Nesta primeira semana de novembro celebraremos no C.E.I.P Gándara-Sofán o Magosto e o día do Peón. Este é un ano diferente polos condicionamentos da pandemia, onde o Magosto se realizará en cada aula, sen contacto cos outros grupos, ao igual que os xogos co Peón. En 3 anos xa comezamos a familiarizarnos con este xoguete tradicional, e tivemos a sorte de poder ver un peón moi antigo que nos trouxo Martín!. Este peón é precioso e diferente!!.

Polo Samaín seguindo o proxecto do corpo que estamos a realizar elaborarmos unhas pantasmas (coa silueta das nosas mans) no que indicamos as partes da cara (mans, ollos, boca).

Traballamos a grafomotricidade, utilizando como molde a silueta de diferentes pantasmas.

Xogamos ao xogo de Fantasmín, a nosa pantasma favorita, na PDI!

E construímos o castelo no que vive, con vasos (seguindo as indicacións das tarxetas), e tamén libremente coas pezas de construccións.

Traballamos a simetría recortando cun papel dobrado pola métade aos amigos de Fantasmín  (cabazas, mórcegos...).

E con Fantasmín e os seus amigos tamén traballamos as series (grande-pequeno...), empregando como material tapóns.