O venres celebramos o magosto. Fai clic na imaxe para ver un resumo desta celebración. 

Segundo reunión da Xunta Electoral de hoxe, día 15 de novembro, informamos que todas as candidaturas presentadas para o sector de pais/nais ou titores legais foron admitidas.

Ábrese un prazo de 2 días para posibles reclamacións.

Premendo aquí pódese consultar a relación de candidaturas.

Informamos que dende o día 3 ata o 11 de novembro incluído está aberto o prazo de presentación de candidaturas ao Consello Escolar.

Para presentarse é preciso facer unha solicitude a través do impreso dispoñible na Secretaría. O impreso de solicitude tamén se pode descargar dende aquí e entregar xa cuberto no centro.

Aproveitamos para facilitarvos o calendario electoral co fin de que teñades presentes todas as datas relevantes para o proceso.

Recordarvos que este ano hai que renovar dous representantes dos pais/nais ou titores legais do alumnado e substituír por un ano a un membro que xa non está dispoñible.

É conveniente que os candidatos (posibles membros) se preocupen polo funcionamento do centro, aportando as súas ideas para melloralo.

Calquera pai, nai ou titor/a legal do alumnado do centro que figure no censo pode presentarse para, de ser elixidos, formar parte do Consello Escolar.

É necesario ter en conta que os pais/nais ou titores legais do alumnado que forman parte do Consello Escolar son os seus representantes no centro.

Non dubiden en contactar co centro educativo para resolver calquera cuestión que lles poida xurdir.