Actividades

O alumnado de 3º e Infantil visitaron á biblioteca do Forum Metropolitano.

Os alumnos e alumnas de Infantil desfrutaron dunha actividade de contacontos onde tamén deronlles a coñecer os aspectos máis importantes da biblioteca.

A visita de 3º estaba dirixida para coñecer que son e que utilidade teñen os libros de divulgación. Para iso prepararon unha situación moi chula de investigación onde os nenos e nenas tiveron que resolver un caso dun roubo real dun cadro. Moitas grazas pola visita a unha das mellores bibliotecas da nosa cidade.

O alumnado de 2º, visitaron o museo científico, "Casa das Ciencias" e o seu Planetario. Participaron nas actividades das exposicións que son de carácter interactivo, manipulando e experimentando de maneira activa, para tratar de comprender ou experimentar por se mesmos os secretos da Física. No Planetario, desfrutaron dunha actividade espectacular onde coñeceron datos curiosos da nosa galaxia e Universo.

O alumnado de 6º participou na actividade "Esías no Tempo". Este programa busca dar a coñecer o patrimonio da cidade e desenvolver un sentimento de pertenza local entre o alumnado dos centros educativos. Ao mesmo tempo, pretende fomentar o papel educativo da cidade como un espazo xerador de experiencias e de memoria compartida. Nesta ocasión o alumnado coñeceu a contorna do centro e como se desenvolveu ao longo do tempo.

Este ano celebramos o "Día de Rosalía" en todo o centro cunha chea de actividades relacionados coa autora e a súa obra. Tentando en todo momento ter presente a esta autora tan senlleira para os galegos e galegas, as actividades foron do máis variado, dende a fabricación de herbarios coas plantas que aparecen na súa obra, coma a elaboración de murais. A pesar da chuvia, puidemos adicarlle unha canción Deixamos un resudo do que se fixo ese día.

O alumnado de 5º e 6º foron á Fundación Abanca a ver "HELP! (Trouble in the Jungle)". Esta obra de teatro vai de Zaida que vive na selva tropical, pero unha mañá a selva pídelle axuda. Un grupo de leñadores chegan para cortar a árbore máis alta da fraga, que ofrece alimento, refuxio e sombra a todas as persoas que a habitan. Ela soa terá que detelos coa inestimable axuda do público. Repleta de cancións, acción e gargalladas, esta comedia interactiva fará que o alumnado reflexione sobre a conservación e o coidado do medio ambiente. Unha experiencia práctica e divertida para asimilar novos coñecementos e aprender a expresarse en inglés.