@s os que puideses, é sobre un tema que traballamos moito en Valores, mais tamén me consta que en Relixión: As emocións. En Valores traballamos emocións moi básicas como a alegría, a tristeza, o medo, o enfado ou mesmo noxo. Vistedes a película Inside Out (Del Revés)? Nela se ven moi ben estas emocións.

Que actividade vos propoño?

Coller un bote baleiro: será o noso “bote das emocións”, podemos poñerlle unha etiqueta bonita por fóra que poña “As miñas emocións” ou "Bote das emocións", se non tedes un bote podedes usar unha caixa ou unha bolsa. O bonito sería que sexa un recipiente transparente para que se vexan dende fóra as emocións que hai nel, coa súa cor.

Unha vez temos o bote, iremos día a día enchéndoo coas nosas emocións. Como?

Explicaremos por escrito en papeliños situacións que nos fixeron sentir diferentes emocións durante a corentena e dobrarémolos para metelos no bote. Se sabedes a data de cando vos pasou esa situación, podedes poñela. Os papeliños hai que pintalos por fóra coa cor da emoción:

Un exemplo: amarelo = alegría, azul = tristezamorado = medo, vermello = enfado, verde=noxo.  

Se tedes outro código, por exemplo: pintar de negro o “medo” tamén vale. O importante é que saibades o código de cor das vosas emocións.

Aquí tedes uns exemplos de como escribir as situacións:

  • 14/3/2020: Hoxe sentín medo cando me enterei de que por culpa do virus non podemos ir ao colexio.
  • 16/3/2020: Hoxe pola mañá sentínme feliz porque fixen un biscoito con mamá, papá e a miña irmá.
  • 16/3/2020: Pola tarde sentín un pouco de noxo porque o meu gato vomitou unha bola de pelos enorme.
  • 19/3/2020: Hoxe sentinme triste porque foi o meu cumple e non o puiden celebrar c@s meus amig@s.
  • 19/3/2020: Despois pasóuseme a tristeza e sentinme alegre porque fixemos unha videochamada coa miña avoa e gustoume moito vela.
  • 12/4/2020: Hoxe sentínme enfadado porque o meu irmán perdeume o meu libro favorito. 

 

 Encantaríame ver as fotos dos vosos botes cheos de emocións co paso do tempo! Non é unha cousa para facer un día, senón todos os días. Cada vez que sentimos unha emoción e sabemos explicar que nos fixo sentila, temos que escribila e metela no noso bote! Poderíamos ensinarlle os nosos botes aos compis de 2ºB nunha videoconferencia, e, dentro dun tempo, cando pase esta situación de confinamento, gustaravos abrir o voso bote e ler os papeliños das vosas emocións. 

  30/4/2020 

Bo día! Hoxe é o último día desta semana que vos poño tarefas por aquí (en Snappet activarei actividades para estos días), pois mañá é festivo polo Día do Traballador. O luns tampouco vos poñerei nada porque é un festivo que colleu o cole, mais sabede que estou sempre dispoñible polo HangOuts ou por correo se precisades consultarme calquera cousa. Gustaríame que nestes días practiquedes a multiplicación, as táboas do 2 e do 3.

A tarefa de Plástica que vos mando hoxe é moi sinxela e divertida: son uns pés que camiñan sós! Se facedes dous, podedes botar carreiras con un membro da vosa familia. Só precisaredes unhas palliñas e uns paliños de madeira, un pouco de cartolina, lapis, un rolo de cinta americana ou de embalar, tesoiras e algo de cinta adhesiva.

No vídeo vos explican ben como se fai:

Como actividade extra, déixovos unhas actividades de Mates para practicar a comprensión e resolución de problemas matemáticos e outra para practicar a multiplicación.

 

Actividades 6ª Semana Corentena 2ºA 2019/20

ACTIVIDADES DA 6ª SEMANA DE CORENTENA PARA 2ºA

 20/4/2020

Ola, chic@s! Hoxe ides ver un tema de Sociais que traballamos no primeiro trimestre un montón: os tipos de traballo (sector primario, secundario e terciario, que neste libro lles chaman traballos na natureza, nas fábricas e que prestan servizos). Ademais, neste tema podedes ver os medios de comunicación, que na clase tamén os traballamos un pouquiño no primeiro trimestre nalgunha actividade.

Que tedes que facer? 

1º Clicar na imaxe de abaixo para abrir o libro de Vicens Vives, xa vos vai abrir no tema dos traballos e os medios de comunicación. Podedes pasar as páxinas do libro dándolle ás frechas da esquerda e da dereita.

2º Ler con atención, sobre todo, os parágrafos que teñen o título en laranxa e o texto en rosa e vermello. Ata rematar o tema, na páxina 92. Podedes facer oralmente as actividades do libro se queredes.

3ª Tendo en conta a situación que estamos a vivir debido ao Coronavirus, que está a facer que moit@s quedemos na casa, responde por escrito as seguintes preguntas:

  • Que traballos siguen a facerse porque son imprescindibles e para facelos hai que saír da casa? Indica a que sector pertence cada un. 
  • Que traballos poden seguir a facerse dende casa? Como se fan estes traballos dende a casa?
  • Pensas que están sendo importantes os medios de comunicación persoal (teléfono, teléfono móbil, correo electrónico...) durante o confinamento na casa? Por que?
  • E os medios de comunicación social (televisión, radio, prensa...) están sendo importantes neste momento de corentena? Por que?

Non esquezades enviarme por correo as vosas respostas!

Aproveito para lembrarvos que tedes na páxina do cole as actividades que propoñen os diferentes especialistas: Educación Física, Relixión, Música, Inglés... Vistedes o novo reto que vos propón a profe de Música? Estades a botarlle unha ollada ao blogue de Toctina, a mascota da nosa biblioteca? Ademais, cada día vouvos deixar unha actividade extra para aquel alumnado que queira facer algo a maiores:

Hoxe déixovos esta actividade extra para quen queira máis traballo, ollo: Lede ben o enunciado. Non sempre vos piden no mesmo lugar os pares ou os impares ou ordenar co mesmo criterio.

 

21/4/2020

Hoxe póñovos unha tarefa de Natus. É un repaso do que vimos no 1º trimestre: os hábitos saudables. 

 Que tedes que facer? 

1º Clicar na imaxe de abaixo para abrir o libro de Vicens Vives, xa vos vai abrir no tema da saúde e como coidala. Podedes pasar as páxinas do libro dándolle ás frechas da esquerda e da dereita.

2º Ler con atención, sobre todo, os parágrafos que teñen o título en laranxa e o texto en verde e vermello. Ata rematar o tema, na páxina 28. Se queredes, podedes facer algunhas das actividades do libro, ben copiándoas en papel ou ben facéndoas no ordenador ou na tablet.

3º  Tendo en conta a situación que estamos a vivir debido ao Coronavirus responde por escrito as seguintes preguntas:

  • Que hábito saudable (alimentación equilibrada, descanso, hixiene, actividade física...) temos que extremar moito nestes días para evitar contaxiar ou ser contaxiados do virus? 
  • Nestes días de confinamento na casa, como podemos facer actividade física?
  • E como enches o teu tempo libre? 
  • Escribe o horario que estás a seguir habitualmente durante o confinamento: A que hora te levantas, que comidas fas (almorzo, xantar, merenda, cea...) e a que hora aproximada, a que hora fas tarefas da casa ou do cole, a que adicas o tempo libre, a que hora te duchas, a que hora vas durmir, etc

Non esquezades enviarme ao correo as tarefas por escrito que fagades!

A actividade extra de hoxe son dous ditados. As actividades extra son traballo a maiores para quen non lle chegue coas actividades de Snappet, as actividades do blogue, e a lectura e escritura diarias. 

22/4/2020

Ola, chic@s! Hoxe toca darlle caña a Lingua Galega, que é, se cadra, o que máis vos costa falar e escribir á maioría! Por iso hai que practicala moito. 

Que tedes que facer?

1º Clicar na imaxe de abaixo para abrir o libro. Podedes pasar as páxinas do libro dándolle ás frechas da esquerda e da dereita.

2º Ler con atención, o texto das páxinas 66 e 67 "A ladroa de bágoas". Lembrade, antes de ler a historia responder a pregunta que vos fai o libro no rectángulo azul

3º  Facer por escrito as actividades das dúas páxinas seguintes, da páxina 68 e 69.

Non vos esquezades de mandarme por correo estas actividades! Por certo, lembrade que mañá, 23 de abrilé o Día do Libro. Estaría xenial que participárades nalgunha das actividades que propón Toc-Tina: https://view.genial.ly/5e9b7bae3b26f10da5c6aec7/presentation-semana-do-libro

Hoxe a actividade extra que vos deixo é tamén de Lingua, e consiste no seguinte: Tedes que buscar nun mapa político o nome de 15 países diferentes e ordealos alfabeticamente.

Non vos lembrades de como se facía? Aquí vos deixo un vídeo que volo explica:

  23/4/2020

 Ola chic@s! Hoxe xúntasenos a actividade de Plástica co Día do Libro así que, propóñovos dúas actividades de Plástica con moitas opcións, e cada quen que faga a que queira:

1ª opción: Facer un debuxo dun dos nosos libros favoritos: dándolle cor e escribindo o título deste e o autor ou autora con letras bonitas (probade a facelas primeiro suave co lapis por se non vos saen á primeira). En internet tedes modelos de "lettering" moi bonitos.

2ª opción: Facer un marcapáxinas tomando algunha destas ideas. Para facer un deles é aconsellable utilizar cartolina, tesoiras, punzón ou cutter (con axuda), e para decoralos está ben ter pinturas ou outros materiais como , ollos de pegar, papel de agasallo, etc. O importante destes marcapáxinas é que teñen que ter unha parte móbil (é a que facemos recortando), que se separa da parte principal, para enganchar a páxina. Déixovos aquí algunhas ideas:

Non esquezades mandarme unha foto dos marcapáxinas nunha páxina dun libro que vos guste!

A actividade extra de hoxe é a seguinte: 

Ficha de horas menos cuarto en la que te damos unas horas que debes marcar la del reloj correcto.

Ficha de horas y cuarto para señalar el reloj analógico que sea correcto.

Ficha de hora y media, hora en punto, cuartos de hora. Elige el reloj correcto.

24/4/2020

Hoxe toca un tema que a moit@s vos encanta: a multiplicación. Lembrades o que vimos xa o ano pasado? Que era sumar varias veces o mesmo número? Este ano non nos deu tempo a vela moito na clase, mais si que vimos algúns exercicios que se podían resolver con ela (como aquel de cantas flores tiña que chuchar unha abella para facer 3 gotas de mel). Pois ben, que tedes que facer hoxe? 

1º Ver este vídeo onde explican moi ben o que é a multiplicación:

 

2º Facer estas actividades:

Aprendemos a multiplicar de forma divertida

Aprendemos a multiplicar de forma divertida

3º Aprender a táboa do 2: Déixovos unha canción que vos vai axudar a repasala, e unha táboa onde podedes ver que a multiplicación non deixa de ser sumar moitas veces.

Tablas De Multiplicar - Lessons - Tes Teach

Como actividade extra de hoxe propóñovos construir unha táboa de multiplicar, que vos vai axudar un montón para traballar a multiplicación. Para facer a táboa podedes tomar como referencia a da imaxe de abaixo, se facedes clic na imaxe lévavos á explicación detallada de como se fai: 

tablapitagoras-mamadeteo.jpg

 

Actividades 5ª Semana Corentena 2ºA 2019/20

ACTIVIDADES DA 5ª SEMANA DE CORENTENA PARA 2ºA

 14/4/2020

Ola de novo! Hoxe voltamos das vacacións de Semana Santa e quero deixarvos unha tarefa de Sociais. É un repaso do que vimos no 1º trimestre. Lembrádesvos de que había 3 tipos de localidades en función do seu tamaño? Cidades, vilas e aldeas? Pois hoxe déixovos para repasar un libro online, co tema do goberno das localidades, algo que tamén vimos no 1º trimestre e que seguro lembrades.

 Que tedes que facer? 

1º Clicar na imaxe de abaixo para abrir o libro de Vicens Vives, xa vos vai a abrir no tema do goberno das localidades. Podedes pasar as páxinas do libro dándolle ás frechas da esquerda e da dereita.

 Ler con atención, sobre todo, os parágrafos que teñen o título en laranxa e o texto en rosa e vermello, que son: O Concello, os servizos municipais, os funcionarios municipais, os edificios e espazos públicos e o patrimonio da nosa localidade. Ata rematar o tema, na páxina 76.

3º Se queredes, podedes facer algunhas das actividades do libro, ben copiándoas en papel ou ben facéndoas no ordenador ou na tablet. Se as facedes non dubidedes en enviarmas por correo para botarlles unha ollada.

 15/4/2020

Hoxe unha tarefa de Natus. É un repaso do que vimos no 1º trimestre: o corpo humano e as súas partes (o esqueleto, os músculos e as articulacións, e tamén a respiración). Falta o aparello dixestivo, que nós o vimos na clase mais neste libro non aparece... Mais seguro que vos lembrades del: boca, esófago, estómago e intestinos! Pois hoxe déixovos un libro online para repasar este tema.

 Que tedes que facer? 

1º Clicar na imaxe de abaixo para abrir o libro de Vicens Vives, xa vos vai a abrir no tema do corpo humano. Podedes pasar as páxinas do libro dándolle ás frechas da esquerda e da dereita.

 Ler con atención, sobre todo, os parágrafos que teñen o título en laranxa e o texto en verde e vermello. Ata rematar o tema, na páxina 14.

3º Se queredes, podedes facer algunhas das actividades do libro, ben copiándoas en papel ou ben facéndoas no ordenador ou na tablet. Se as facedes non dubidedes en enviarmas por correo para botarlles unha ollada.

 

 

16/4/2020

Hoxe unha manualidade de Plástica: facer unha tartaruga ou sapoconcho (que nome vos gusta máis?) coa súa coiraza. Para iso só ides necesitar:

  • Un folio ou unha cartolina en branco.
  • Un compás ou un obxecto circular mediano (a tapa dun bote de cacao, por exemplo). 
  • Lapis.
  • Tesoiras
  • Ceras de cores e rotus.
  • Tiras de cartolina de cores (se non tedes de cores podedes pintar unha que estea en branco)

 

Tedes que facer o seguinte:

  1. Debuxar no folio en branco o círculo onde vai ir a coiraza do animal, con axuda do obxecto circular ou do compás (lembrade empregar o lapis por se tedes que rectificar algo, e só cando esteades seguros de que está como queredes, darlle co rotulador para repasar). 
  2. Logo, debuxar a cabeza, as patas e a cola do sapoconcho.
  3. Finalmente, recortar tiras de cartolina de cores que sexan algo máis longas que o círculo de lado a lado.
  4. Dobrar unhas pequenas lapelas nos extremos da cartolina e pegalas no círculo, formando arcos que se irán entrecruzando, ata cubrir todo a coiraza da tartaruga.
  5. Darlle cor coas ceras ao resto do animal (cabeza, as patas, a cola...) e ao fondo.

Se non tedes cartolina para as tiras da coiraza, podedes probar a facelas con papel coloreado por vós. 

Non vos esquezades de mandarme unha foto co resultado se queredes que a suba ao apartado de creacións do alumnado do blogue da nosa aula!

 17/4/2020

Bo día! Hoxe quero deixarvos 5 problemas matemáticos que podedes facer en liña, clicando na imaxe, e comprobar no momento se están ben ou hai algún erro, dándolle ao botón da esquina inferior esquerda que pon "Enviar". Se os facedes en liña, podedes mandarme unha captura de pantalla de cada problema por correo. Se non, podedes copialos a man nun folio en tamén mandarmos.

 

 

 

 

Distribuir contido


by Dr. Radut