Monthly archive

Coa chegada do Antroido, ao CEIP Nº 2 de Tui chegaron os "Xogos Olímpicos". O Primeiro en chegar foi a MECA que claro está tamén era unha deportista de alto nivel.

O longo da semana foinos poñendo ordes que todos e todas tivemos que cumplir: Luns .- "Se un gran olímpico queres ser, medalla has de traer " Martes.- "Camiseta do teu equipo traerás e olímpico parecerás" Mércores.- "A todo isto que que sumar chandal e a xogar." Xoves.- "Para rematar, cinta na cabeza e a xogar."

Pero está claro que todo deportista necesita enerxia e unha boa dieta, polo que aproveitando que polo Entroido temos comidas e lambetadas típicas, fixemos unha "Cuchipanda" todos xuntos.

Pero seguramente o que máis nos gusta do Antroido son os disfraces. Cada curso preparou o seu, todos relacionados cos "Xogos Olímpicos".

A canteira do tenis viuse representada con Infantil	Os de primeiro formaban un pelotón multicolor
Os de segundo eran polo menos cinturón negro	Os de terceiro e cuarto eran arqueiros e ximnastas.
A natación estaba representada polo equipo olímpico de 5º	E non podía faltar o deporte "rei", os de 6º era a selección de fútbol.
En ningunha Olimpiada pode faltar o seu símbolo oficial, son os aros olímpicos  pero, quen se esconde neles?	O piragüismo tamén tiña representación aínda que para Pekín xa pasan da idade, deben de vir de Barcelona 92.

 O noso paseo Olímpico polas rúas de Tui rematou coa exhibición de todos os deportes no Estadio Olímpico de ANUBIS

                                                            Máis fotos da nosa Olimpiada aquí

Dende o xoves 9 ata o domingo 11 de Maio celebrouse en Tui o Campionato de España de Baloncesto Junior. Parecíanos unha oportunidade boa para poder ver en acción as próximas estrelas de grandes equipos nacionais.

Na clase de Educación Física estivemos animando como a mellor afición.  Sempre tiñamos algún favorito ao que animar.

Aquí estamos cos xogadores de Castela e os de Asturias...	...pero os nosos favoritos eran os de Asturias.

Para aqueles nenos e nenas da área de influencia do Centro que viven un pouco lonxe (Bornetas, Areas e Pexegueiro),  a Consellería de Educación ofrece o servizo de transporte escolar de maneira gratuíta.

Se non se está escolarizado na área de influencia, este servizo só pode utilizarse trala solicitude á dirección do centro e a correspondente autorización para o curso académico por parte de Xefatura Territorial.

A empresa que ten a concesión é MONBUS.     

A hora de recollida polas paradas é en torno ás 08:45 h. para estar no centro antes das 09:15 horas; e a de volta a casa será a partires da 14:15 h. unha vez rematadas as clases.

RUTAS E PARADAS

Deberes do alumnado transportado

•  Estar puntualmente na parada nas horas de saída do autobús.
•  Non acercarse ao autobús ata que estea totalmente parado, nin levantarse dos seus asentos durante o traxecto.
•  Respectar ao acompañante e ao conductor do autobús.
•  Non tirar papeis ou outros desperdicios no vehículo, nin ocasionar danos no mesmo.
•  Axudar aos seus compañeiros menores ou con limitacións físicas.
•  Non molestar ou perturbar a conducción do vehículo.

  En todas as rutas temos un acompañante. Según establece o Real Decreto 443/2001, do 27 de abril, as principais funcións do acompañante son:

• Coidar da seguridade dos menores durante o transporte escolar, e procurar que non se produzan altercados durante a viaxe.
• Encargarse da recollida e acompañamento do alumnado durante o seu transporte, así como das operacións de acceso e abandono do vehículo.
• Comunicar á Consellería de Educación e Ordenación Universitaria calquera incidencia que atinxa ao alumnado durante o transporte ou nos momentos de acceso e abandono do vehículo.
• Coordinar as operacións de evacuación do vehículo e atención aos feridos, no seu caso, cando se produzan averías ou accidentes de circulación.

Como xa ocurrira no curso pasado, o noso centro participa na competición de "Deporte na Escola" organizada pola Conselleria de Deporte.

Esta competición desenrólase ao longo do curso en diversas xornadas que se celebran pola maná. No noso colexio, participamos con 2 equipos:

• Un de categoria A formado polos nenos e nenas de 3º e 4º e na que participamos con nenos e nenas do colexio Nº 1 de Tui, CEIP de Randufe, CEIP de Rebordáns, CEIP  de Guillarei e CEP de Altamira de Salceda
• Un de categoria B formado polos nenos e nenas de 5º e 6ºe na que participamos cos colexios Infante Felipe de Salvaterra, CEIP Petelos de Mos CEIP de Sanguiñeda e CEP Altamira de Salceda.

Aquí están os nenos e nenas de 6º B o día que foron a competir cos de Salceda

En cada unha das xornadas temos que xogar a varios deportes como:

Baloncesto	Fútbol
Bádminton	Unha proba cultural na que temos que estudiar 400 preguntas de Lingua, Matemáticas, Naturais e  Educación Física das que cada colexio ten que contestar 20.

O que máis nos gusta desta competición é que coñecemos a un montón de nenos e nenas doutros colexios cos que xogamos toda a maná independientemente de que gañemos ou perdamos.