FESTA DAS LETRAS GALEGAS E FIN DE PROXECTO O martes 7 de xuño, e coma todos os anos, celebramos a Festa de Fin de curso e de fin de Proxecto (este ano “Entre liñas anda o xogo”) ao mesmo tempo que homenaxeamos as letras galegas. A organización deste día volveu ser coma en anos anteriores. A primeira parte da mañá, todo o alumnado de educación infantil máis o primeiro curso de primaria, estivemos xogando cos xogos populares que traballáramos cada aula no primeiro trimestre coa aplicación “Snapguide” dos Ipads: A pita cega; escondite inglés; a corda; pasemisí; a cigoña; a bomba; escondite, pés quedos. A segunda parte da mañá fixemos talleres de manualidades … E pola tarde celebramos o festival das letras coas actuacións de todo o alumnado para as familias.