DÍA DE ROSALÍA 2019

Co gallo da celebración do aniversario do nacemento de Rosalía, o 24 de febreiro, o Equipo de Dinamización da Lingua Galega convocou, entre todo o alumnado do centro, un CONCURSO DE CARICATURAS da célebre autora.

Establecéronse as bases para poder participar e seleccionouse, nunha primeira fase, unha única caricatura por nivel. Rematada esta selección, elexiuse, de entre todas elas, a máis representativa como caricatura e realizouse unha estampación en pegatinas con esta imaxe para repartir entre todo o alumnado participante.

As caricaturas seleccionadas estiveron expostas no taboleiro da entrada do cole para disfrute de toda a comunidade educativa e agasallouse aos gañadores cun fantástico lote con material artístico como mostra de agradecemento.

A calidade artística dos nosos alumnos é innegable e aquí vos deixamos unha pequena mostra. Esperamos que vos gusten tanto como a nós.